ZAWHÂNA 4:10 - Mara Bible RV (BSI)

¹⁰ Zisu ta a chhy ta, “Khazohpa hmopiepa nata, ‘Ti do awpa na pie teh,’ châ tahtuhpa he pahno ha la cha, nâma ta a hnohta tlao hiah aw chi ta, ano ta ti hrohpa a cha pie ha awpa tlai,” tah ta.

ZAWHÂNA 4:10 ပူးပေါင်းရင်းမြစ်များ

HLAZY 10:17

Hy Abeipa, pasataotuhpazy khopa thei ha chi ta, Ama palôh thapatlôpa ta, Na nah na pachôh aw.

HLAZY 46:4

Chavah miakha y ta, A vahtiezy ta Khazohpa khihpi palysa ta, Chônôchaipa pahrâna su pathaihpa a palysa tyh.

PUASAINA 17:6

Hôribâ liata lôpanô chô liata na hmiakô liata a vaw duah aw na ta, lôpanô cha tu aw chi ta, cha tawhta zawpi do awpa ti a vaw pua aw,” tah ta. Mawsi ta Izarei machâzy mohmô liata cha hawhna chata tao ta.

HLAZY HLA 4:15

Tihnawh palina sadô châ ta, Hrona tikhaoh chhao y ta, Lebanaw tawhta vahtiezy lona sadô a châ.

ISAI 12:3

Pachhana tikhaohzy tawhta, Thaphapa ta ti thaih aw ei chi ta,

ISAI 35:6

Pheisypa sakhih hawhta a chapie aw ta, Reih pathlie thai leipa paleih chhao, Thaphapa ta hla a sa aw. Râhchawhpa liata tizy pua aw ei ta, Sadi bypizy liata vahtie tizy ama loh aw.

ISAI 42:6

“Kei he Abeipa ei châ; Siana ta cha aw na ta, Na ku cha patu aw na ta ei cha hrôbieh aw; Izarei phopi châta biehrai ta cha tao aw na ta, Râhzy châta khaihna ta ei cha tao aw.

ISAI 43:20

Ei phopi atlyhpa hnohta ti do awpa pie awpa ta, Râhchawhpa liata ti paysa na ta, Râh raohpa liata chavahzy ei paysa; Chavâta râhsazy ta na palyupalih aw ei ta, Savai nata pavawpizy ta eina palyupalih aw ei.

ISAI 44:3

Râh dâhphipa liata ti bao aw na ta, Alei hipa liata vahtie tizy ei palosa aw. Na chipathla chô liata ei Thlahpa hry aw na ta, Na pathlazy chô liata ei byhnâ ei hry aw.

ISAI 49:10

Ama nodi leipa aw ta, Ama dâh phi aw vei; Thlih lalôhpa ta âmo cha pathli thlu leipa aw ta, Noh lopa ta âmo vawh aw vei. Âmo ngiachhietuhpa ta chhihtha aw ei ta, Tihnawh kiapâh liata â chhi laih aw ei.

ISAI 9:6

Eima châta hawti vaw pih ta, Sawchapaw piepa eima châ haw. A ngiatlâh liata ryureina pahniehpa châ aw ta, A moh cha Ryhraotuh Noâhchhihpa, Kha­zoh Thatlôpa, Chhâzaw Paw, Dyhna Beipa bipa a châ aw.

ZEREMIAH 2:13

“Ei phopi ta hmo miano ama parao haw: Kei, hrona tihnawh he na siesai ei ta, Âmo châta tikhaoh â chao ei ta, Ti a o thei lei awpa tikhaoh amâ chao.

EZEKIA 16:35

“Chavâta Hy âzuahnô y, Abeipa bie he nathlie teh:

ZEKARIA 13:1

“Cha noh liata, ama moleina pathai nawpa nata ama puana pasi nawpa ta, Dâvi pathlazy nata Zerusale mozy lâta tihnawh pahypa a châ aw.”

ZEKARIA 14:8

Cha noh liata, Zerusale tawhta hrona tizy loh papua aw ta, â khophie nochhi tilaipi lâta loh aw ta, â khophie notla tilaipi lâta a loh aw. Nopi daihti nata chasipaw daihtizy liata chhao a loh lymâ aw.

LUKA 11:13

Nâmo, moleipazy chi hmahta, nama sawzy hmo phapa piena châh nama pahno khiahta cha, nama Paw vârâh liata a ypa chhochhi ta cha, khatlu ta khokhei viapa ta ma a hiahtuhpazy hnohta Thlahpa Pathaihpa a pie aw tly!” tah ta.

