ZAWHÂNA 4:6 - Mara Bible RV (BSI)

⁶ Zakaw tikhaoh chhao cha liata a y. Zisu cha a sie rietheipa vâta tikhaoh kiah liata a tyu ta. Nohchhô lichih châ ta.

ZAWHÂNA 4:6 ပူးပေါင်းရင်းမြစ်များ

MATHAI 27:45

Nohchhô dawh hrawh hleino tawhta zâlâ dawh thôh taih alei chô zydua vaw zoh kaluh ha ta.

MATHAI 4:2

Noh sypalih nata zâ sypalih chaheihpa ta a y tawhta a no vaw di ha ta.

MATHAI 8:24

Tipo liata thlihpi ru ngaitapa vaw pathli ta, ama balyh cha tichatlaopa ta vao ha ta. Zisu deikua cha a mô thlâh ha ta.

LUKA 2:7

Saw tuapa ta chapaw sa ta, poh pahlyna ta pahly ta, khichhai riebu liata amâ tlôh leipa vâta, sachâki liata pazia ta.

LUKA 9:58

Zisu ta a hnohta, “Changiezy ta khaoh hnei ei ta, vâ pavawzy ta bu ama hnei. Chyhsa Sawchapawpa deikua cha, luh nyu nawpa su chhao hnei vei,” tah ta.

ZAWHÂNA 11:9

Zisu ta a chhy ta, “Noh kha ta dawh hrawh hleino y vei ma? Noh y chhôh ta a chareipa chyhsa cha, he khizaw khaihpa he a hmôpa vâta, a chapia aw vei.

ZAWHÂNA 4:12

Miah pathlatuhpa Zakaw hlâta na rônah via ma? Ano ta he tikhaoh he miah pie ta, ano chhao ta he ti he doh ta, a sawchapawzy nata a sahrohzy chhao ta ama dopa ti a châ,” tah ta.

ZAWHÂNA 4:5

Samâri râh khih miakha Saikâ ama tahpa tlô ta. Cha cha Zakaw ta a sawchapawpa Zawsi a piepa lyu kiapâh liata a ypa a châ.

ZAWHÂNA 4:7

Samâri chanô pakha ti thai awpa ta a vy ta. Zisu ta a hnohta, “Ti do awpa na pie teh,” tah ta.

2 KAWRINI 8:9

Eima Beipa Zisu Krista ngiachhiena cha, ano dyhchhiena vâta nâmo nama hneirôh thei nawpa ta, hneirôhpa a châpa chhao ta nâmo vâta dyhchhiepa ta â taona liata nama pahno.

HEBRAI 2:17

Chavâta chyhsazy châta molei reihpha cheina tao awpa ta, Khazohpa chakaona liata zawngiah theipa nata ngâchhihpa theihthai beichaipa a châ thei nawpa ta, kyh to liata a unawhzy hawhta a y awpa cha a byuhpa rai a châ.

HEBRAI 4:15

Eima chiehleinazy miah a pahnokhei thai leipa theihthai beichaipa a hneipa châ leipa pi ta, keimo hawhta kyh to liata reipasaona a tyh ta, châhrasala a molei leipa theihthai beichaipa eima hnei.