ZAWHÂNA 3:29 - Mara Bible RV (BSI)

²⁹ Myuh a hneipa cha myuhneituhpa a châ. Myuhneituhpa viasa, myuhneituhpa pahnokhei awpa ta a duahpa cha, myuhneituhpa ao a theipa ta a palysa ngaita. Chavâta tahmâ ei lyna pakipa a châ haw.

ZAWHÂNA 3:29 ပူးပေါင်းရင်းမြစ်များ

HLAZY HLA 3:11

Hy Zaio zuahzy saih u, pua u la, Bei Sawlawmaw hao moh tua u. A lapi hnei noh châta a nô ta lakho a pakhopa a kho ta, A palôh thapha noh ta â kho awpa lakho a khopa ta â vy huh.

HLAZY HLA 5:1

Ei sadô, ei sietanô, ei myuh lâ cha a ngia na ta, Ei deiryh nata ropahâhpa lapakhypa ta, Ei kheihti nata ei kheihthlawh nie na ta, Ei sâhpiti nata ei kresawhti cha ei doh. Hy viasazy, niepa ta, doh u la, Kyhpachâna paripa ta y muh vy!

ISAI 54:5

Châ Taotuhpa cha na vahpa châ ta, A moh Pheisaihzy Abeipa a châ; Châ Chatlaituhpa chhao Izarei Mo Pathaihpa châ ta, ‘Khizaw zydua Khazohpa,’ Tahpa ta awpa a châ.

ISAI 66:11

Chatanachata a thlapalôhna sâhpi pazy aw ei chi ta, Lôhrâtlôpa ta nama y aw. A sâhpi a thua ta a thlaoh ngâpa doh aw ei chi ta, Palôhtlâhpa ta nama y aw,” Abeipa ta a tah.

ZEREMIAH 2:2

“Sie la, Zerusale nah theina liata, Abeipa ta hetana a tah,” kei tah mah y: “Na thyutlia nota na ngâchhihzie kha a thei thlâh ha na ta, Myuh hawhta kyh eina pachâzie chhao chi kha ei thei thlâh haw; Râhchawhpa liata na zi laih chi ta, Chi chei leina râh liata chhao eina zi lymâ chi.

EZEKIA 16:8

“‘Cha vaw chapiapa ta, ei cha hmô heih nahta, moh tua, dyhchâ a vaw daih ha chi ta, chatanachata ei poh hy na ta, na thluahruana ei cha khu. Bie châ taih na ta, biehrai liata châ ngiakhei na ta, chatanachata kei eih na vaw châ haw,’” Abeipa Zehôvâh ta a tah.

HÔSIA 2:19

“Chhâzaw châta châ pahawh aw na ta, Siana nata adona ta ei châ pahawh aw; Kyhpachâna ta châ pahawh aw na ta, Ngiachhiena ta ei châ pahawh aw.

MATHAI 22:2

“Vârâh khinarâh cha abei ta a sawchapawpa châta ahneina kyhchhi a taopa nata pakho theipa a châ.

MATHAI 25:1

“Cha noh liata, vârâh khinarâh cha laihsakôpa pahrawh, ama meiôh a cheipa ta myuhneituhpa dy awpa ta a puapazy hawhta a châ aw.

MATHAI 9:15

Zisu ta ama hnohta, “Myuhneituhpa a y thlâh ha nota, ahneina kyhchhi a hlaopazy mâchhie ama sa aw ma? Ama hry tawhta myuhneituhpa lana daihti vaw tlô aw ta, cha tita deikua cha kâhvileipa ta ama y aw.

LUKA 15:6

O a tlô nahta, a viasazy nata a opazy awpakhy aw ta, ama hnohta, ‘Nâ lykhei teh u, ei mietaku a leipa kha ei hmô haw,’ a tah aw.

ZAWHÂNA 15:11

Ei lyna nâmo liata y thlâh ha sala, namâ lyna â ki nawpa ta, he biezy he nama hnohta ei reipa a châ.

ZAWHÂNA 16:24

Tahmâ taihta ei moh ta khâpa hmah hiah mâh veih ei chi. Hiah teh u, nama hmô aw, chatanachata namâ lyna â ki aw.

ZAWHÂNA 17:13

Tahmâ nâ lâ ei vaw di daihmâ haw. Ei lyna âmo liata â ki thei nawpa ta, he biezy he khizaw liata ei reih.

ZAWHÂNA 3:30

Ano cha a rônah via rili awpa châ ta, kei deikua cha a nawh via lymâ awpa ei châ,” tah ta.

2 KAWRINI 11:2

Vahpa pakha, Krista tlai cha, châ pahawhpa ei na ta, ano châta laihsa kôpa pathaihpa châ awpa ta a hnohta ei hlâ hapa nama châpa vâta, Khazohpa hiatliana ta ei hia ei cha tlia ei.

PHILIPI 2:2

palôh miakha phaoh ta, kyhpachâna miakha hneipa ta, lôraohpa nata reihkha tlapa ta ei lyna paki teh u.

1 ZAWHÂNA 1:4

Eimâ lyna â ki thei nawpa ta, he biezy he eima roh.

2 ZAWHÂNA 1:12

Nama hnohta bie hluhpi ro awpa hnei hraw sah la, châhna nata châti hmâpa ta roh hlei aw va na. Eimâ lyna â ki thei nawpa ta, nâmo lâ a vy ta, hmiachhypa ta bie cha chho awpa ei tlao ei chhuah.

BIEPHUAH 21:9

Chatawhcha vâlyuhchâpa pasari hry liata pakha, potlana hnôhchaipa miasari ta a biepa biebuh miasari a chabapa vâlyuhchâpa a vy ta, ei hnohta, “A vy teh, myuhthieh, Mietakutaw lapinô cha ei cha pahmô aw,” na tah ta.