ZAWHÂNA 5:34 - Mara Bible RV (BSI)

³⁴ Pahnokheina ei daopa kha, chyhsapa tawhta ei daopa châ leipa ta, pachha nama châ thei nawpa ta, cha biezy cha ei reipa a châ.

ZAWHÂNA 5:34 ပူးပေါင်းရင်းမြစ်များ

LUKA 13:34

Hy Zerusale, Hy Zerusale, hrohsopazy thie chi ta, nâ lâta tuapazy alô ta a vawhsaotuhpa khihpi! Awhpanô ta a tachhihzy a mathlaw ry liata a pahmaohpa hawhta, na sawzy pahmaoh a chhuah tyh na ta, châhrasala khoh va chi!

LUKA 19:10

Leidiapazy tlua ta pachha awpa ta, Chyhsa Sawchapawpa he â zupa rai a châ,” tah ta.

LUKA 24:47

ano moh ta rona nata molei ngiahthaina thâtih cha, Zerusale tawhta pathaopa ta, phopi to hnohta chhopa a châ aw.’

ZAWHÂNA 20:31

Zisu cha Mesia, Khazohpa Sawchapawpa châ ta, ngiapâna vâta ano moh ta hrona nama hnei thei nawpa ta, he châbu he ropa a châ.

ZAWHÂNA 5:32

Ei thâtih nâ pahnokheituhpa pakha y ta, ei thâtih a pahnopa cha â do tahpa ei pahno.

ZAWHÂNA 5:41

Chyhsapa palyupalihna a pyh va na.

ZAWHÂNA 8:54

Zisu ta a chhy ta, “Keimasasyh ta a palyupalih aw sah la, ei palyupalihna cha khâpa hmah châ vei. ‘Ano cha eima Khazohpa a châ,’ nama tahpa ei Paw ta eina palyupalihpa a châ.

RAWMA 10:1

Unawh saih u, Izarei sawzy pachha ama châ awpa cha, ei palôh khopa nata âmo châta Khazohpa lâta ei thlahchhâna a châ.

RAWMA 10:21

Izarei kyh lia chhao ta Isai ta, “Noh y ta, Reingiah leipa phopi lâta ei ku pazawh na ta, Chhorupa phopi lâta ei bâh ei pazawh,” tahpa ta a vaw reih haw.

RAWMA 12:21

Moleina a patiahsa leipa la, phana ta moleina cha tlao tiah mah y.

RAWMA 3:3

Thokha ngâchhih leipa ei sala, kheihta a châ aw? Âmo ngâchhih leina chata Khazohpa ngâchhihna hraoleipa ta a tao aw ma?

1 KAWRINI 9:22

Chiehleipazy ei pahnie thei nawpa ta, chiehleipazy hnohta chiehleipa hawhta ei y tyh. Kheihawhta chhâ ma chyhsa thokha ei pachha thei nawpa ta, chyhsa zydua hnohta ato châpa ta ei y tyh.

1 TIMAWTHY 4:16

Na hro nata na pachuna biezy a phapa ta vaih mah y. Cha hawhta na tao khiahta cha, nâ nata na bie a theituhpazy na pachha aw ei.

1 ZAWHÂNA 5:9

Chyhsa pahnokheina hmah eimâ pyh khiahta cha, Khazohpa pahnokheina cha a rônah via. Cha cha a Sawchapawpa kyh liata Khazohpa pahnokheina a châ.