ZAWHÂNA 4:24 - Mara Bible RV (BSI)

²⁴ Khazohpa cha Thlahpa châ ta, ano achhytuhpazy ta thlahpa nata biehmeiseihpa ta amâ chhy awpa a châ,” tah ta.

ZAWHÂNA 4:24 ပူးပေါင်းရင်းမြစ်များ

HLAZY 145:18

Abeipa cha a padotuhpa zydua a hnia ta, Hmeiseihpa ta a padotuhpa zydua a hniapa a châ.

HLAZY 50:23

Alyna bierei atheihna hlâtuhpa ta na parônahsa ta, A yzie â dopa ta a vaotuhpa hnohta, Khazohpa pachhana ei pahmô aw.”

HLAZY 51:17

Khazohpa khopa atheihnazy cha palôh keichheihpa châ ta, Hy Khazohpa, palôh keichheihpa nata ropa cha dytha aw va chi.

HLAZY 66:18

Ei palôh liata moleina ei pasô khiahta cha, Abeipa ta na nathlie aw vei.

ISAI 57:15

Moh chônôpa nata cheihchalopa ta hetana heta tah ta, Tlyzaw ta a ypa, a moh Pathaihpa bipa ta hetana heta a tah: “Areisipazy thlahpa pahra ta, Angiapachhipazy palôh pahra awpa ta, Kei he su sâhpa nata su pathaihpa liata pahrâ na ta, Angiapachhipa nata areisipazy hnohta ei pahrâ.

ZAWHÂNA 4:23

Châhrasala a daihti a tlô daihmâ, tahmâ chhao a vaw tlô haw. Cha tita Khazohpa a chhy hmeiseihpazy ta thlahpa nata biehmeiseihpa ta Paw amâ chhy aw. Cha hawhpazy cha Paw ta ano a chhytuhpa châ awpa ta a tlua ei.

2 KAWRINI 1:12

He he eimâ palaikhei: Khizaw sona ta châ leipa ta, Khazohpa ngiachhiena vâta, he khizaw liata nata nâmo liata pathaihna nata Khazohpa liata adona ta eima hro tyhpa kha, eima chhie na pha pahnona ta miah a pahnokhei.

2 KAWRINI 3:17

Abeipa cha Thlahpa châ ta, Abeipa Thlahpa yna maih liata khotalaina a y.

PHILIPI 3:3

Keimo, Thlahpa ta Khazohpa a chhypa, Krista Zisu a palaikheipa nata sapa liata ngâna rai a pahnie leipazy pi he, chopawtaipazy cha eima châ.

1 TIMAWTHY 1:17

Chhâzaw Beipa, thi thei leipa, hmô thei leipa nata Khazohpa a y chhôhpa hnohta chhâzaw nata tlyzaw ta palyupalihna nata rônahna y mawh sy. Amen.

1 SAMUELA 16:7

Châhrasala Abeipa ta Samuela hnohta, “A hmisâ tlyma, a pôraoh tlyma moh kha, ano kha khoh va na. Abeipa ta la chyhsapa hmôzie hawhta hmô vei. Chyhsapa ta cha khôtho lâ alânazie moh tyh ta, Abeipa deikua cha palôh tlao a moh tyh,” tah ta.