ZAWHÂNA 21:19 - Mara Bible RV (BSI)

¹⁹ Pity cha kheihawhta thipa ta ma Khazohpa a parônahsa aw tahpa palâsa nawpa ta, Zisu ta cha biezy cha a reipa a châ. Cha biezy cha a rei khai nahta, Pity hnohta, “Na zi teh,” tah ta.

ZAWHÂNA 21:19 ပူးပေါင်းရင်းမြစ်များ

MALUHREINA 14:24

Nâ chakaotuhpa Kâlebâ deikua he cha palôh nanopa phaoh ta, tlokhuh ta eina pazipa vâta, ano he cha a pangaipa râh tlôkhei aw na ta, a pathlazy ta râh cha ama hnei aw.

MATHAI 10:38

Ahy rai a kraws a piapa ta nâ zi leipa cha, ei chyhsa tlâh châ vei.

MATHAI 19:28

Zisu ta ama hnohta, “Hmeiseihta ta ei cha chho ei, Chyhsa Sawchapawpa he khizaw thiehpa liata a rônahna beidyuchhai liata â tyu tita, nâmo, nâ zituhpa sahlaozy chi he, beidyuchhai miahrawh hleino liata a tyuh aw ei chi ta, Izarei chi hrawh hleinozy chô liata ryu nama reih aw.

MATHAI 8:22

Zisu ta a hnohta, “Na zi teh, athihpazy ta ama chyhsa athipazy cha pabu mawh ei sy,” tah ta.

ZAWHÂNA 12:26

Ahy rai eina chakao khiahta la, na zi mawh sy. Nâ chakaotuhpa cha ei yna liata a y hra aw. Ahy rai eina chakao khiahta la, ano cha Paw ta a palyupalih aw.

ZAWHÂNA 12:33

Cha bie cha a thi nawpazie pahnosa nawpa ta a reipa a châ.

ZAWHÂNA 18:32

Cha cha Zisu ta a thinazie awpa kyh a reipa hawhta a vaw tlô nawpa ta a vaw ypa a châ.

ZAWHÂNA 21:18

Hmeiseihta ta, hmeiseihta ta ei cha chho, na hawti nota cha na chai a saih chi ta, na khona lâ maih na sie tyh. Na pitloh tita deikua cha, na kuzy pazawh aw chi ta, mohropa ta na chai cha saih aw ei ta, na kho leina lâ amâ châ daophi aw,” tah ta.

ZAWHÂNA 21:22

Zisu ta a hnohta, “Ano cha ei vy heihna taihta hroh awpa ta a khohpa rai châ aw sah la, cha cha na pachâ awpa a châ ma? Nâ cha na zi thlâh ha teh!” tah ta.

PHILIPI 1:20

Maophyuhpa ta y leipa aw na ta, ei pôhpa liata Krista palyupalihpa ta a y tyhpa hawhta, thina ta tlyma, hrona ta tlyma, Krista cha ei pôhpa liata palyupalihpa ta a y aw tahpa cha, tahmâ chhao riahpha ngaitapa ta ei saduthliepa nata ei hnabeiseihpa a châ.

2 PITY 1:14

Eima Beipa Zisu Krista ta eina pahnosapa hawhta, ei pôhpa paso nawpa daihti a tlô patoh aw tahpa ei pahno.

1 SAMUELA 12:20

Samuela ta ama hnohta, “Chi khah u, he hmo pha lei ngaitapa he tao tlai ei chi ta, châhrasala Abeipa nama zipa cha tleisai leipa u la, nama pathipalôh tlokhuh ta Abeipa cha chakao muh vy.