ZAWHÂNA 5:23 - Mara Bible RV (BSI)

²³ Chatanachata chyhsa zydua ta Paw ama zapa hawhta, Sawchapawpa chhao ama za hra aw. Ahy rai Sawchapawpa a za leipa cha, ano tuahtuhpa Paw a za leipa a châ.

ZAWHÂNA 5:23 ပူးပေါင်းရင်းမြစ်များ

HLAZY 2:12

Sawchapawpa cha pahnâ teh u, Chataleipatala a hiehâh aw ta, Lâpi liata nama leidia pathlei aw na, A pathi thlai ia tyh tlôh ta. Abeipa a chhaipa zydua cha ama nohlao na.

ISAI 42:8

Kei he Zehôvâh châ na ta, Cha cha ei moh a châ; Ahy hnohta hmah ei rônahna pie leipa na ta, Nothlahpazy hnohta chhao, Keima reithaina pie veih ei na.

ISAI 44:6

Abeipa, Izarei Beipa ta hetana heta tah ta, Izarei Chatlaituhpa Pheisaihzy Abeipa ta hetana heta a tah: “Kei he hmiatuachaipa nata hnôhchaipa cha ei châ, Keima leipa ta Khazoh hropa rai y veih ei.

ISAI 45:15

Hy Izarei Khazohpa, Pachhatuhpa y, Khazohpa â nyupa tlai na na vaw châ.

ISAI 45:21

Reih u la, nama bie cha a vaw duakhei teh u; A saohiah tua tlai ei sa! Khahlâ tawhta ahy ma a chhochhielie tyh? Hlâno tawhta ahy ma a phuah tyh? Kei, Abeipa he châ va na ma? Keima leipa ta khazoh hropa y veih ei; Kei he Khazohpa siapa nata Pachhatuhpa cha châ na ta, Keima leipa ta ahropa y veih ei.

ZEKARIA 9:9

Hy Zaio sawchanô, thapha ngaitapa ta y la, Hy Zerusale sawchanô, thata awh teh! Moh tua, na bei cha nâ lâta â vy hai; Mosiapa nata pachhatuhpa a châ; Areisipa ta alâ vaw kiah ta, Alâtaw, alâ panô taw tlai vaw kiah ta â vy.

MATHAI 10:37

Kei hlâta a paw tlyma, a nô tlyma kyh a pachâ viapa cha, ei chyhsa tlâh châ vei. Kei hlâta a sawchapaw tlyma, a sawchanô tlyma kyh a pachâ viapa chhao, ei chyhsa tlâh châ vei.

MATHAI 11:27

Ei Paw ta ato zydua eina hlâ haw. Paw dei leipa ta cha, ahy hmahta Sawchapawpa he pahno leipa ei ta, Sawchapawpa nata ano ta a hnohta a palâhâhpa tah dei leipa ta cha, ahy hmahta Paw pahno veih ei.

MATHAI 12:21

Ano moh liata Zenitaizy ama hnabei a seih aw,” tahpa ta a reipa a vaw tlô thei nawpa ta a châ.

MATHAI 15:8

“‘He phopi heta, Ama hmao ta na palyupalih ei ta, Ama pathipalôh ta deikua einâ hla kaw ei.

MATHAI 28:19

Chavâta sie u la, phopi zydua pachupazy ta tao u la, Paw nata Sawchapawpa nata Thlahpa Pathaihpa moh ta bâti pachâsa u la,

LUKA 10:16

“Nama bie a theipa cha, ei bie a theipa a châ. Nâmo châ khoh leipa cha, kei nâ khoh leipa châ ta, kei nâ khoh leipa cha, nâ tuahtuhpa a khoh leipa a châ,” tah ta.

ZAWHÂNA 14:1

“Nama pathipalôh nôpo khah sy. Khazohpa namâ ngiapâ na, kei chhao nâ ngiapâ hra teh u.

ZAWHÂNA 16:14

Kei eih la aw ta, nama hnohta a phuah awpa vâta, ano ta kei eina parônahsa aw.

ZAWHÂNA 17:10

Kei eih zydua na eih châ ta, na eih cha kei eih a châ, âmo liata parônahsapa ta ei y.

RAWMA 1:7

Rawma khihpi liata Khazohpa kyhpachâpazy nata a mopathaihpazy châ awpa ta a awpa zydua ei châ naoh ei. Khazohpa eima Paw nata Abeipa Zisu Krista tawhta ngiachhiena nata thlalôhna nama hnohta y mawh sy.

