ZAWHÂNA 5:17 - Mara Bible RV (BSI)

¹⁷ Zisu ta âmo cha a chhy ta, “Ei Paw cha tahmâ taihta rai hria lymâ ta, kei chhao ei hria lymâ hra,” tah ta.

ZAWHÂNA 5:17 ပူးပေါင်းရင်းမြစ်များ

HLAZY 65:6

Na thatlôna ta tlâhpizy padua chi ta, Na hmotaotheina ta na pa-i.

ISAI 40:26

Avâ lâ nama mo khaih u la moh tua u, Khizy khi ahy taopa ma a châ tly? Ano cha avâ liata a ypazy khi miakha miakha ta paysa ta, Ama moh chyu ta a awtuhpa a châ. A thatlôna rônahpa nata a hmotaotheina thatlôna vâta, Miakha hmah a ki leipa y veih ei.

MATHAI 10:29

Boby pô no phusâ miakha ta zuapa châ vei ma? Ama hry liata pô kha chhao nama Paw paryhsana leipa ta alei liata tla aw vei.

ZAWHÂNA 10:36

Paw ta panano ta, khizaw lâ a za tuapa ta, ‘Khazohpa Sawchapawpa ei châ,’ ei tahpa vâta, ‘Khazohpa na reipachhie,’ eina tah ei chi ma?

ZAWHÂNA 14:10

Kei Paw liata y na ta, Paw keima liata a ypa kyh cha zo va chi ma? Nama hnohta bie ei reipazy he, keima biehneina ta a reihpa châ va na, keima liata a ypa Paw ta rai a hriapa tlao a châ.

ZAWHÂNA 5:16

Pahânoh ta cha hawhpa hmozy cha a taopa vâta, Zuzy ta Zisu cha taolapa ta, thie a chhuah ei ta.

ZAWHÂNA 5:18

Cha vâna chata Zuzy ta Zisu cha thie a chhuah via rili ei ta. Pahânoh a paraopa vâ dei châ leipa ta, Khazohpa cha “Ei paw” tah ta, Khazohpa tlu ta â taopa vâta a châ hra.

ZAWHÂNA 9:4

Nohchhô a châ nota nâ tuahtuhpa rai ei hria awpa a châ. Zâ châ daihmâ ta, cha tita la ahy hmahta rai hria thei khao aw veih ei.

HMOTAOPAZY 14:17

Chatahrasala a pahnokheituhpa y leipa ta y beih vei. Hmo phapa tao lymâpa ta, avâ tawhta vâsuazy nata kô pha kôzy cha pie ei ta, niepa nata alyna ta nama palôh a cha pabie tyh ei,” tah ei ta.

HMOTAOPAZY 17:28

“Ano vâta hroh pi ta, A pielyu pi ta, Eima ypa a châ.” Nama hlaphôh phi thaipa thokha chhao ta, “‘Keimo chhao he, A pathlazy eima châ,’ tahpa ta ama reih hra.

1 KAWRINI 12:6

Raihria chi hluhpi y ta, Khazohpa deikua cha pakha a châ. Chyhsa to hnohta ama raihria châ chyu ta hmotaotheina a pie ei.

KAOLAOSÂ 1:16

Ano ta ato tao ta, avâ liata a ypazy, alei liata a ypazy, hmô theipazy, hmô thei leipazy, beidyuchhaizy, biehneinazy, ryureituhpazy nata biehneituhpazy a tao. Ato ano vâta taopa châ ta, ano châta taopa a châ.

1 THYSALAWNIKA 2:13

Keimo tawhta nama theipa Khazohpa bie namâ pyh nona kha, chyhsapa bie a pyhpa hawhta a pyh leipa ei chi ta, a châna dopa, Khazohpa bie hawhta namâ pyhpa vâta, Khazohpa hnohta alyna bie khâ eima reih tyh. Cha Khazohpa bie cha nâmo, ngiapâtuhpazy chô liata a hriapa cha a châ.

HEBRAI 1:3

Ano cha Khazohpa rônahna khaihpaliepa nata Khazohpa chhichâna a hneipa châ ta, a bie hmotaotheina bie ta ato a pabohsa. Moleinazy a pathaisa khai tawhta, chô lâ Beichaipa chachâh lâta a tyuh ha ta.