ZAWHÂNA 4:53 - Mara Bible RV (BSI)

⁵³ Zisu ta a hnohta, “Na sawchapawpa cha a hroh aw,” a tahna daihti tlai kha a châpa ta, a paw ta pahno ta, chatanachata ano nata a chhôhkhazy cha ama zydua ta a ngiapâ ha ei ta.

ZAWHÂNA 4:53 ပူးပေါင်းရင်းမြစ်များ

HLAZY 107:20

A bie tuapa ta âmo patlâh ta, Ama leidia awpa tawhta a pachha ei.

HLAZY 33:9

Bie reih ta, A reipa hawhta vaw y ta; Bie pie ta, A biepiepa cha â ipa ta â duah.

MATHAI 8:13

Zisu ta pheisaih za kha hyutuhpa hnohta, “Sie mah y. Nâ ngiapâna hawhta na châta taopa a châ aw,” tah ta. Chatanachata chakaotuhpa cha, cha dawh liana tlai chata tlâh ha ta.

LUKA 19:9

Zisu ta a hnohta, “Tanoh he, he o liata pachhana a vaw tlô haw. Ano chhao he Abarahâ sawchapawpa châ hra tlôh ta.

ZAWHÂNA 4:51

A zu hai nota, a chakaotuhpazy ta vaw dy ei ta, a sawchapawpa cha a tlâh haw tahpa chho ei ta.

ZAWHÂNA 4:52

A tlâh pathaona daihti âmo hiahri ta, âmo ta a hnohta, “Zâhia nohchhô dawh khapa ta chasipa ta a pathlie haw,” tah ei ta.

HMOTAOPAZY 11:14

Ano ta bie cha chho aw ta, cha bie chata nâ nata na chhôhkhazy pachhapa ta nama y aw,’ a vaw tahpa kyh miah chho ta.

HMOTAOPAZY 16:15

Ano nata a chhôhkhazy bâti ama châ khai nahta, eima hnohta, “Abeipa châta ngâchhihpa ta eina rao khiah ei chi ta la, ei o lâ a vy u la, vaw tlô teh u,” tahpa ta miah a haw ta. Chatanachata miah thlyu ha ta.

HMOTAOPAZY 16:34

Lyuhchâpazy cha a o lâ a chhi ta, âmo châta pati taopa ta, Khazohpa amâ ngiapâ hapa vâta ano nata a chhôhkha zydua ta a ly ngaita ei ta.

HMOTAOPAZY 18:8

Pakhyna o hyutuhpa Krispâ nata a chhôhkha zydua cha Abeipa a ngiapâ ha ei ta. Kawrini mo hluhpi chhao ta, Pawla biereipa ama thei nahta, a ngiapâpa ta, bâti châ ei ta.

HMOTAOPAZY 2:39

Bietai cha nâmo châta châ ta, nama sawzy châta châ hra ta, lâhlapi ta a ypa zydua châta chhao châ ta, Abeipa eima Khazohpa ta a awpa zydua châta a châ,” tah ta.