ZAWHÂNA 21:17 - Mara Bible RV (BSI)

¹⁷ A ei thôhna ta Zisu ta Pity hnohta, “Saimaw, Zawhâna sawchapawpa, kyh eina pachâ chi ma?” tah ta. Pity cha Zisu ta a ei thôhna ta, “Kyh eina pachâ chi ma?” a tahpa vâta, a pachârôh ta, a hnohta, “Abeipa, ato pahno chi ta, kyh ei cha pachâpa chhao na pahno na,” tah ta. Zisu ta a hnohta, “Ei mietakuzy pasa teh.

ZAWHÂNA 21:17 ပူးပေါင်းရင်းမြစ်များ

2 SAMUELA 7:20

Dâvi heta nâ lâta reih awpa khâpa a hnei khao? Hy Abeipa Zehôvâh y, châ chakaotuhpa he na pahno mâh tâh.

1 ABEIZY 17:18

O hneituhnô ta Elaizâh hnohta, “Hy nâ Khazohpa chyhsa y, ei chô liata palôh châ leina khâpa ma na hnei tly? Ei moleina na pahnosa ta, ei sawchapawpa na thiepa awpa ta a vaw tlôpa na vaw châ he!” tah ta.

1 THÂTIHZYRONA 17:18

Châ chakaotuhpa na palyupalihna kyh liata, Dâvi heta reih awpa khâpa a hnei khao? Châ chakaotuhpa he pahno pasia tlôh chi ta.

1 THÂTIHZYRONA 29:17

Ei Khazohpa y, nâ cha palôh mohpasia chi ta, adona liata nâ ly tahpa ei pahno. Palôh dopa phaopa ta, he hmozy he keima lôhthai tlai ta ei vaw hlâ. He liata a ypa na chyhsazy chhao heta âmo lôhthai tlai ta, a ly ngaitapa ta ama cha vaw hlâ tahpa ei hmô.

HLAZY 17:3

Ei palôh na moh chi ta, Zâ ta eina vaw tly chi; Na pasia chi ta, Khâpa hmah hmô va chi; Ei pakah ta molei lei awpa ta khâchâ ei chhuah haw.

ZEREMIAH 17:10

“Kei, Abeipa he chyhsa to ama hrozie hawhta thôpa ta, Ama hmotaopa thei hawhta thô awpa ta, Palôh a mohtuhpa châ na ta, Pachâna a pasiatuhpa ei châ.”

CHAPHÔHTUNA 3:33

A palôh hmeiseihpa ta âmo cha pasa pataosa vei, Chyhsa sawzy pachâ parôhsa awpa cha a kho chaipa châ hlei vei.

MATHAI 25:40

Abeipa ta âmo cha a chhy aw ta, ama hnohta, ‘Hmeiseihta ta ei cha chho ei, he ei unawhpa chyh chaipazy hry liata pakha chô liata nama taopa cha, ei chô liata a taopa nama châ,’ a tah aw ei.

MÂKA 14:72

Cha nota awhkhypa cha a einona ta thlai vaw khoh ta. Pity cha Zisu ta a hnohta, “Awh ei no a kho hlâta, ei thôh einâ paphasai aw chi,” a tahpa bie kha a vaw thei ta. Palôh keichheihpa ta cha ta.

ZAWHÂNA 12:8

Dyhchhiepazy cha nama hry liata ama y ngâ thlâh ha aw, kei deikua la nama hnohta y ngâ thlâh ha aw va na,” tah ta.

ZAWHÂNA 13:38

Zisu ta a chhy ta, “Keima châta na hro na hlâ aw mâ? Hmeiseihta ta, hmeiseihta ta ei cha chho, ei thôh einâ papha hlâlei chi cha awh khoh aw vei,” tah ta.

ZAWHÂNA 14:15

“Kyh eina pachâ khiah ei chi ta cha, ei biepiepazy nama zyh aw.

