ZAWHÂNA 5:22 - Mara Bible RV (BSI)

²² Paw ta ahy hmah pachia vei, pachiana zydua cha Sawchapawpa hnohta a pie khai haw.

ZAWHÂNA 5:22 ပူးပေါင်းရင်းမြစ်များ

HLAZY 96:13

Abeipa hmiakô liata hla sa mawh ei sy. Abeipa cha a vy ta, Khizaw pachia awpa ta â vy. Siana ta khizaw pachia aw ta, A ngâchhihna ta phopizy a pachia aw.

HLAZY 98:9

Abeipa hmiakô liata hla sa mawh ei sy. Abeipa cha khizaw pachia awpa ta â vy. Siana ta khizaw pachia aw ta, Â khopa ta phopizy a pachia aw.

BIECHHOTUHPA 11:9

Hy satlia, na thyutliana liata a ly mah y. Na palôh ta na thyutlia daihti liata cha palysa mawh sy. Na palôh khopa zi la, mo pha na tahpa zi mah y. Anodeikua cha cha zydua vâna chata Khazohpa ta a cha pachia aw tahpa pahno mah y.

BIECHHOTUHPA 12:14

Khazohpa ta hmo taopa zydua, a phapa chhao, a chhiepa chhao, pachia khai aw ta, arulâta taopa zydua chhao a pachia khai aw.

MATHAI 11:27

Ei Paw ta ato zydua eina hlâ haw. Paw dei leipa ta cha, ahy hmahta Sawchapawpa he pahno leipa ei ta, Sawchapawpa nata ano ta a hnohta a palâhâhpa tah dei leipa ta cha, ahy hmahta Paw pahno veih ei.

MATHAI 16:27

Chyhsa Sawchapawpa cha a Paw rônahna ta a vâlyuhchâpazy chhaota a zu tlôh aw ta, chyhsa to ama hmotaopa hawhta a thô aw ei.

MATHAI 28:18

Zisu cha âmo lâ a vy ta, ama hnohta, “Avâ nata alei liata biehneina zydua ei hnohta piepa a châ haw.

ZAWHÂNA 17:2

A hnohta na piepa zydua chhâzaw hrona pie awpa ta, ano cha chyhsa zydua chô liata biehneina na piepa a châ.

ZAWHÂNA 3:35

Paw ta Sawchapawpa kyh pachâ ta, ato zydua a ku liata a pie khai haw.

ZAWHÂNA 5:27

Chyhsa Sawchapawpa a châpa vâta, a hnohta pachiana biehneina a pie.

ZAWHÂNA 9:39

Zisu ta, “Mochaopazy ama mo pavâ sala, mo pavâpazy ama mo a chao nawpa ta, he khizaw liata ryureih awpa ta a vypa ei châ,” tah ta.

HMOTAOPAZY 10:42

Ano cha athihpa nata ahrohpa pachia awpa ta Khazohpa ta a raopa a châzie a duakheipa ta, chyhsazy hnohta chho awpa ta bie miah a pie.

HMOTAOPAZY 17:31

Ano ta â tlyhpa hmâpa ta, siana ta khizaw a pachia nawpa noh a rao haw. Â tlyhpa chyhsa cha athihpa hry tawhta a pathyuna liata, pachiana a y tlai awpa a châzie chyhsa zydua hnohta a pa-i haw,” tah ta.

RAWMA 2:16

Thâtihpha ei reipa hawhna heta, Khazohpa ta Krista Zisu hmâpa ta chyhsapa bieruzy a pachia noh liata, cha hawhna chata a châ aw.

2 KAWRINI 5:10

Chyhsa to ta pôhpa liata hmotaopazy, a chhiepa tlyma, a phapa tlyma, eima taopa hawhta eima hmô chyu thei nawpa ta, Krista ryureina dyuchhai hmiakô liata paluahsapa eima châ khai aw.

2 TIMAWTHY 4:1

Khazohpa nata Krista Zisu, ahrohpa nata athihpa a pachiatuh awpa mohmô liata, â vaw luahna nata a khinarâh reipa ta bie ei cha pie.

1 PITY 4:5

Ahrohpa nata athihpa pachia awpa ta a mâ chiehpa ta a y thlâh hapa hnohta ama thâtih âmo tlai ta amâ reih aw.