ZAWHÂNA 3:2 - Mara Bible RV (BSI)

² Cha chyhsa cha zâ ta Zisu lâ a vy ta, a hnohta, “Râbai, Khazohpa tawhta pachutuhpa â vypa na châ tahpa eima pahno. Khazohpa a chô liata a y leipa khiahta la, he hmonoâhpa na taopa hawhpazy he ahy hmahta tao thei aw veih ei,” tah ta.

ZAWHÂNA 3:2 ပူးပေါင်းရင်းမြစ်များ

1 ABEIZY 17:24

Chanô ta Elaizâh hnohta, “Tahmâ la Khazohpa chyhsa châ chi ta, na pakah liata Abeipa bie cha biehmeiseihpa a châ tahpa ei pahno haw,” tah ta.

ISAI 51:7

“Nâmo, siana a pahnopazy saih u, Na nathlie u la; Ei ryhpa bie palôh liata a vaopazy saih u, Na nathlie teh u. Chyhsa ta ama reipachhiena chi leipa u la, Ama riethlana vâta nama nôpo khah sy.

ZEREMIAH 38:16

Bei Zedekia ta Zeremiah cha arulâta bie a taih ta, a hnohta, “Eima hrona a taotuhpa Abeipa hrona reipa ta ei reih, cha thie leipa aw na ta, thie châ chhuahpa chyhsazy ku liana chhao he cha hlâ aw va na,” tah ta.

MATHAI 22:16

Ama pachupazy nata Herawda py liata chyhsazy ano lâ tuah ei ta, âmo ta a hnohta, “Pachutuhpa, chyhsa dopa na châpa pahno pi ta, Khazohpa lâpi â dopa ta pachu chi ta, chyhsa pachâna la hlei leipa chi ta, chyhsa pôraoh nata hmisâ zy moh va chi tahpa eima pahno.

MATHAI 23:7

sôdaohna su liata anaohna nata chyhsa ta pachutuhpa ama tahpa zy ama pasô ngaita.

MATHAI 23:8

Nâmo deikua la, pachutuhpa tahpa ta bi awpa châ veih ei chi. Pachutuhpa cha pakha deita nama hnei. Nama zydua ta unawh sai nama châ.

MÂKA 12:14

A kô ama tlô nahta, a hnohta, “Pachutuhpa, chyhsa dopa châ chi ta, ahy pachâna hmahta a papeisa va chi tahpa eima pahno. Chyhsapa alânazie ta cha pahnie leipa ta, hmeiseihna kyh ta Khazohpa lâpi na pachu tyh. Kaisarâ lâ chhie piepa he ryhpa ta a pasaih ma, pasaih vei?

ZAWHÂNA 1:38

Zisu cha a kei heih ta, ano ama vaw pazipa a hmô nahta, ama hnohta, “Khâpa nama tlua?” tah ta. Âmo ta, “Râbai, khataih liata na y?” tah ei ta. Râbai cha pachutuhpa tahna a châ.

ZAWHÂNA 10:38

Paw rai a hriapa ei châ khiahta deikua cha, kei na zo vei hra u la, ei raihriazy chhâ zo teh u. Chatanachata Paw cha keima liata y ta, kei chhao Paw liata ei y tahpa pahno aw ei chi ta, nama no â vâh aw,” tah ta.

ZAWHÂNA 12:37

Ama hmiakô liata hmonoâhpa hluhpi a taopa chhao ta, Zu chyhsazy ta ano cha a ngiapâ pyly veih ei.

ZAWHÂNA 14:10

Kei Paw liata y na ta, Paw keima liata a ypa kyh cha zo va chi ma? Nama hnohta bie ei reipazy he, keima biehneina ta a reihpa châ va na, keima liata a ypa Paw ta rai a hriapa tlao a châ.

ZAWHÂNA 15:24

Mohropa ahy hmah tao beih leipa hmozy ama hry liata tao lei paw sah la, moleina vâta thaileichâpa ta ama y lei awpa tlai. Tahmâ deikua cha, kei nata ei Paw miah hmô ha ei ta, eima pano ta miah amâ hao haw.

ZAWHÂNA 2:11

Zisu ta hmonoâhpa a tao tua chaipa cha, Kâlili râh Kena khih liata tao ta, a rônahzie palâsa ta, chatanachata a pachupazy ta ano cha a ngiapâ ha ei ta.

ZAWHÂNA 20:16

Zisu ta a hnohta, “Mâri,” tah ta. Mâri cha a vaw heih ta, a hnohta Hebrai reih ta, “Râbawni!” tah ta, cha cha Pachutuhpa tahna a châ.

ZAWHÂNA 3:26

Zawhâna lâ a vy ei ta, a hnohta, “Râbai, Zawdâh haosâ liata na hnohta a ypa, ano a pahnotuhpa na châpa nâ duakheipa kha, moh tua, chyhsazy bâti pachâsa ta, chyhsa zydua ta ano cha ama pangai lymâ,” tah ei ta.

ZAWHÂNA 4:31

Cha chhôh ta pachupazy ta Zisu cha pati nie awpa ta a haw ei ta, “Râbai, nie mah y,” tah ei ta.

ZAWHÂNA 5:36

Châhrasala pahnokheina ei hneipa he Zawhâna pahnokheina hlâta rônah viapa a châ.

ZAWHÂNA 6:2

Tlâhleipazy chô liata hmonoâhpa a taopazy ama hmôpa vâta, zawpi hluhpi ta ano cha zi ei ta.

ZAWHÂNA 7:31

Chatanachôta zawpi hluhpi ta Zisu cha a ngiapâ ei ta, “Mesia cha a vaw tlôpa rai châ sala, he chyhsa taopa hlâta hmonoâhpa hluh via a tao aw ma?” tah ei ta.

ZAWHÂNA 9:16

Phârisaih thokha ta, “Cha chyhsa cha Pahânoh a chay leipa vâta, Khazohpa tawhtapa châ vei,” tah ei ta. Châhrasala thokha ta, “Moleipa ta kheihta ma cha hawhpa hmonoâhpa cha a tao thei aw?” tah ei ta. Ama hry liata achhaihna vaw y ta.

HMOTAOPAZY 10:38

Khazohpa ta Nâzari Zisu kha Thlahpa Pathaihpa nata hmotaotheina ta sathawthu ta, Khazohpa a hnohta a ypa vâta, hmopha taopa ta râh chahryh ta, ahripa taolapa zydua a patlâh lymâ.

HMOTAOPAZY 2:22

“Nâmo Izarei sawzy saih u, he biezy he thei teh u: Nâzari Zisu, Khazohpa ta ano hmâpa ta nama hry liata hmo rônahpazy, hmonoâhpazy nata ngianazy a taopa kha, Khazohpa ta â pyhpa chyhsa a châ tahpa nâmo tlai ta nama pahno.

PHILIPI 1:14

Bâlia ei kypa heta unawh hluhpi Abeipa liata ama riah paphasa ta, chi khao leipa ta, riahpha viapa ta Khazohpa bie ama chho lymâ.

RYUREITUHPAZY 6:27

Chatanachata Kidia cha a chakaotuhpazy hry tawhta pahrawh a chhi ta, Abeipa ta a chhopa hawhta tao ta.