ZAWHÂNA 5:40 - Mara Bible RV (BSI)

⁴⁰ Chatanachôta hrona hnei awpa ta kei lâ a vy khoh veih ei chi.

ZAWHÂNA 5:40 ပူးပေါင်းရင်းမြစ်များ

HLAZY 81:11

“Châhrasala ei phopi ta ei ao nathlie leipa ta, Izarei ta nâ ngiarih khoh vei.

ISAI 49:7

Mohnao ngaitapa nata Babylaw râh ta a pasi kawpa, Ryureituhpazy chakaotuhpa Izarei phopi hnohta, Abeipa, Izarei Chatlaituhpa ta hetana heta tah ta, Izarei Mo Pathaihpa ta hetana heta a tah: “Abeipa ngâchhihpa vâta, Châ tlyhtuhpa Izarei Mo Pathaihpa vâta, Beizy ta a cha hmô ti ei ta a duah aw ei ta, Beimachâzy na hmiakô liata amâ bôh aw.”

ISAI 50:2

Khazia ma ei vy no kha chyhsa a hy hmah y leipa ei ta, Khazia ma ei aw no kha nâ chyh-eipa ama y vei tly? Ei ku he chatlai thei lei awpa ta pachhohsapa ma a châ haw? Pachha awpa ta hmotaotheina a hnei leipa ma ei châ haw? Moh teh u, tilaipi cha rapa ta padua na ta, Chavahzy râh raohpa lâta paliepa ta, Ti y leipa vâta nga thu roh pahnâh ta, Dâhphipa ta ama thi.

MATHAI 22:3

Kyhchhi pati nie awpa ta a hruapazy aw awpa ta a chakaotuhpazy tuah ta, châhrasala a vy khoh tlâ leipa ei ta.

MATHAI 23:37

“Hy Zerusale, Zerusale, hrohsopazy thie chi ta, nâ lâta tuapazy alô ta a vawhsaotuhpa khihpi! Awhpanô ta a tachhihzy a mathlaw ry liata a pahmaohpa hawhta, na sawzy pahmaoh a chhuah tyh na ta, châhrasala khoh va chi!

ZAWHÂNA 1:11

Ano chyhsazy lâ a zu ta, châhrasala a chyhsazy ta a ly veih ei.

ZAWHÂNA 10:10

Parutuhpa cha paru awpa nata thie awpa nata parao awpa leipa ta cha a vy vei. Kei la, hrona ama hnei nawpa ta, â kipa ta ama hnei nawpa ta a vypa ei châ.

ZAWHÂNA 3:19

He he thailei pachâsana cha a châ: Khaihpa khizaw lâ a zu ta, châhrasala chyhsazy ta khaihpa hlâta zohna ama khoh via, ama hmotaopazy a moleipa vâta.

ZAWHÂNA 5:39

Biehrai bie nama tlua tyh, a chhôh liata chhâzaw hrona a y tahpa nama pangiasapa vâta. Cha Biehrai tlai cha nâ pahnokheituhpa a châ.

ZAWHÂNA 5:41

Chyhsapa palyupalihna a pyh va na.

ZAWHÂNA 5:44

Nâmo nata nâmo a reithai raihrie ei chi ta, Khazohpa hmeiseihpa a y chhôhpa tawhta â vypa reithaina hmâchhâh nama tlua vei khiahta cha, kheihta namâ ngiapâ thei aw?

ZAWHÂNA 6:27

Pati a leilô theipa châta hria leipa u la, chhâzaw hrona taihta a y awpa pati, Chyhsa Sawchapawpa ta a cha pie awpa ei châta tlao hria teh u. Paw Khazohpa ta ano cha chahnao pa-i ha tlôh ta,” tah ta.

ZAWHÂNA 6:37

Paw ta eina piepa maih kei lâ amâ vy khai aw. Ahy rai kei lâ a vypa maih cha dytha cheita aw va na.

ZAWHÂNA 6:40

He he ei Paw khopa cha a châ, ahy rai Sawchapawpa hmô ta a ngiapâpa maih cha chhâzaw hrona hnei aw ei ta, noh chhâna noh liata ei pathyu aw ei,” tah ta.

RAWMA 6:23

Moleina hlao cha thina châ tlôh ta, Khazohpa hmosaipiepa deikua cha, eima Beipa Krista Zisu zawhzi ta chhâzaw hrona a châ.

BIEPHUAH 22:17

Thlahpa nata Myuhthieh ta, “A vy mah y,” tah ei ta. A theipa maihta, “A vy mah y,” tah mawh ei sy. Dâhphipa maih a vy sala, a khohpa maihta hrona ti he a saipa ta doh mawh sy.