ZAWHÂNA 15:10

Paw biepiepazy zyh na ta, a kyhpachâna liata ei y thlâhpa hawhna heta, nâmo chhao ei biepiepazy nama zyh khiahta cha, ei kyhpachâna liata nama y thlâh ha aw.

ZAWHÂNA 16:30

Ato pahno chi ta, chyhsa ta ama cha hiahri awpa byuh vei, tahpa tahmâ eima pahno haw. Cha vâna chata Khazohpa tawhta a zupa na châ tahpa eimâ ngiapâpa a châ,” tah ei ta.

ZAWHÂNA 18:27

Pity cha a papha heih ta, awh khoh pâ ha ta.

ZAWHÂNA 18:4

Zisu cha a chô liata hmo a tlô awpa zydua pahno thlâh hapa ta, pua ta ama hnohta, “Ahy nama tlua?” tah ta.

ZAWHÂNA 21:18

Hmeiseihta ta, hmeiseihta ta ei cha chho, na hawti nota cha na chai a saih chi ta, na khona lâ maih na sie tyh. Na pitloh tita deikua cha, na kuzy pazawh aw chi ta, mohropa ta na chai cha saih aw ei ta, na kho leina lâ amâ châ daophi aw,” tah ta.

ZAWHÂNA 4:16

Zisu ta a hnohta, “Vawh la, na vahpa kei aw la, he lâ a vy heih mah y,” tah ta.

HMOTAOPAZY 1:24

Thlahchhâ ei ta, “Hy Abeipa, nâ cha chyhsa zydua palôh pahnotuhpa na châ. He panozy liana heta, ahy he ma nâ tlyhpa a châ tahpa miah pahnosa mah y.

HMOTAOPAZY 11:10

Cha hawhna chata ei thôh vaw y ta, hmo to zydua cha avâ lâ chalo pakhua hapa a châ.

HMOTAOPAZY 15:8

Palôh pahnotuhpa Khazohpa ta Zenitaizy â pyh ei tahpa cha, keimo chô liata a taopa hawhta, âmo chhao Thlahpa Pathaihpa a pie hrapa liana heta a palâsa haw.

2 KAWRINI 1:12

He he eimâ palaikhei: Khizaw sona ta châ leipa ta, Khazohpa ngiachhiena vâta, he khizaw liata nata nâmo liata pathaihna nata Khazohpa liata adona ta eima hro tyhpa kha, eima chhie na pha pahnona ta miah a pahnokhei.

EPHESI 4:30

Khazohpa Thlahpa Pathaihpa pachâ parôh khuh vy, chatlaina noh châta ano ta ngiapa nama châ.

ZAWSUA 22:22

“Zehôvah, khazohzy Khazohpa! Abeipa, khazohzy Khazohpa! Ano ta pahno ta, Izarei chhao ta pahno mawh sy! Eima maisâh taopa he Abeipa a dyuhpa tlyma, a rei a ngiah leipa tlyma a châ khiahta cha, tanoh he miah pahlôh khuh vy.

1 PITY 1:6

Cha hnabeiseihna liata thata a ly ei chi ta, pasiana to ta tahmâ buakha chhôh pachârôhpa ta nama y chy.

2 PITY 3:1

Kho ngaitapa saih u, he he nama hnohta châpaphaopa ei no ei vaw rona a châ haw. A miano ta, nama pahno chiehpa pahno heih ta, nama palôh pathaihpa tha pathyu nawpa ta ei ropa a châ.

BIEPHUAH 2:23

A sawzy tusao aw na ta, chatanachata kei cha pachâna nata palôh mohtuhpa ei châ tahpa Awnanopa zydua ta ama pahno aw. Nama hmotaopazy lymâ hawhta ei cha pie aw ei.

BIEPHUAH 3:19

Kyh ei pachâpa cha pasipaao na ta, ei chhorei tyh. Chavâta phahnai a ngiah la, ro mah y.