ZAWHÂNA 20:15 - Mara Bible RV (BSI)

¹⁵ Zisu ta a hnohta, “Chanô, khazia na cha? Ahy na tlua?” tah ta. Sadô mokhâhtuhpa khiah ma tah ta, a hnohta, “Pâpuh, Zisu ri kha na la hapa a châ khiahta cha, khâpa su liata ma na so tahpa na chho teh, ei la pakhua ha aw,” tah ta.

ZAWHÂNA 20:15 ပူးပေါင်းရင်းမြစ်များ

HLAZY HLA 3:2

Thyu aw na ta khihpi chahryhpa ta, Lâlaizy nata tlyliahzy chahryh laih aw na ta, Lôh rie ei ngiabâh chaipaw cha ei tlua laih aw. Tlua laih na ta, châhrasala hmô va na.

HLAZY HLA 6:1

Hy chanôzy hry liata chhithai chainô, Na lôhdupaw cha khataih lâ a sie haw? Na lôhdupaw cha khataih lâ ma sihnôh a kua haw? Eima cha vaw tluakhei aw hih.

MATHAI 12:34

Vâzi pathlazy saih u, nâmo moleipazy ta kheihta hmo phapa nama reih thei aw? Palôh liata a bie pakhôpa cha pakah ta a reih papua tyh.

MATHAI 28:5

Vâlyuhchâpa chata chanôzy hnohta, “Chi khah u, Zisu ama khaipâpa kha nama tlua tahpa ei pahno.

MÂKA 16:6

Ano ta ama hnohta, “Nama noâh khah sy. Nâzari khihpa Zisu, ama khaipâpa kha nama tlua tahpa ei pahno. A thyu haw. He liata y khao vei. Moh teh u, ama paziana hih.

LUKA 2:44

Noh kha lâsie sie ha ei ta, zawpi hry liata â hlao hra awpa hawhta pachâpa ta, ama heinawhzy nata ama hmia pahnopazy hry liata tlua ei ta.

LUKA 24:5

Chanôzy cha chi ngaita ei ta, ama hmia alei lâ a khu ei ta. Chyhsazy chata ama hnohta, “Khazia athihpa hry liata ahrohpa nama tlua?

ZAWHÂNA 1:38

Zisu cha a kei heih ta, ano ama vaw pazipa a hmô nahta, ama hnohta, “Khâpa nama tlua?” tah ta. Âmo ta, “Râbai, khataih liata na y?” tah ei ta. Râbai cha pachutuhpa tahna a châ.

ZAWHÂNA 18:4

Zisu cha a chô liata hmo a tlô awpa zydua pahno thlâh hapa ta, pua ta ama hnohta, “Ahy nama tlua?” tah ta.

ZAWHÂNA 18:7

Zisu ta, “Ahy nama tlua?” tahpa ta âmo cha hiahri chanei ta. Âmo ta, “Nâzari Zisu,” tah ei ta.

ZAWHÂNA 20:13

Âmo ta a hnohta, “Chanô, khazia na cha?” tah ei ta. Ano ta ama hnohta, “Ei Beipa siekhei ha ei ta, ama paziana pahno khao va na,” tah ta.

1 SAMUELA 1:16

Na seichanô he chanô moleipa hawhta rie na pachâ khah y, ei nôpona nata ei pachârôh ngaitanazy ei rei papua ngâpa a châ,” tah ta.