ZAWHÂNA 20:19 - Mara Bible RV (BSI)

¹⁹ Cha noh, hâta noh hmiatuapa zâlâ ta, Zuzy chipa vâta pachupazy yna ochhizy cha khaw ei ta. Zisu cha a vy ta, ama hry liata a vaw duah ta, ama hnohta, “Nama chô liata thlalôhna y mawh sy,” tah ta.

ZAWHÂNA 20:19 ပူးပေါင်းရင်းမြစ်များ

HLAZY 122:8

Hy Zerusale, ei unawhzy nata ei viasazy vâta, “Na chhôh liata thlalôhna y mawh sy!” ei tah aw.

MATHAI 10:13

Cha o liata chyhsazy cha a naoh tlâh ama châ khiahta cha, nama thlapalôhna bie ama chô liata tlô sala, a naoh tlâh ama châ vei khiahta deikua cha, nama thlapalôhna bie cha nâmo lâ vaw kua heih mawh sy.

MATHAI 18:20

Pano tlyma, pathôh tlyma, ei moh ta amâ hmaohna maihta ama hry liata ei y tyh,” tah ta.

MÂKA 16:14

Cha khai tawhta, pahrawh hleikhazy tlâhkhai liata pati ama dôh hai nota, ama hnohta a luah heih ta. A thyuheih tawhta a hmôtuhpazy bie ama zo leipa vâta nata amâ ngiapâleina nata ama palôh kuhchhana vâta âmo cha ra ta.

ZAWHÂNA 14:27

Thlalôhna cha sopa ei na ta, keima thlalôhna ei cha pie ei. Khizaw ta a piepa hawhta cha pie veih ei na. Nama pathipalôh nôpo leipa sala, chi hra khah sy.

ZAWHÂNA 16:22

Cha hawhna chata nâmo chhao, tahmâ pachârôhpa ta y hra u la, cha hmô heih aw ei na ta, nama palôh a ly aw ta, namâ lyna cha ahy hmahta cha lapa aw veih ei.

ZAWHÂNA 16:33

Keima liata thlalôhpa ta nama y thei nawpa ta, he biezy he nama hnohta ei reih. Khizaw liana heta riethei pasa taopa ta nama y aw. Châhrasala thlalôhpa ta y teh u, kei ta khizaw ei tiah haw,” tah ta.

ZAWHÂNA 20:21

Zisu ta ama hnohta, “Nama chô liata thlalôhna y mawh sy. Paw ta kei eina tuapa hawhta, kei ta nâmo ei cha tuah ei,” tah heih ta.

ZAWHÂNA 20:26

Noh charie a châ tawhta, a pachupazy cha o chhôh liata y heih ei ta. Thawma chhao ama hnohta y hra ta. Ochhizy khaw hapa a châ tarawpa ta, Zisu cha a vy ta, ama hry liata a vaw duah ta, ama hnohta, “Nama chô liata thlalôhna y mawh sy,” tah ta.

ZAWHÂNA 21:1

Cha hnôhlâ ta Zisu cha a pachupazy hnohta Taibiria Tipo liata a luah heih ta, hetana heta â luah.

ZAWHÂNA 21:14

Cha cha athihpa hry tawhta a thyu heih tawhta, Zisu ta pachupazy hnohta â luahna ei thôhna a châ.

ZAWHÂNA 7:13

Châhrasala Zuzy ama chipa vâta, ahy hmahta â lâhâhpa ta a thâtih rei ngâh veih ei.

HMOTAOPAZY 1:3

Riethei a tao khai tawhna khata, noh sypalih tlai a pachupazy hnohta a luah ta, Khazohpa khinarâh thâtih reih lymâ ta, a hroh ha heih tahpa pasia nawpa ta kyh hluhpi ta â pahnosa.

RAWMA 15:33

Thlalôhna Khazohpa cha nama zydua hnohta y mawh sy. Amen.

1 KAWRINI 15:5

Kephâ hnohta a luah ta, cha hnôhlâ ta pahrawh hleino hnohta a luah ta.

EPHESI 2:14

Ano cha eimâ ryhna châ ta, py nozy cha pôhkha ta miah taopa ta, akhakhaina nata apachhaihna pâhchhô cha a sapa ta parao ta,

EPHESI 6:23

Paw Khazohpa nata Abeipa Zisu Krista tawhta thlalôhna nata ngiapâna a hlaopa kyhpachâna cha, unawhzy hnohta y mawh sy.

PHILIPI 1:2

Khazohpa eima Paw nata Abeipa Zisu Krista tawhta ngiachhiena nata thlalôhna nama hnohta y mawh sy.

2 THYSALAWNIKA 3:16

Thlalôhna Beipa ta kyh to liata thlalôhna cha pie lymâ mawh ei sy. Abeipa cha nama zydua hnohta y mawh sy.

HEBRAI 7:2

Abarahâ ta a hraona sôh zydua tawhta su hrawh su kha a hnohta a pie. Melkizade cha a moh yzie tawhta siana bei châ tua ta, hnôhlâ ta Salem bei tahpa a châ. Salem bei tahpa cha adyhna bei tahna a châ.

3 ZAWHÂNA 1:14

Cha hmô patoh awpa hnabeiseih na ta, cha tina chata hmiachhypa ta bie eima reih khoh aw.

BIEPHUAH 1:4

Kei, Zawhâna ta Asia râh liata awnanopa hlao sarizy ei châ naoh ei. Khazohpa a y haipa, a y hapa nata a vaw y awpa tawhta nata a beidyuchhai hmiakô liata thlahpa miasari a ypazy tawhta ngiachhiena nata thlalôhna nama hnohta y sala,