ZAWHÂNA 20:13 - Mara Bible RV (BSI)

¹³ Âmo ta a hnohta, “Chanô, khazia na cha?” tah ei ta. Ano ta ama hnohta, “Ei Beipa siekhei ha ei ta, ama paziana pahno khao va na,” tah ta.

ZAWHÂNA 20:13 ပူးပေါင်းရင်းမြစ်များ

BIECHHOTUHPA 3:4

Cha daihti y ta, pahnei daihti a y; Mâchhiesa daihti y ta, lâ daihti a y;

ZEREMIAH 31:16

Abeipa ta hetana heta a tah: “Chana ta na ao papua leipa la, Na mo tawhta mothlih loh khah sy; Na hmotaopa vâta lymâ piepa châ aw chi ta, Na sawzy cha chariahpa râh tawhta ama vaw kua aw,” Abeipa ta a tah.

LUKA 24:17

Ama hnohta, “Nama sie pâ ta nama reipa bie kha khâpa bie maw?” tah ta. Pachârôhpa ta a duah ei ta.

ZAWHÂNA 19:26

Zisu ta a nô nata pachupa kyh a pachâpa a kiapâh liata amâ duapa a hmô nahta, a nô hnohta, “Ei nô, moh teh, na sawchapawpa khawh!” tah ta.

ZAWHÂNA 2:4

Zisu ta a nô hnohta, “Chanô, cha cha keima pachâ awpa hmo a châ mâ? Ei daihti tlô mâh vei,” tah ta.

ZAWHÂNA 20:15

Zisu ta a hnohta, “Chanô, khazia na cha? Ahy na tlua?” tah ta. Sadô mokhâhtuhpa khiah ma tah ta, a hnohta, “Pâpuh, Zisu ri kha na la hapa a châ khiahta cha, khâpa su liata ma na so tahpa na chho teh, ei la pakhua ha aw,” tah ta.

ZAWHÂNA 20:2

A râ ta, Saimaw Pity nata pachupa hropa Zisu ta kyh a pachâpa lâ vawh ta, ama hnohta, “Abeipa kha thlâ tawhta thaoh ha ei ta, khataih liata ma ama pazia tahpa pahno khao ma pi,” tah ta.

HMOTAOPAZY 21:13

Châhrasala Pawla ta, “Khazia cha ei chi ta, ei ngia eina pachhie ei chi? Abeipa Zisu moh vâta Zerusale liata patâhpa ta ei y awpa a mâ chiehpa ta ei ypa dei châ leipa ta, thi chhao ei mâ thlâh haw,” tah ta.

1 SAMUELA 1:8

A vahpa Elkânâ ta a hnohta, “Hânâ, khazia na cha? Khazia pati na nie vei? Khazia na palôh a pasa? Sawchapaw pahrawh hlâta na châta pha via va na mâ?” tah ta.