ZAWHÂNA 5:21 - Mara Bible RV (BSI)

²¹ Paw ta athihpazy pathyu ta, a pahropa hawhta, Sawchapawpa chhao ta a khopa maih a pahro tyh.

ZAWHÂNA 5:21 ပူးပေါင်းရင်းမြစ်များ

1 ABEIZY 17:21

Hawtipa chô liata ei thôh a byuhnie ta, Abeipa cha pado ta, “Hy Abeipa ei Khazohpa y, ei châ haw na, he hawti hrona he ano lâta rie vaw pakuasa heih mah y,” tah ta.

2 ABEIZY 5:7

Châ cha a rei khai nahta, Izarei bei cha a chysia hrie ta, “Kei he chyhsazy thie thei ta, a pahro theituhpa Khazohpa ma ei châ? Khazia he chyhsa heta phawhpa chyhsa patlâh awpa ta kei lâ a vaw tuah tly? Chavâta pachâ u la pahno teh u, einâ hryuh thei nawpa lâpi a tluapa a châ hih,” tah ta.

ZAWHÂNA 11:25

Zisu ta a hnohta, “Kei he thyuheihna nata hrona ei châ. Ahy rai nâ ngiapâpa cha, thi hra sala a hroh thlâh ha aw.

ZAWHÂNA 17:2

A hnohta na piepa zydua chhâzaw hrona pie awpa ta, ano cha chyhsa zydua chô liata biehneina na piepa a châ.

ZAWHÂNA 6:63

Hrona pietuhpa cha Thlahpa a châ, sapa cha phahnaina hnei vei. Nama hnohta bie ei reipazy he Thlahpa châ ta, hrona chhao a châ.

HMOTAOPAZY 26:8

Khazohpa ta athihpa a pathyu tahpa he, khazia zo chhih leipa hmo ta nama rao tly?

RAWMA 8:11

Athihpa hry tawhta Zisu a pathyutuhpa Thlahpa nâmo liata a y khiahta cha, athihpa hry tawhta Krista Zisu a pathyutuhpa chata, nâmo liata a ypa a Thlahpa zawhzi ta, nama pôhpa thi theipazy cha a pahro aw.

1 KAWRINI 15:45

Chavâta, “Chyhsa hmiatua chaipa Âdâh cha chyhsa hrohpa a vaw châ,” tahpa ta ropa a châ. Âdâh hnôhchaipa cha hrona pietuhpa thlahpa a vaw châ haw.

RYHPACHANEINA 32:39

“‘Tahmâ he pachâ teh u, Kei, kei deita he Ano cha châ na ta, Keima leipa ta Khazoh hropa rai y veih ei. Thie thei na ta, Ei pahro thei; Hmah paphao thei na ta, Ei patlâh thei; Ei ku tawhta a pachha theipa y veih ei.