ZAWHÂNA 5:42 - Mara Bible RV (BSI)

⁴² Nâmo deikua cha ei cha pahno ei, nâmo liata Khazohpa kyhpachâna hnei veih ei chi.

ZAWHÂNA 5:42 ပူးပေါင်းရင်းမြစ်များ

LUKA 16:15

Zisu ta ama hnohta, “Chyhsa mohmô liata a do kawpa hawhta a lâpa deita nama châ. Khazohpa deikua cha nama palôh a pahno. Chyhsa hry liata palyupalihna cha Khazohpa mohmô ta pasichhihpa a châ.

ZAWHÂNA 2:25

Chyhsapa palôh chhôh liata a ypa a pahno khaipa vâta, chyhsapa kyh liata chyhsapa ta a pahnokhei awpa a ngiah vei.

ZAWHÂNA 21:17

A ei thôhna ta Zisu ta Pity hnohta, “Saimaw, Zawhâna sawchapawpa, kyh eina pachâ chi ma?” tah ta. Pity cha Zisu ta a ei thôhna ta, “Kyh eina pachâ chi ma?” a tahpa vâta, a pachârôh ta, a hnohta, “Abeipa, ato pahno chi ta, kyh ei cha pachâpa chhao na pahno na,” tah ta. Zisu ta a hnohta, “Ei mietakuzy pasa teh.

ZAWHÂNA 5:41

Chyhsapa palyupalihna a pyh va na.

ZAWHÂNA 5:43

Ei paw moh ta a vy na ta, nâ pyh veih ei chi. Mohropa la ano moh ta a vy sala, namâ pyh aw.

ZAWHÂNA 5:44

Nâmo nata nâmo a reithai raihrie ei chi ta, Khazohpa hmeiseihpa a y chhôhpa tawhta â vypa reithaina hmâchhâh nama tlua vei khiahta cha, kheihta namâ ngiapâ thei aw?

ZAWHÂNA 8:42

Zisu ta ama hnohta, “Khazohpa cha nama Paw a châ khiahta cha, kei he Khazohpa tawhta a puapa nata ano tawhta a vypa ei châpa vâta, kyh eina pachâ aw ei chi. Keima rei ta a vypa châ va na, ano ta eina tuapa tlao a châ.

ZAWHÂNA 8:47

Khazohpa chyhsa cha Khazohpa bie a nathlie. Nâmo deikua cha, Khazohpa chyhsa nama châ leipa vâta, Khazohpa bie nathlie veih ei chi,” tah ta.

ZAWHÂNA 8:55

Châhrasala nâmo la ano pahno veih ei chi. Kei deikua ta cha ei pahno. Khazohpa pahno va na ei tah khiahta cha, nâmo hawhta a haihpa ei châ aw. Khazohpa cha pahno na ta, a bie ei zyh lymâ.

RAWMA 8:7

Sapa hmo pachâna cha, Khazohpa ryhpa ry liata a y leipa vâta, Khazohpa a dyuhpa a châ. Hmeiseihta ta, sapa hmo a pachâpa châta cha, Khazohpa ryhpa ry liata y hmeiseih thei awpa châ vei.

1 ZAWHÂNA 2:15

Khizaw he kyhpachâ leipa u la, khizaw liata hmo a ypazy kyhpachâ hra khah u. Chyhsa ta khizaw kyh a pachâ khiahta cha, Paw kyhpachâna ano liata y vei.

1 ZAWHÂNA 3:17

Chyhsa ta khizaw sôh hnei thlâh ha tlôh ta, a unawhpa a phahlapa hmô sala, thapasana a hnei leipa khiahta cha, Khazohpa kyhpachâna cha ano liata kheihta a y thai aw?

1 ZAWHÂNA 4:20

Chyhsa ta, “Khazohpa kyh ei pachâ,” tah sala, a unawhpa â hao tlôh khiahta cha, a haihpa a châ. A unawhpa a hmô thlâh hapa hmahta kyh a pachâ vei khiahta cha, a hmô leipa Khazohpa chhochhi cha kheihta ma kyh a pachâ thei aw?

BIEPHUAH 2:23

A sawzy tusao aw na ta, chatanachata kei cha pachâna nata palôh mohtuhpa ei châ tahpa Awnanopa zydua ta ama pahno aw. Nama hmotaopazy lymâ hawhta ei cha pie aw ei.