ZAWHÂNA 2:24 - Mara Bible RV (BSI)

²⁴ Châhrasala Zisu cha chyhsapa palôh zydua a pahno khaipa vâta, âmo liata ngâna pahnieh vei.

ZAWHÂNA 2:24 ပူးပေါင်းရင်းမြစ်များ

1 ABEIZY 8:39

na pahrâna su vârâh liata vaw nathlie la, a ngiahthai mah y. Ama palôh na pahnopa nata ama hrozie lymâ hawhta, chyhsa to chô liata hria la tao mah y. Nâma, nâma deita he Âdâh pathla zydua palôh a pahnotuhpa châ tlôh chi ta.

1 THÂTIHZYRONA 28:9

“Nâ, Sawlawmaw, ei sawchapawpa y, na paw Khazohpa he pahno la, pathipalôh tlokhuh ta nata tao khona palôh hneipa ta ano cha chakao mah y. Abeipa cha palôh zydua mohtuhpa châ ta, achhuahna nata pachâna zydua pahnotuhpa a châ. Ano cha na tlua khiahta cha, hmô awh chi ta, nâ heihsai khiah deikua cha, chhâzaw ta a cha thy aw.

1 THÂTIHZYRONA 29:17

Ei Khazohpa y, nâ cha palôh mohpasia chi ta, adona liata nâ ly tahpa ei pahno. Palôh dopa phaopa ta, he hmozy he keima lôhthai tlai ta ei vaw hlâ. He liata a ypa na chyhsazy chhao heta âmo lôhthai tlai ta, a ly ngaitapa ta ama cha vaw hlâ tahpa ei hmô.

ZEREMIAH 17:9

Palôh he hmo zydua hlâta dôvei a thai chaipa châ ta, Pasichhih ngaitapa a châ; Ahy ma chyhsapa palôh a pahno thei aw?

MATHAI 9:4

Zisu ta ama pachânazy cha pahnopa ta, “Khazia nama palôh liata hmo moleipa nama pachâ?

MÂKA 2:8

Cha hawhta ama palôh liata ama pachâpa cha Zisu ta a thlahpa ta thlai pahno ta, ama hnohta, “Cha bie cha khazia nama palôh liata nama pachâ?

ZAWHÂNA 1:42

Adaru ta Saimaw cha Zisu lâ a chhi ta, Zisu ta ano cha vaw moh ta, “Zawhâna sawchapawpa Saimaw na châ, Kephâ ama cha tah ha bâ aw,” tah ta. Kephâ cha Pity tahna a châ.

ZAWHÂNA 16:30

Ato pahno chi ta, chyhsa ta ama cha hiahri awpa byuh vei, tahpa tahmâ eima pahno haw. Cha vâna chata Khazohpa tawhta a zupa na châ tahpa eimâ ngiapâpa a châ,” tah ei ta.

ZAWHÂNA 21:17

A ei thôhna ta Zisu ta Pity hnohta, “Saimaw, Zawhâna sawchapawpa, kyh eina pachâ chi ma?” tah ta. Pity cha Zisu ta a ei thôhna ta, “Kyh eina pachâ chi ma?” a tahpa vâta, a pachârôh ta, a hnohta, “Abeipa, ato pahno chi ta, kyh ei cha pachâpa chhao na pahno na,” tah ta. Zisu ta a hnohta, “Ei mietakuzy pasa teh.

ZAWHÂNA 4:16

Zisu ta a hnohta, “Vawh la, na vahpa kei aw la, he lâ a vy heih mah y,” tah ta.

ZAWHÂNA 5:42

Nâmo deikua cha ei cha pahno ei, nâmo liata Khazohpa kyhpachâna hnei veih ei chi.

ZAWHÂNA 6:15

Ano cha a chhi raruah ta, abei pachâsa awpa ta a vy amâ chhuah tahpa Zisu ta a pahno nahta, ano dei ta tlâh lâ kiah ha ta.

ZAWHÂNA 6:64

Châhrasala nama hry liata thokha a zo leipa nama y,” tah ta. Ahyzy ma a zo veih ei, ahy ma a patusa aw, tahpazy cha Zisu ta athaona tawhta a vaw pahno chhielie hapa a châ.

HMOTAOPAZY 1:24

Thlahchhâ ei ta, “Hy Abeipa, nâ cha chyhsa zydua palôh pahnotuhpa na châ. He panozy liana heta, ahy he ma nâ tlyhpa a châ tahpa miah pahnosa mah y.

HMOTAOPAZY 15:8

Palôh pahnotuhpa Khazohpa ta Zenitaizy â pyh ei tahpa cha, keimo chô liata a taopa hawhta, âmo chhao Thlahpa Pathaihpa a pie hrapa liana heta a palâsa haw.

RYHPACHANEINA 31:21

Hmo pha leipa nata nôpona hluhpi ama chô liata a vaw tlô tita, he hla he ama pathlazy pakah liata mypa ta a y lei awpa vâta, pahnokheituhpa âmo a padeituhpa a châ aw. Ei bietai râh ei tlôkhei hlâ chhao ei ta, ama palôh aheina lâ ei pahno khai,” tah ta.

HEBRAI 4:13

A mohmô tawhta a nyu theipa hmotaopa rai y vei. Eima thâtih eima tlôkhei nawpa mohmô liata cha, ato thluahruapa nata pahy chiehpa ta a y khai.

BIEPHUAH 2:23

A sawzy tusao aw na ta, chatanachata kei cha pachâna nata palôh mohtuhpa ei châ tahpa Awnanopa zydua ta ama pahno aw. Nama hmotaopazy lymâ hawhta ei cha pie aw ei.

1 SAMUELA 16:7

Châhrasala Abeipa ta Samuela hnohta, “A hmisâ tlyma, a pôraoh tlyma moh kha, ano kha khoh va na. Abeipa ta la chyhsapa hmôzie hawhta hmô vei. Chyhsapa ta cha khôtho lâ alânazie moh tyh ta, Abeipa deikua cha palôh tlao a moh tyh,” tah ta.