ZAWHÂNA 5:37 - Mara Bible RV (BSI)

³⁷ Nâ tuahtuhpa Paw cha ei thâtih nâ pahnokheituhpa a châ. A ao thei beih leipa ei chi ta, a hmia hmô beih hra veih ei chi.

ZAWHÂNA 5:37 ပူးပေါင်းရင်းမြစ်များ

PUASAINA 20:19

Mawsi hnohta, “Nâ ta eima hnohta bie vaw reih la, eima nathlie aw. Khazohpa eima hnohta bie pareisa khao khah y. Chataleipatala eima thi pathlei aw na,” tah ei ta.

ISAI 26:10

Moleipa cha khokheipa a châ khiahta cha, Siana a chu beih aw vei; Adona râh liata avyuhna tao pyly aw ta, Abeipa rônahna hmô hlei aw vei.

MATHAI 17:5

A rei hai no tlai chata, meihdo râhpa ta âmo cha vaw khu ta, meihdo tawhta ao vaw pua ta, “He he ei Sawchapawpa kho ngaitapa, a chô liata ei ly ngaitapa a châ, a bie nathlie teh u,” tah ta.

MATHAI 3:17

Avâ tawhta ao ta, “He he ei Sawchapawpa kyh ei pachâ ngaitapa, a chô liata ei ly ngaitapa a châ,” tah ta.

MÂKA 1:11

Avâ tawhta ao za pua ta, “Ei Sawchapaw kyh ei pachâpa na châ, na chô liata ei ly ngaita,” tah ta.

LUKA 24:27

Chatanachata Mawsi nata hrohsopa zydua tawhta pathaopa ta, Biehrai liata ano thâtih ropa zydua cha âmo chhopasia lymâ ta.

LUKA 3:22

Thlahpa Pathaihpa cha pôhpa hneipa ta, vachhuh hawhta za chô ta, Zisu chô liata a zâ choh ta. Avâ tawhta ao za pua ta, “Ei Sawchapaw kyh ei pachâpa na châ, na chô liata ei ly ngaita,” tah ta.

ZAWHÂNA 1:18

Ahy hmahta Khazohpa hmô beih veih ei. Sawchapaw matlupa, Paw kalachhôh liata a ypa ta ano cha a palâhâh.

ZAWHÂNA 14:9

Zisu ta a hnohta, “Phili, bohpi nama hnohta y na ta, na pahno to va chi ma? Ahy rai keima nâ hmôpa cha Paw a hmôpa a châ. Kheihtazieta, ‘Paw cha miah pahmô teh,’ na tah thlâh haw?

ZAWHÂNA 15:24

Mohropa ahy hmah tao beih leipa hmozy ama hry liata tao lei paw sah la, moleina vâta thaileichâpa ta ama y lei awpa tlai. Tahmâ deikua cha, kei nata ei Paw miah hmô ha ei ta, eima pano ta miah amâ hao haw.

ZAWHÂNA 5:32

Ei thâtih nâ pahnokheituhpa pakha y ta, ei thâtih a pahnopa cha â do tahpa ei pahno.

ZAWHÂNA 6:27

Pati a leilô theipa châta hria leipa u la, chhâzaw hrona taihta a y awpa pati, Chyhsa Sawchapawpa ta a cha pie awpa ei châta tlao hria teh u. Paw Khazohpa ta ano cha chahnao pa-i ha tlôh ta,” tah ta.

ZAWHÂNA 8:18

Keimasasyh ta a pahnokhei na ta, nâ tuahtuhpa ei Paw chhao ta eina pahnokhei,” tah ta.

RYHPACHANEINA 4:12

Abeipa ta mei tawhta nama hnohta bie vaw reih ta, a bie reipa ao thei ei chi ta, châhrasala a pôhpa hmô veih ei chi. A ao deita nama thei.

1 TIMAWTHY 1:17

Chhâzaw Beipa, thi thei leipa, hmô thei leipa nata Khazohpa a y chhôhpa hnohta chhâzaw nata tlyzaw ta palyupalihna nata rônahna y mawh sy. Amen.

1 TIMAWTHY 6:16

Ano deita cha thi thei leina hnei ta, khaihpa a hnia thei rimâ leipa liata a pahrâ. Ano cha ahy hmah hmô beih leipa nata hmô thei leipa a châ. Khazohpa hnohta palyupalihna nata hmotaotheina chhâzaw ta y mawh sy. Amen.

1 ZAWHÂNA 4:12

Ahy hmahta Khazohpa hmô beih veih ei. Kyh eimâ pachâ raihrie khiahta cha, Khazohpa cha keimo liata pahrâ aw ta, a kyhpachâna cha keimo liata pakipa ta a y aw.

1 ZAWHÂNA 4:20

Chyhsa ta, “Khazohpa kyh ei pachâ,” tah sala, a unawhpa â hao tlôh khiahta cha, a haihpa a châ. A unawhpa a hmô thlâh hapa hmahta kyh a pachâ vei khiahta cha, a hmô leipa Khazohpa chhochhi cha kheihta ma kyh a pachâ thei aw?

1 ZAWHÂNA 5:9

Chyhsa pahnokheina hmah eimâ pyh khiahta cha, Khazohpa pahnokheina cha a rônah via. Cha cha a Sawchapawpa kyh liata Khazohpa pahnokheina a châ.