ZAWHÂNA 5:28 - Mara Bible RV (BSI)

²⁸ Chazy cha nama noâh khah sy, a daihti a tlô daihmâ. Cha tita thlâ liata a ziapa zydua ta a ao thei aw ei ta,

ZAWHÂNA 5:28 ပူးပေါင်းရင်းမြစ်များ

ISAI 26:19

Nâma liata a thipazy cha hroh aw ei ta, Ama pôhpa a thyu heih aw. Dohlei liata a ziapazy a hra aw ei ta, Thaphapa ta hla ama sa aw. Na diati cha my diati châ ta, Athipazy alei tawhta ama vaw hroh heih aw.

DÂNIAH 12:2

Chatawhcha alei dohlei liata â môpa chyhsa hluhpi a vaw hra aw ei ta, thokha tlyzaw hrona lâ sie aw ei ta, thokha nozana nata tlyzaw thaileichâna lâ ama sie aw.

HÔSIA 13:14

Athikhih ku tawhta pachha aw ei na ta, Thina tawhta ei chatlai aw ei. Hy thina, na potlana hri cha khataih liata a y? Hy Athihkhih, na châmaih cha khataih liata ma a y? Ngiachhiena cha, Ei mokhaoh tawhta nyupa a châ.

ZAWHÂNA 3:7

‘Na pihpathi awpa a châ,’ ei cha tahpa he na noâh khah sy.

ZAWHÂNA 4:21

Zisu ta a hnohta, “Chanô, ei bie zo teh. He tlâh cheingei leipa liata chhao, Zerusale khih cheingei leipa liata chhao, Paw namâ chhy nawpa daihti a vaw tlô hai.

ZAWHÂNA 4:23

Châhrasala a daihti a tlô daihmâ, tahmâ chhao a vaw tlô haw. Cha tita Khazohpa a chhy hmeiseihpazy ta thlahpa nata biehmeiseihpa ta Paw amâ chhy aw. Cha hawhpazy cha Paw ta ano a chhytuhpa châ awpa ta a tlua ei.

ZAWHÂNA 5:20

Paw ta Sawchapawpa kyh pachâ ta, a hmotaopa maih a pahmô tyh. Chazy hlâta hmotao rônah viapa chhao pahmô aw ta, nama no a âh ngaita aw.

ZAWHÂNA 5:25

“Hmeiseihta ta, hmeiseihta ta ei cha chho ei, a daihti a vaw tlô daihmâ, tahmâ chhao a vaw tlô haw. Cha tita athihpazy ta Khazohpa Sawchapawpa ao thei aw ei ta, a theipa maih ama hroh aw.

HMOTAOPAZY 24:15

Chyhsa siapa nata sia leipazy thyuheihna a y awpa Khazohpa liata hnabeiseihna a hneipa châ na ta, cha bie cha âmo chhao ta amâ ngiapâpa a châ.

HMOTAOPAZY 3:12

Cha cha Pity ta a hmô nahta, zawpi hnohta bie reih ta, “Nâmo, Izarei mo saih u, he hmo he khazia nama no a âh? Keimo hmotaotheina nata Khazohpa eima pachâpa vâta ano he eima pasiesapa hawhta pachâpa ta, khazia miah nama mo thlâh haw?

1 KAWRINI 15:22

Âdâh liata chyhsa zydua ama thipa hawhta, Krista liata chyhsa zydua pahropa ta ama y aw.

PHILIPI 3:21

Ato ano rei sai ta a paysa theipa Krista ta eima pôhpa nawh ngaitapazy he ano pôhpa rônahpa hawhta y awpa ta, a hmotaotheina hmâpa ta a taopathi aw.

BIEPHUAH 20:12

Beidyuchhai hmiakô liata molaipa nata mochyhpa athipazy a duahpa hmô na ta, châbuzy pahypa a châ. Châbu hropa, hrona châbu chhao pahypa châ ta. Athihpazy cha châbuzy liata ropa hawhta, ama hmotaozie lymâ hawhta pachiapa ama châ.