ZAWHÂNA 4:36 - Mara Bible RV (BSI)

³⁶ Sâh hriatuhpa cha hlao hmô ta, chhâzaw hrona châta a theizy a pakhy, chatanachata a tutuhpa nata hriatuhpazy cha amâ ly raihrie aw.

ZAWHÂNA 4:36 ပူးပေါင်းရင်းမြစ်များ

BIESOZY 11:18

Moleipa cha dôveina hmâpa ta hlao tyh ta, Siana chi a tupa deikua cha lymâ dopa a hmô tyh.

BIESOZY 11:30

Mosiapa thei cha hrona tho châ ta, Chyhsa hro a pahnietuhpa cha asopa a châ.

DÂNIAH 12:3

A sopazy cha avâ khaihpa hawhta khaih aw ei ta, chyhsa hluhpi siana lâta a paheisatuhpazy cha awhsi hawhta chhâzaw nata tlyzaw ta ama khaih aw.

MATHAI 19:29

Ahy rai ei moh vâta ozy, unawhzy, sietanôzy, paw, nô, sawzy nata râhzy a siesaipa cha, a lie za kha ta hmô aw ei ta, chhâzaw hrona ama to aw.

ZAWHÂNA 3:36

Ahy rai Sawchapawpa a ngiapâpa cha chhâzaw hrona a hnei haw. Ahy rai Sawchapawpa bie a zyh leipa cha, hrona hmô aw vei, Khazohpa hiehâhna a chô liata tlao a y.

ZAWHÂNA 4:14

kei ta ei pie awpa ti a dohpa deikua cha, a dâh phi heih khao aw vei. Kei ta ei pie awpa ti cha, a chhôh liata tihnawh lâta a lie aw ta, chhâzaw hrona taihta a pali aw,” tah ta.

ZAWHÂNA 5:24

Hmeiseihta ta, hmeiseihta ta ei cha chho ei, ahy rai ei bie thei ta, nâ tuahtuhpa a ngiapâpa cha, chhâzaw hrona a hnei haw. Thailei pachâsapa châ leipa aw ta, thina tawhta hrona lâ tlao â ngia haw.

RAWMA 1:13

Unawh saih u, nâmo nata Zenitai hropazy hry liata theilâpa hmô awpa ta, cha vaw tly awpa ei a chhuah tyh na ta, châhrasala pakhâna a y chhyh hapa kyh nama pahno lei awpa khoh va na.

RAWMA 2:7

Hmopha tao hualuapa ta, rônahna nata palyupalihna nata thi khao leina a tluatuhpazy hnohta chhâzaw hrona a pie aw.

RAWMA 6:22

Tahmâ deikua cha, moleina tawhta khotalaipa châ ha ei chi ta, Khazohpa seizy nama châ haw. A theilâpa nama hmôpa cha pathaihna lâta a chhipa châ ta, cha chhâna cha chhâzaw hrona a châ.

RAWMA 6:23

Moleina hlao cha thina châ tlôh ta, Khazohpa hmosaipiepa deikua cha, eima Beipa Krista Zisu zawhzi ta chhâzaw hrona a châ.

1 KAWRINI 9:17

Keima khotlyna ta thâtihpha a chhopa ei châ khiahta cha, lymâ ei hnei. Keima khotlyna a châ vei khiah deikua cha, ei hnohta pavaosapa mohôhna rai ei hriapa tlâ a châ.

1 KAWRINI 9:18

Cha khiahta la, ei lymâ cha khâpa a châ aw? Thâtihpha ei chhopa vâta tovyuh ei hnaw theipazy a hnaw leipa ta, hlao leipa ta thâtihpha ei chho theipa he ei lymâ cha a châ.

1 THYSALAWNIKA 2:19

Eima Beipa Zisu â vy tita a hmiakô liata eima hnabeiseihna, eimâ lyna nata eima rônahna lakho a châ awpazy cha khâpa ma a châ aw? Nâmo châ veih ei chi ma?

1 TIMAWTHY 4:16

Na hro nata na pachuna biezy a phapa ta vaih mah y. Cha hawhta na tao khiahta cha, nâ nata na bie a theituhpazy na pachha aw ei.