RAWMA 15:12

Isai chhao ta, “Zese thari kaw pyuh aw ta, Zenitaizy ryureituhpa a vaw pua aw; Ano liata Zenitaizy hnabeiseihna a y aw,” tahpa ta a vaw reih hra.

RAWMA 6:22

Tahmâ deikua cha, moleina tawhta khotalaipa châ ha ei chi ta, Khazohpa seizy nama châ haw. A theilâpa nama hmôpa cha pathaihna lâta a chhipa châ ta, cha chhâna cha chhâzaw hrona a châ.

RAWMA 8:9

Châhrasala Khazohpa Thlahpa nâmo liata a y khiahta cha, sapa ta a ypa châ leipa ei chi ta, Thlahpa ta a ypa tlao nama châ. Ahy rai Krista Thlahpa a hnei leipa cha ano chyhsa châ vei.

1 KAWRINI 1:3

Khazohpa eima Paw nata Abeipa Zisu Krista tawhta ngiachhiena nata thlalôhna nama hnohta y mawh sy.

1 KAWRINI 10:31

Chavâta nama nie tlyma, nama doh tlyma, nama taopa maih Khazohpa rônahna châta tao muh vy.

1 KAWRINI 16:22

Ahy rai Abeipa kyh a pachâ leipa cha chhiesapa ta y mawh sy. Mârânâthâ! Eima Beipa, a vy mah y!

1 KAWRINI 6:19

Nama pôhpa cha Khazohpa tawhta nama daopa, nama chhôh liata a ypa Thlahpa Pathaihpa Achhyna o a châ tahpa pahno veih ei chi mâ? Nâmo eih châ khao veih ei chi,

2 KAWRINI 1:9

Hmeiseihta la, thi awpa ta eimâ pachâ hapa a châ. Châhrasala keimo a ngâ leipa ta, athihpa pathyutuhpa Khazohpa eima ngâ thei nawpa ta, kha hmo kha a vaw ypa a châ.

2 KAWRINI 13:14

Abeipa Zisu Krista ngiachhiena, Khazohpa kyhpachâna nata Thlahpa Pathaihpa akaona cha nama zydua hnohta y mawh sy.

2 KAWRINI 5:14

Chyhsa zydua châta chyhsa pakha a thi khiahta cha, chyhsa zydua cha a thipa ama châ tahpa cha eima bietluna a châpa vâta, Krista kyhpachâna ta miah a tuah raruah.

2 KAWRINI 5:19

Krista liana chata Khazohpa ta khizaw he ano nata a ryhpa ta tao ta, ama paraonazy cha paraona ta rao khao vei. Cha aryhna bie chho awpa cha keimo liata a pahnieh.

EPHESI 6:24

Kyhpachâna dia beih leipa ta eima Beipa Zisu Krista kyh pachâtuhpa zydua hnohta ngiachhiena y mawh sy.

2 TIMAWTHY 1:12

Cha vâna chata he hmozy chhao he pasa ei tao. Châhrasala ei noza vei. Ei ngiapâpa cha pahno na ta, ano ei pavaosapazy cha, cha noh châta â bohpa ta a vaih thei tahpa a siapa ta ei pahno.

HEBRAI 1:6

Sawchapaw uhtheipa khizaw lâ a za tua nona khata, “Khazohpa vâlyuhchâpa zydua ta ano a naoh mawh ei sy,” tah heih ta.

2 PITY 1:1

Zisu Krista chakaotuhpa nata lyuhchâpa Saimaw Pity ta Zisu Krista eima Khazohpa nata Pachhatuhpa siana vâta keimo topa hawhpa ngiapâna sôh ngaitapa a to hrapazy ei châ naoh ei.

2 PITY 3:18

Eima Beipa nata Pachhatuhpa Zisu Krista ngiachhiena nata pahnona liata laiseih lymâ teh u. Tahmâ nata chhâzaw ta Abeipa hnohta rônahna y mawh sy. Amen.

1 ZAWHÂNA 2:23

Sawchapawpa a pyh leipa cha Paw hnei vei. Sawchapawpa a pyhpa cha Paw chhao a hnei.

2 ZAWHÂNA 1:9

Ahy rai Krista pachuna bie liata y leipa ta, ano kho ta a siepa cha Khazohpa a hnei leipa a châ. Krista pachuna bie liata a ypa deikua cha, Paw nata Sawchapawpa a hnei pakaoh.