ZAWHÂNA 3:11 - Mara Bible RV (BSI)

¹¹ Hmeiseihta ta, hmeiseihta ta ei cha chho, keimo ta la eima pahnopa reih pi ta, eima hmôpa eima pahnosa tyh. Châhrasala eima bie pahnopa cha zo veih ei chi.

ZAWHÂNA 3:11 ပူးပေါင်းရင်းမြစ်များ

ISAI 50:2

Khazia ma ei vy no kha chyhsa a hy hmah y leipa ei ta, Khazia ma ei aw no kha nâ chyh-eipa ama y vei tly? Ei ku he chatlai thei lei awpa ta pachhohsapa ma a châ haw? Pachha awpa ta hmotaotheina a hnei leipa ma ei châ haw? Moh teh u, tilaipi cha rapa ta padua na ta, Chavahzy râh raohpa lâta paliepa ta, Ti y leipa vâta nga thu roh pahnâh ta, Dâhphipa ta ama thi.

ISAI 53:1

Ahy ma keimo tawhta bie a theipa a ngiapâ ta, Ahy hnohta ma Abeipa bâh phualuahpa a châ tly?

ISAI 55:4

Ano cha phopizy châta pahnokheituhpa ta rao na ta, Phopizy chhituhpa nata hyutuhpa ta ei rao.

ISAI 65:2

Âmo pachânazy zi ei ta, Lâpi pha leipa a chhihpa chhorupazy lâta Noh y ta ei ku ei pazawh tyh.

MATHAI 11:27

Ei Paw ta ato zydua eina hlâ haw. Paw dei leipa ta cha, ahy hmahta Sawchapawpa he pahno leipa ei ta, Sawchapawpa nata ano ta a hnohta a palâhâhpa tah dei leipa ta cha, ahy hmahta Paw pahno veih ei.

MATHAI 23:37

“Hy Zerusale, Zerusale, hrohsopazy thie chi ta, nâ lâta tuapazy alô ta a vawhsaotuhpa khihpi! Awhpanô ta a tachhihzy a mathlaw ry liata a pahmaohpa hawhta, na sawzy pahmaoh a chhuah tyh na ta, châhrasala khoh va chi!

LUKA 10:22

Ei Paw ta ato zydua eina hlâ haw. Paw dei leipa ta cha, Sawchapawpa he ahy ma a châ tahpa ahy hmahta pahno veih ei. Paw he ahy ma a châ tahpa chhao, Sawchapawpa nata Sawchapawpa ta ama hnohta phuah awpa ta â tlyhpazy dei leipa ta cha, ahy hmahta pahno veih ei,” tah ta.

ZAWHÂNA 1:11

Ano chyhsazy lâ a zu ta, châhrasala a chyhsazy ta a ly veih ei.

ZAWHÂNA 1:18

Ahy hmahta Khazohpa hmô beih veih ei. Sawchapaw matlupa, Paw kalachhôh liata a ypa ta ano cha a palâhâh.

ZAWHÂNA 12:49

Keima biehneina ta bie reih va na. Nâ tuahtuhpa ei Paw ta bie na pie ta, rei awpa nata chho awpa eina piepazy ei reih tyh.

ZAWHÂNA 14:24

Kyh nâ pachâ leipa chyhsa cha ei biepiepazy zyh vei. Bie nama theipazy he kei eih châ leipa ta, nâ tuahtuhpa Paw eih a châ.

ZAWHÂNA 3:12

Khizaw hmo ei cha chhopa ei hmahta nama zo vei khiahta cha, vârâh hmozy cha chho hraw ei sah la, kheihta nama zo aw?

ZAWHÂNA 3:13

Vârâh tawhta za chôpa Chyhsa Sawchapawpa dei leipa ta cha, vârâh lâ ahy hmah kiah beih veih ei.

ZAWHÂNA 3:3

Zisu ta a chhy ta, a hnohta, “Hmeiseihta ta, hmeiseihta ta ei cha chho, ahy rai chô lâ tawhta a pihpathi leipa khiahta la, Khazohpa khinarâh a ngia thei aw vei,” tah ta.

ZAWHÂNA 3:5

Zisu ta a chhy ta, “Hmeiseihta ta, hmeiseihta ta ei cha chho, ahy rai ti nata Thlahpa ta a pih leipa khiahta la, Khazohpa khinarâh a ngia thei aw vei.

ZAWHÂNA 5:43

Ei paw moh ta a vy na ta, nâ pyh veih ei chi. Mohropa la ano moh ta a vy sala, namâ pyh aw.

ZAWHÂNA 7:16

Zisu ta âmo cha a chhy ta, “Ei bie pachupa he kei eih châ vei, nâ tuahtuhpa eih a châ.

ZAWHÂNA 8:14

Zisu ta âmo cha a chhy ta, “Keimasasyh ta ei pahnokheipa chhao ta, ei bie pahnopa cha a do ta, ei vaw puana nata ei sie nawpa ei pahno. Nâmo deikua ta cha, ei vaw puana pahno leipa ei chi ta, ei sie nawpa chhao pahno hra veih ei chi.

ZAWHÂNA 8:26

Nâmo kyh liata hmo hluhpi rei awpa nata pachia awpa ei hnei. Khâpa rai châ sala, nâ tuahtuhpa cha adopa châ ta, ano tawhta bie ei theipazy khizaw liata ei phuah tyh,” tah ta.

ZAWHÂNA 8:38

Kei ta ei Paw liata hmo ei hmôpa reih tyh na ta, nâmo chhao nama paw tawhta nama theipa nama tao tyh hra,” tah ta.

HMOTAOPAZY 22:18

Abeipa hmô na ta, ano ta ei hnohta, ‘A chatliepa ta Zerusale puasai para teh, ei thâtih nâ châhkheipa a pyh aw veih ei,’ na tah ta.

2 KAWRINI 4:4

Krista cha Khazohpa a lyupa châ ta, a rônahna thâtihpha khaihpa ama hmô lei nawpa ta, he khizaw khazoh ta ngiapâleipazy palôh mo a pachao haw.

BIEPHUAH 1:5

Zisu Krista, pahnokheituhpa ngâchhihpa, athihpa hry liata a thyu heih tua chaipa nata lei beizy chô liata ryureituhpa tawhta ngiachhiena nata thlalôhna nama hnohta y mawh sy. Kyh miah pachâ ta, a thisaih ta eima moleinazy tawhta miah papuapa ta,

BIEPHUAH 3:14

“Laodisi Awnanopa vâlyuhchâpa hnohta hetana heta roh teh: ‘Ngâchhihpa nata pahnokheituh dopa nata Khazohpa hmotaopazy âthaona Amen ta he biezy he a reih.