ZAWHÂNA 20:2 - Mara Bible RV (BSI)

² A râ ta, Saimaw Pity nata pachupa hropa Zisu ta kyh a pachâpa lâ vawh ta, ama hnohta, “Abeipa kha thlâ tawhta thaoh ha ei ta, khataih liata ma ama pazia tahpa pahno khao ma pi,” tah ta.

ZAWHÂNA 20:2 ပူးပေါင်းရင်းမြစ်များ

ZAWHÂNA 13:23

Pachupazy hry liata pakha, Zisu ta kyh a pachâpa cha, Zisu kiapâh liata tlâhkhai dôhpa ta a tyuh ta.

ZAWHÂNA 19:26

Zisu ta a nô nata pachupa kyh a pachâpa a kiapâh liata amâ duapa a hmô nahta, a nô hnohta, “Ei nô, moh teh, na sawchapawpa khawh!” tah ta.

ZAWHÂNA 20:13

Âmo ta a hnohta, “Chanô, khazia na cha?” tah ei ta. Ano ta ama hnohta, “Ei Beipa siekhei ha ei ta, ama paziana pahno khao va na,” tah ta.

ZAWHÂNA 20:15

Zisu ta a hnohta, “Chanô, khazia na cha? Ahy na tlua?” tah ta. Sadô mokhâhtuhpa khiah ma tah ta, a hnohta, “Pâpuh, Zisu ri kha na la hapa a châ khiahta cha, khâpa su liata ma na so tahpa na chho teh, ei la pakhua ha aw,” tah ta.

ZAWHÂNA 20:9

Athihpa hry tawhta a thyu heih awpa a châ tahpa Biehrai bie ama pahno mâh leipa vâta ama zo leipa a châ.

ZAWHÂNA 21:20

Pity cha a heih ta, Zisu kyhpachâpa pachupa, zâ pati nie nota a chachôhna a hniehpa ta ano lâ a heih ta, “Abeipa, châ patusa awpa cha ahy ma a châ?” a tahtuhpa khata a vaw zipa hmô ta.

ZAWHÂNA 21:24

Cha pachupa cha, he biezy a pahnotuhpa nata a rohtuhpa he a châ. A bie pahnopa cha biedopa a châ tahpa eima pahno.

ZAWHÂNA 21:7

Zisu ta kyh a pachâpa pachupa khata Pity hnohta, “Abeipa a châ huh!” tah ta. Saimaw Pity cha rai hria awpa ta a chysia pahluh ha ta, Abeipa a châ tahpa a theipa nahta, a chysia thlai a ky ta, tipo lâ a zaw ta.