ZAWHÂNA 4:48 - Mara Bible RV (BSI)

⁴⁸ Zisu ta a hnohta, “Ngiana nata hmonoâhpazy nama hmô vei khiahta la, a ngiapâ ngyu veih ei chi,” tah ta.

ZAWHÂNA 4:48 ပူးပေါင်းရင်းမြစ်များ

DÂNIAH 4:2

Chônôchai Khazohpa ta ei chô liata a taopa ngiana nata hmo noâhpazy phuah awpa he kei châta a phapa ta ei pahno.

DÂNIAH 6:27

Pachhapa ta, pabohsa ta, Lei nata vâ liata ngiana nata noâhpazy a tao; Chakeibarôhneipa thatlôna tawhta Dâniah a pachhatuhpa a châ,” tah ta.

MALUHREINA 14:11

Abeipa ta Mawsi hnohta, “He chyhsazy heta khachâ ma eina mohnao aw ei? Ama hry liata ngiana hmonoâhpazy ei taona chôta khachâ ma na ngâ leipa ta ama y aw?

MATHAI 16:1

Phârisaihzy nata Saduasizy a vy ei ta, ano pasia nawpa ta vârâh tawhta ngiana pahmôsa awpa ta hiah ei ta.

MATHAI 24:24

Mesia pakheipazy nata hrohso pakheipazy vaw pua aw ei ta, ngiana nata hmonoâh rônahpazy ama tao aw. Tao theipa châ sala, atlyhpazy taih ama dôvei aw.

MATHAI 27:42

“Chyhsa hropazy pachha ta, anosasyh a pachha thei vei. Izarei Bei mah a châ tâh, tahmâ he kraws tawhta za chô sala, ano eimâ ngiapâ aw.

MÂKA 13:22

Mesia pakheipazy nata hrohso pakheipazy vaw pua aw ei ta, ngiana nata hmonoâhpazy ama tao aw. Tao theipa châ sala, atlyhpazy taih ama dôvei aw.

LUKA 10:18

Zisu ta ama hnohta, “Dôhla pathliepa hawhta Sâtâ avâ tawhta a za tlapa ei hmô.

LUKA 16:31

Abarahâ ta a hnohta, ‘Mawsi nata hrohsopazy bie ama nathlie vei khiahta cha, athihpa hry tawhta a thyupa y hra sala, a bie zo hlei aw veih ei,’” tah ta.

ZAWHÂNA 12:37

Ama hmiakô liata hmonoâhpa hluhpi a taopa chhao ta, Zu chyhsazy ta ano cha a ngiapâ pyly veih ei.

ZAWHÂNA 15:24

Mohropa ahy hmah tao beih leipa hmozy ama hry liata tao lei paw sah la, moleina vâta thaileichâpa ta ama y lei awpa tlai. Tahmâ deikua cha, kei nata ei Paw miah hmô ha ei ta, eima pano ta miah amâ hao haw.

ZAWHÂNA 2:18

Zuzy ta a hnohta, “He hmozy na taopa heta khâpa ngiana ma miah na pamosa?” tah ei ta.

ZAWHÂNA 20:29

Zisu ta a hnohta, “Nâ la eina hmôpa vâ chi ta a ngiapâpa châ chi ta, hmô leipa ta a ngiapâpazy cha ama nohlao na,” tah ta.

ZAWHÂNA 4:49

Molaipa ta Zisu hnohta, “Pâpuh y, ei saw a thi hlâta rie a zu mah y,” tah ta.

HMOTAOPAZY 14:3

Abeipa liata riahpha ngaitapa ta bie reipa ta, cha liata bohpi y ei ta, Abeipa ta ngiana nata hmonoâhpazy ama ku ta pataosapa ta, a ngiachhiena bie ama reipa cha pahnokhei lymâ ta.

HMOTAOPAZY 15:12

Chatanachata zawpi zydua cha a chalih ha ei ta, Bânabâ nata Pawla ta âmo hmâpa ta Khazohpa ta Zenitaizy hry liata ngiana nata hmonoâhpa a taopa kyh ama reipazy cha nathlie ei ta.

HMOTAOPAZY 2:19

Chô lâ avâ liata hmonoâhpazy, Ry lâ alei liata ngianazy, Thisaih nata mei nata meikhuh zy Ei chaluah aw.

HMOTAOPAZY 2:22

“Nâmo Izarei sawzy saih u, he biezy he thei teh u: Nâzari Zisu, Khazohpa ta ano hmâpa ta nama hry liata hmo rônahpazy, hmonoâhpazy nata ngianazy a taopa kha, Khazohpa ta â pyhpa chyhsa a châ tahpa nâmo tlai ta nama pahno.

HMOTAOPAZY 2:43

Lyuhchâpazy ta hmonoâhpa nata ngiana hluhpi tao ei ta, chavâta chyhsa to ta chi ei ta.

HMOTAOPAZY 4:30

Patlâh awpa ta na ku pazawh la, châ chakaotuhpazy he, châ chakaotuhpa pathaihpa Zisu moh ta ngiana nata hmonoâhpazy pataosa lymâ mah y,” tah ei ta.

HMOTAOPAZY 5:12

Lyuhchâpazy ku ta ngiana nata hmonoâhpa hluhpi zawpi hry liata tao lymâpa châ ta. Ama zydua ta palôh miakha phaohpa ta Sawlawmaw Aikah liata y pakhy tyh ei ta.

HMOTAOPAZY 6:8

Stiphana cha ngiachhiena nata hmotaotheina ta bie ta, chyhsazy hry liata ngiana nata hmonoâhpa rônah ngaitapazy tao lymâ ta.

HMOTAOPAZY 7:36

Mawsi chata Izi râh liata zy, Tilaipi Saihpa liata zy, râhchawhpa liata zy, kô sypalih chhôh hmonoâhpa nata ngianazy taopa ta, Izarei sawzy a chhi papua ta.

RAWMA 15:19

Krista thâtihpha chakaona rai cha, ngiana nata hmonoâhpa hmotaotheina nata Khazohpa Thlahpa hmotaotheina zy hmâpa ta, Zerusale nata a chheipâhzy tawhta Eliriku râh taihta ei chho khai haw.

1 KAWRINI 1:22

Zuzy ta ngiana a hnaw ei ta, Krikâhzy ta sona ama tlua tyh.

2 KAWRINI 12:12

Lyuhchâpa hmeiseihpa châna â lâna, ngianazy nata hmonoâhpazy nata hmotaotheinazy taopa ta, tiama ngaitapa ta nama hry liata eima chakao tyh.

2 THYSALAWNIKA 2:9

Ryhpa paraotuhpa cha, hmotaotheina to nata ngiana nata hmonoâhpa ta dôveina to hmâpa ta, Sâtâ hmotaotheina chhaota â vy aw.

HEBRAI 2:4

Khazohpa chhao ta ngianazy, hmonoâhpazy nata hmotaotheina to ta nata a khozie hawhta Thlahpa Pathaihpa hmopiepazy piepa ta a pahnokhei.