ZAWHÂNA 5:30 - Mara Bible RV (BSI)

³⁰ “Keima kho ta khâpa hmah tao thei va na. Nah ta ei theipa hawhta pachia na ta, ei pachiana cha â do, keima rei sai ta y a chhuah leipa na ta, nâ tuahtuhpa rei sai ta y ei chhuahpa vâta.

ZAWHÂNA 5:30 ပူးပေါင်းရင်းမြစ်များ

ÂTHAONA 18:25

Moleipazy hnohta mosiapazy thie ta, mosiapa nata moleipazy palyu thlâh ha awpa cha, tao aw va chi. Cha hawhpa ngâsâ cha tao aw va chi. Alei chô zydua ryureituhpa ta cha, hmo dopa a tao awpa châ vei ma?” tah ta.

HLAZY 96:13

Abeipa hmiakô liata hla sa mawh ei sy. Abeipa cha a vy ta, Khizaw pachia awpa ta â vy. Siana ta khizaw pachia aw ta, A ngâchhihna ta phopizy a pachia aw.

ISAI 28:6

Ryureina liata a tyuhpazy châta, Adona thlahpa châ aw ta; Thokhy chhikao liata chariah toh ta, A pakuasa awpazy châta thatlôna a châ aw.

ZEPHANIA 3:15

Abeipa ta nâma hriena pachhâsa ha ta, Na chariahpazy a pasipathai ha ei. Abeipa, Izarei Beipa cha na hnohta y ta, Hmo pha leipa chi beih khao aw va chi.

MATHAI 26:39

A chyhta vawh via ta, â khu lâta pao ta, thlahchhâ ta, “Hy ei Paw, tao theipa a châ khiahta la, he nyu he rie na khôsai mawh sy. Châhrasala keima rei châ leipa sala, nâma rei tlao châ mawh sy,” tah ta.

ZAWHÂNA 14:10

Kei Paw liata y na ta, Paw keima liata a ypa kyh cha zo va chi ma? Nama hnohta bie ei reipazy he, keima biehneina ta a reihpa châ va na, keima liata a ypa Paw ta rai a hriapa tlao a châ.

ZAWHÂNA 17:4

Raihria awpa eina piepa chi hria khai ha na ta, khizaw liata ei cha parônahsa haw.

ZAWHÂNA 18:11

Zisu ta Pity hnohta, “Zaozi kha a paih liata khô teh, Paw ta nyu eina piepa he ei doh awpa châ vei ma?” tah ta.

ZAWHÂNA 4:34

Zisu ta ama hnohta, “Ei pati cha nâ tuahtuhpa khopa taopa nata a raihria pangoh awpa a châ.

ZAWHÂNA 5:19

Zisu ta ama hnohta, “Hmeiseihta ta, hmeiseihta ta ei cha chho ei, Sawchapawpa ta ano rei sai ta khâpa hmah tao thei vei. Paw hmotaopa a hmôpa deita a tao tyh. Paw ta a taopa maih cha, Sawchapawpa chhao ta a tao tyh.

ZAWHÂNA 6:38

Keima khopa tao awpa ta vârâh tawhta a zupa châ leipa na ta, nâ tuahtuhpa khopa tao awpa ta a zupa tlao ei châ.

ZAWHÂNA 8:28

Zisu ta ama hnohta, “Chyhsa Sawchapawpa he nama chaluah tita, ano cha ei châ tahpa pahno aw ei chi ta, keima biehneina ta khâpa hmah tao leipa na ta, Paw ta eina pachupa hawhta a reih tyhpa ei châzie nama pahno aw.

ZAWHÂNA 8:42

Zisu ta ama hnohta, “Khazohpa cha nama Paw a châ khiahta cha, kei he Khazohpa tawhta a puapa nata ano tawhta a vypa ei châpa vâta, kyh eina pachâ aw ei chi. Keima rei ta a vypa châ va na, ano ta eina tuapa tlao a châ.

ZAWHÂNA 8:50

Keima rônahna a tluapa châ va na. Ei rônahna a tluapa Pakha y ta, ano cha pachiatuhpa a châ.

RAWMA 15:3

“Nâma châ pasipasawhtuhpa pasipasawhna cha keima chô liata a tla haw,” tahpa ropa hawhta, Krista chhao khata ano alyna tlua vei.

RAWMA 2:2

Cha hawhpa hmo a tao tyhpazy chô liata Khazohpa pachiana a tlô thlupa cha, a châ awpa tlai na a châ tahpa eima pahno.

RAWMA 2:5

Na palôh kuhchhana nata ro khoh leina vâta, hiehâhna noh, Khazohpa pachiana siapa â vaw luahna noh châta, nâmasasyh ta hiehâhna nâ pachôpakhy.