ZAWHÂNA 20:9 - Mara Bible RV (BSI)

⁹ Athihpa hry tawhta a thyu heih awpa a châ tahpa Biehrai bie ama pahno mâh leipa vâta ama zo leipa a châ.

ZAWHÂNA 20:9 ပူးပေါင်းရင်းမြစ်များ

HLAZY 16:10

Athihkhih liata ei thlahpa siesai leipa aw chi ta, Na Mo Pathaihpa thuzao awpa pasaih aw va chi.

HLAZY 22:15

Ei thatlôna beihkao hawhta hi karâpa ta, Ei paleih ei dâh lâta a bai ta, Thina dohlei liata eina soh chi.

ISAI 25:8

Thina cha tlyzaw ta pahlei aw ta, Abeipa Zehôvâh ta Chyhsa zydua hmia tawhta mothlihzy hru khai aw ta; A phopi nohzaona chhao, Khizaw zydua liata a pachhâsa aw; Cha bie a reihpa cha Abeipa a châ.

ISAI 26:19

Nâma liata a thipazy cha hroh aw ei ta, Ama pôhpa a thyu heih aw. Dohlei liata a ziapazy a hra aw ei ta, Thaphapa ta hla ama sa aw. Na diati cha my diati châ ta, Athipazy alei tawhta ama vaw hroh heih aw.

HÔSIA 13:14

Athikhih ku tawhta pachha aw ei na ta, Thina tawhta ei chatlai aw ei. Hy thina, na potlana hri cha khataih liata a y? Hy Athihkhih, na châmaih cha khataih liata ma a y? Ngiachhiena cha, Ei mokhaoh tawhta nyupa a châ.

MATHAI 22:29

Zisu ta âmo cha a chhy ta, “Biehrai nata Khazohpa hmotaotheina nama pahno leipa vâta nama pachâpasipa a châ.

LUKA 24:26

Mesia cha, cha hmozy cha pasa taopa ta a rônahna liata â ngia awpa châ vei ma?” tah ta.

LUKA 9:45

Châhrasala a bie reipa cha, ama pahno thei lei nawpa ta nyupa a châpa vâta, a yzie pahno veih ei. Âmo hra ta a bie reipa kyh cha ano hiahri ngâh tlôh leipa ei ta.

ZAWHÂNA 2:22

Chavâta athihpa hry tawhta pathyupa ta a y tawhna khata, cha kyh cha a reipa a châzie a pachupazy ta a thei ei ta, Biehrai nata Zisu bie reipa cha a ngiapâ ha ei ta.

HMOTAOPAZY 17:3

Mesia cha riethei a tao awpa a châna nata athihpa hry tawhta a thyu heih awpa kyhzy chhopasiapa ta, pahmô pasiasa tyh ta, “He Zisu, a thâtih ei cha chhopa ei he, Mesia cha a châ,” tah ta.

HMOTAOPAZY 2:24

Châhrasala ano cha thina ta patu thei vei. Khazohpa ta thina pasa taonazy cha pathlâpa ta, a pathyu haw.

1 KAWRINI 15:4

pabupa ta y ta, Biehrai bie hawhta a noh thôhna noh ta pathyupa ta y ta,