ZAWHÂNA 16:3

Paw nata kei miah ama pahno leipa vâta, cha hawhpa hmozy cha ama tao aw.

ZAWHÂNA 17:3

He he chhâzaw hrona a châ: Nâ, Khazoh hmeiseihpa deita nata na tuapa Zisu Krista pahnopa hih.

ZAWHÂNA 3:16

“Khazohpa ta khizaw kyh pachâ ngaita ta, chatanachata a Sawchapaw matlupa pie ta, ahy rai ano a ngiapâpa maih cha leidia leipa ta, chhâzaw hrona tlao ama hnei aw.

ZAWHÂNA 4:14

kei ta ei pie awpa ti a dohpa deikua cha, a dâh phi heih khao aw vei. Kei ta ei pie awpa ti cha, a chhôh liata tihnawh lâta a lie aw ta, chhâzaw hrona taihta a pali aw,” tah ta.

ZAWHÂNA 6:35

Zisu ta ama hnohta, “Kei he hrona viahchhâ ei châ. Ahy rai kei lâ a vypa cha a nodi leipa aw ta, ahy rai nâ ngiapâpa cha a dâh phi beih aw vei.

ZAWHÂNA 6:51

Kei he vârâh tawhta viahchhâ hrohpa a zâ chôpa ei châ. Ahy rai he viahchhâ he a nie khiahta cha, chhâzaw ta a hroh thlâh ha aw. Khizaw hro nawpa ta ei pie awpa viahchhâ cha ei sapa he a châ,” tah ta.

HMOTAOPAZY 9:11

Abeipa ta a hnohta, “Thyu la, Lâpi Patlâpa ama tahpa lâ vawh la, Zudâh o liata Tarsâ khihpa, a moh Sawla ama tahpa kei tlua teh. Ano cha thlahchhâ hai ta,

RAWMA 8:32

A Sawchapawpa tlai chhao pahlôh leipa ta, eima zydua châta a pietuhpa chata, ato a saipa ta miah pie hra aw vei mâ?

1 KAWRINI 1:30

Nâmo deikua cha, ano zawhzi ta Krista Zisu liata nama y. Ano cha keimo châta Khazohpa tawhta sona vaw châ ta, eima siana, pathaihna nata chatlaina a châ hra.

1 KAWRINI 10:4

ama zydua ta thlahpa ti miakha ama doh. Âmo a zituhpa thlahpa Lôpanô tawhta ti doh ei ta, cha Lôpanô cha Krista a châ.

2 KAWRINI 9:15

A hmosaipiepa rei tiah leipa vâta Khazohpa hnohta alyna bie y mawh sy!

EPHESI 2:8

Ngiachhiena vâta ngiapâna ta pachhapa nama châ. Cha chhao cha nâmo tawhta a puapa châ leipa ta, Khazohpa hmosaipiepa a châ.

HEBRAI 6:4

Ei kha nopavâhpa ta y ha ta, vârâh hmopiepa padi ta, Thlahpa Pathaihpa raihria liata a hlao ha ta,

1 ZAWHÂNA 5:20

A hmeiseihpa cha ahy ma a châ tahpa eima pahno thei nawpa ta, Khazohpa Sawchapawpa cha a vy ta, novâhna miah a pie tahpa eima pahno. Keimo cha a hmeiseihpa, a Sawchapawpa Zisu Krista liata a ypazy eima châ. Ano cha Khazohpa hmeiseihpa châ ta, chhâzaw hrona a châ.

BIEPHUAH 21:6

Chatawhcha ei hnohta, “A ngoh haw! Kei he Alphâ nata Ômekâ châ na ta, âthaona nata achhâna ei châ. Dâhphipa hnohta hrona tihnawh tawhta ti a saipa ta ei pie aw.

BIEPHUAH 22:17

Thlahpa nata Myuhthieh ta, “A vy mah y,” tah ei ta. A theipa maihta, “A vy mah y,” tah mawh ei sy. Dâhphipa maih a vy sala, a khohpa maihta hrona ti he a saipa ta doh mawh sy.

BIEPHUAH 7:17

Beidyuchhai liah liata a tyuhpa cha, Âmo vaituhpa a châ aw; Hrona tihnawhzy lâ âmo a chhi aw ta, Ama mo liata mothlih zydua Khazohpa ta a hru khai aw,” tah ta.