ZAWHÂNA 3:36 - Mara Bible RV (BSI)

³⁶ Ahy rai Sawchapawpa a ngiapâpa cha chhâzaw hrona a hnei haw. Ahy rai Sawchapawpa bie a zyh leipa cha, hrona hmô aw vei, Khazohpa hiehâhna a chô liata tlao a y.

ZAWHÂNA 3:36 ပူးပေါင်းရင်းမြစ်များ

ZAWBÂ 33:28

Khaohtlô lâ zu awpa tawhta ei thlahpa pachha ta, Ei hrona ta khaihna a hmô aw,’ a tah aw.

HLAZY 2:12

Sawchapawpa cha pahnâ teh u, Chataleipatala a hiehâh aw ta, Lâpi liata nama leidia pathlei aw na, A pathi thlai ia tyh tlôh ta. Abeipa a chhaipa zydua cha ama nohlao na.

HLAZY 36:9

Nâma liata hrona hnawh y ta, Na khaihna liata khaihna eima hmô.

HLAZY 49:19

Ano pathlatuhpa chhâ hnohta a pahlyh aw ta, Khaihna hmô heih beih khao aw vei.

HABAKU 2:4

“Moh tua u, moleipa palôh cha a palai kaw ta, Ano liata adona y vei; Mosiapa deikua cha, Â ngiapâna ta a hroh aw.

MALUHREINA 32:11

‘Izi râh tawhta a kaw puapa, kô kih tawhta chô lâ chyhsazy cha, palôh tlokhuh ta eina zi leipa vâ ei ta, ahy hmah Abarahâ, Aisika nata Zakaw zy hnohta pie awpa ta bie ei taihpa râh hmô aw veih ei.

MATHAI 25:46

Chazy cha chhâzaw hriena lâ sie aw ei ta, mosiapazy deikua cha, chhâzaw hrona lâ ama sie aw,” tah ta.

MÂKA 16:16

A ngiapâ ta bâti a châpa cha pachhapa ta y aw ta, a ngiapâ leipa deikua cha thaileichâpa ta a y aw.

LUKA 2:30

Na pachhana ei mo ta hmô ha ta,

LUKA 3:6

Chyhsa zydua ta Khazohpa pachhana ama hmô aw,’” tahpa ta bie chho ta.

ZAWHÂNA 1:12

Châhrasala ano a pyhpa nata ano a ngiapâpa zydua cha, Khazohpa sawzy châ theina biehneina a pie ei.

ZAWHÂNA 10:28

Chhâzaw hrona pie ei na ta, leidia beih khao aw veih ei. Âmo cha ahy hmahta ei ku tawhta na chhu thei aw veih ei.

ZAWHÂNA 3:3

Zisu ta a chhy ta, a hnohta, “Hmeiseihta ta, hmeiseihta ta ei cha chho, ahy rai chô lâ tawhta a pihpathi leipa khiahta la, Khazohpa khinarâh a ngia thei aw vei,” tah ta.

ZAWHÂNA 4:36

Sâh hriatuhpa cha hlao hmô ta, chhâzaw hrona châta a theizy a pakhy, chatanachata a tutuhpa nata hriatuhpazy cha amâ ly raihrie aw.

ZAWHÂNA 5:24

Hmeiseihta ta, hmeiseihta ta ei cha chho ei, ahy rai ei bie thei ta, nâ tuahtuhpa a ngiapâpa cha, chhâzaw hrona a hnei haw. Thailei pachâsapa châ leipa aw ta, thina tawhta hrona lâ tlao â ngia haw.

ZAWHÂNA 6:58

He he vârâh tawhta viahchhâ za chôpa a châ. Pathlatuhpazy ta nie ei ta, ama thi pylypa viahchhâ hawhpa kha châ vei. He viahchhâ a niepa cha chhâzaw ta a hroh aw,” tah ta.

ZAWHÂNA 8:51

Hmeiseihta ta, hmeiseihta ta ei cha chho ei, chyhsa ta ei bie a zyh khiahta cha, thina hmia hmô beih aw vei,” tah ta.

HMOTAOPAZY 14:2

Ngiapâ khoh leipa Zuzy ta Zenitaizy pasyu ei ta, unawhzy cha pahaosa ei ta.

RAWMA 4:15

Ryhpa ta pathiiana tlôkhei tyh ta, ryhpa y leina liata paraona y vei.

RAWMA 5:9

Chavâta tahmâ a thisaih ta thai pachâsapa eima châ tawhta chhochhi cha, ano vâta Khazohpa hiehâhna tawhta pachhapa ta eima y via pachai aw.

RAWMA 8:1

Chavâta tahmâ la Krista Zisu liata a ypa, sapa ta hroh leipa ta, Thlahpa ta a hrohpazy châta cha thailei pachâsana rai y khao vei.

KALATIA 3:10

Ryhpa hmotaopazy liata a pahniehpa zydua cha, chhiesana ry liata ama y, “Ryhpa châbu liata bie ropa zydua a tao leipa nata a zyh leipa maih cha chhiesapa ta y mawh sy,” tahpa ropa châ tlôh ta.

EPHESI 5:6

Ahy hmahta hraoleipa bie ta cha dôvei khah ei sy. Cha hmozy vâna chata Khazohpa pathiiana cha ngiapâleipa sawzy chô liata a tlô tyh.

1 THYSALAWNIKA 1:10

vârâh tawhta a Sawchapawpa avyheihna a hâtuhpazy nama châzie miah ama chho. Ano cha Khazohpa ta athihpa hry tawhta a pathyupa Zisu kha châ ta, hiehâhna vaw tlô awpa tawhta miah a pachhatuhpa a châ.

1 THYSALAWNIKA 5:9

Khazohpa ta hiehâhna pasa tao awpa ta miah rao leipa ta, eima Beipa Zisu Krista zawhzi ta pachhana hmô awpa ta tlao miah a rao.

HEBRAI 10:29

Khazohpa Sawchapawpa tlypâ ta, ano pathaisana biehrai thisaih papuapaleipa ta, ngiachhiena Thlahpa ru a pachhôpa cha, kha tluta hriena tha viapa to sala nama pangiasa?

HEBRAI 2:3

he tlu ta pachhana rônahpa he diathlâ ei sih la, kheihta e eimâ boh thei aw? Cha pachhana bie cha Abeipa ta phuah tua ta, a theituhpazy ta keimo châta ama pa-i.

HEBRAI 3:18

 pahâna liata a ngia lei awpa ta bie â taihpazy kha ahyzy ma ama châ? Reingiah leipazy kha châ veih ei ma?

HEBRAI 3:19

Amâ ngiapâleipa vâta a ngia thei khao veih ei tahpa eima pahno.

BIEPHUAH 21:8

Riahchhiepazy, ngiapâleipazy, pasichhihpazy, lianycheihpazy, sihryhpazy, dyuthaipazy, nothlahpa achhypazy nata haiphiahpa zydua to awpa deikua cha, mei nata kaih ta a kâ ngâpa tipo châ aw ta, cha cha thina einona a châ,” tah ta.