ZAWHÂNA 3:10 - Mara Bible RV (BSI)

¹⁰ Zisu ta a chhy ta, “Izarei pachutuhpa châ chi ta, chazy chhao cha pahno thai va chi ma?

ZAWHÂNA 3:10 ပူးပေါင်းရင်းမြစ်များ

1 THÂTIHZYRONA 29:19

Ei sawchapawpa Sawlawmaw he, na biepiepazy, na ryhpa biezy nata na bieraopazy zyhpa ta, a zydua ta tao khai sala, o rônahpa cha a chhaichhi hmobaohzy ei chhuanoh hapa hawhta a sa thei nawpa ta, palôh phapakipa paphaosa mah y,” tah ta.

HLAZY 51:10

Hy Khazohpa, palôh pathaihpa kei liata paysa la, Pachâna dopa ei chhôh liata pathieh heih mah y.

HLAZY 51:6

Pachâ teh, chhôh lâta hmeiseihna khoh chi ta, Palôh chhôh liata sona eina pachu chi.

HLAZY 73:1

Khazohpa cha Izarei chô liata pha ta, Palôh pathaihpazy chô liata a vaw pha tlai na.

ISAI 56:10

Izarei vaituhpazy ama mo chao ha ta, Pahnona a hnei leipa sai ama châ; I a thlih thlâh hapazy châ ei ta, Nga thai veih ei; A zia ei ta, reihchamaoh ei ta, A mô awpa sai a tlaichhaipazy ama châ.

ISAI 9:16

He phopi a chhituhpazy ta Phopi cha a chhi chhei ei ta; Ama chhihthapazy noraihpa ta ama paysa.

ZEREMIAH 31:33

“Cha nohzy hnôhlâ ta Izarei pathlazy hnohta biehrai ei tao awpa cha, he he a châ,” Abeipa ta a tah. “Ama chhôh liata ei ryhpa bie soh aw na ta, ama palôh liata ei roh ha aw. Kei ama Khazohpa châ aw na ta, âmo cha ei phopi ama châ aw.

EZEKIA 11:19

Palôh miakha phaoh awpa ta tao aw ei na ta, pachâna thiehpa ei pahneisa aw ei. Ama sapa tawhta alô palôh lapa aw ei na ta, sapa palôh ei pie aw ei.

MATHAI 11:25

Cha daihti liata Zisu ta, “Hy ei Paw, lei nata vâ Beipa, nâ ta he hmozy he chyhsa sopa nata novâhpazy liata nyu chi ta, hawti chyhpazy hnohta na phuahpa vâta ei châ ly ngaita.

MATHAI 15:14

Âmo y ta y thlâh ha ei sa. Chhituhpa mochaopazy ama châ. Mochaopa ta mochaopa a chhihtha khiahta cha, khaohtlô liata hmaohkhata ama tla aw,” tah ta.

MATHAI 22:29

Zisu ta âmo cha a chhy ta, “Biehrai nata Khazohpa hmotaotheina nama pahno leipa vâta nama pachâpasipa a châ.

LUKA 2:46

Noh thôh ama tlua khai tawhta, Achhyna o liata hmô ei ta, pachutuhpazy hry liata a tyuh ta, ama biezy nathliepa ta, âmo lâta hiahrinazy a vaw tao ngâpa hmô ei ta.

LUKA 5:17

Noh kha cha a pachu hai nota, cha liata Phârisaihzy nata ryhpa pachutuhpazy a tyuh hra ei ta. Âmo cha Kâlili nata Zudia khih to tawhta nata Zerusale tawhta a vypazy ama châ. Patlâh theina Abeipa hmotaotheina cha Zisu liata y ta.

ZAWHÂNA 3:9

Nikadima ta a chhy ta, “Cha hmo cha kheihta a y thei aw?” tah ta.

HMOTAOPAZY 5:34

Châhrasala ryureituhpazy hry liata Phârisaih pakha, a moh Kâmalia ama tahpa, ryhpa pachutuhpa, chyhsa zydua ta ama zapa ta a kaw duah ta, lyuhchâpazy cha papua chy awpa ta biepie ta.

RAWMA 2:28

Chôpho dei ta Zu a châpa cha Zu hmeiseihpa châ leipa ta, chôpho ta sapa dei chopawtaipa chhao chopawtai hmeiseihpa châ vei.

RYHPACHANEINA 10:16

Chavâta nama pathipalôh chopaw tai u la, chhorupa ta y khao khuh vy.

RYHPACHANEINA 30:6

Abeipa nama Khazohpa cha nama pathipalôh tlokhuh ta nata nama thlahpa tlokhuh ta kyhpachâpa ta, na hroh thei nawpa ta, Abeipa nama Khazohpa ta nama pathipalôh nata nama pathlazy pathipalôh chopaw a cha taipa aw ei.

PHILIPI 3:3

Keimo, Thlahpa ta Khazohpa a chhypa, Krista Zisu a palaikheipa nata sapa liata ngâna rai a pahnie leipazy pi he, chopawtaipazy cha eima châ.

KAOLAOSÂ 2:11

Ano liata chopawtaipa châ ei chi ta, cha cha ku ta chopawtaipa châ leipa ta, sapa ryhpa pahluh khaipa ta, Krista liata chopawtaipa nama châ.