ZAWHÂNA 21:5 - Mara Bible RV (BSI)

⁵ Zisu ta ama hnohta, “Viasa saih u, ngasa a chyhta chhâ nama hnei ma?” tah ta. Âmo ta a chhy ei ta, “Hnei ma pi,” tah ei ta.

ZAWHÂNA 21:5 ပူးပေါင်းရင်းမြစ်များ

1 ABEIZY 19:6

Mohmia pasaih ta, alô sahpa liata pakâhpa viahchhâ nata ti beih a luh chô liata hmô ta. Niepa ta doh ta, a zia heih ta.

HLAZY 37:3

Abeipa cha ngâ la, Hmo pha tao mah y; He râh liata pahrâ la, Ngâchhihna zi lymâ mah y.

MATHAI 14:15

Zâlâ a vaw châ nahta, a pachupazy ano lâ a vy ei ta, a hnohta, “Su dâhthlohpa liata y tlôh pi ta, zâlâ ha ta, nie awpa a chalei awpa ta zawpizy he khihzy lâta tahmâ pasiesa teh,” tah ei ta.

MÂKA 8:7

Nga dipa chhao a chyhta hnei ei ta. Byhnâ a aw khai nahta, cha chhao cha zawpizy rai awpa ta a pachupazy chho ta.

PHILIPI 4:19

Ei Khazohpa ta Krista Zisu liata a rônahna hneirôhzie lymâ hawhta namâ phahlana to liata a cha pazao aw ei.

HEBRAI 13:5

Nama hro cha tâkâ sôh tlaichhaina a hlao leipa châ sala, nama hneipa rakha liata palôhtlâh a pao muh vy. Abeipa ta, “Cha pathlua beih leipa aw ei na ta, cha siesai beih aw veih ei na,” a tah.

1 ZAWHÂNA 2:13

Pawzy saih u, âthaona tawhta a y thlâhpa ano cha nama pahnopa vâta, nâmo lâ ei vaw roh. Satliazy saih u, moleina nama tiah hapa vâta, nâmo lâ ei vaw roh. Sawzy saih u, Paw nama pahnopa vâta, nâmo lâ ei vaw roh.

1 ZAWHÂNA 2:18

Sawzy saih u, daihti hnôhchaipa a châ haw. Krista dyuhtuhpa â vy aw tahpa nama theipa hawhna khata, tahmâ chhao Krista dyuhtuhpa hluhpi ama vaw pua haw. Chavâta daihti hnôhchaipa a châ haw tahpa eima pahno.