ZAWHÂNA 2:2 - Mara Bible RV (BSI)

² Zisu nata a pachupazy chhao ahneina a hlao awpa ta hruapa châ ei ta.

ZAWHÂNA 2:2 ပူးပေါင်းရင်းမြစ်များ

MATHAI 12:19

Chyhsa a hryuh leipa aw ta, Awhsâh hra leipa aw ta, Tlyliah liata a ao a theipa y aw veih ei.

MATHAI 25:40

Abeipa ta âmo cha a chhy aw ta, ama hnohta, ‘Hmeiseihta ta ei cha chho ei, he ei unawhpa chyh chaipazy hry liata pakha chô liata nama taopa cha, ei chô liata a taopa nama châ,’ a tah aw ei.

MATHAI 25:45

Ano ta a chhy aw ei ta, ama hnohta, ‘Hmeiseihta ta ei cha chho ei, he chyhsa chyh chaipazy hryta pakha chô liata nama tao leipa cha, ei chô liata a tao leipa nama châ,’ a tah aw ei.

ZAWHÂNA 2:12

Cha khai tawhta Kâpynia khih lâ zu ta, a nô nata a unawhzy nata a pachupazy chhao a hnohta zu hra ei ta. Cha liata noh chyhta y ei ta.

ZAWHÂNA 2:17

A pachupazy ta, “Na o châta phahnai ei ngiahna ta eina nie khai aw,” tahpa ropa bie a vaw thei ei ta.

ZAWHÂNA 2:22

Chavâta athihpa hry tawhta pathyupa ta a y tawhna khata, cha kyh cha a reipa a châzie a pachupazy ta a thei ei ta, Biehrai nata Zisu bie reipa cha a ngiapâ ha ei ta.

ZAWHÂNA 2:3

Kresawhti a daih khao leipa ta, a nô ta Zisu hnohta, “Kresawhti hnei khao veih ei,” tah ta.

ZAWHÂNA 3:22

Cha khai tawhta Zisu nata a pachupazy cha Zudia râh lâ sie ei ta. Zisu chhao cha liata ama hnohta y hra ta, chyhsazy bâti pachâsa ta.

ZAWHÂNA 4:2

Zisu ano tlai ta bâti a pachâsapa châ leipa ta, a pachupazy ta bâti ama pachâsapa tlao a châ.

ZAWHÂNA 4:33

Pachupazy cha âmo nata âmo ta, “A nie awpa chyhsa ta ama vaw cheipa ma a châ tly?” a tah ei ta.

ZAWHÂNA 4:8

A pachupazy cha niedo chalei awpa ta khihpi lâ vawh ha ei ta.

ZAWHÂNA 6:12

Ama rihbiena taih ama nie khai tawhta, a pachupazy hnohta, “Khâpa hmah lei lei awpa ta, nie laibâhpa azôhpazy a huah khai ha teh u,” tah ta.

ZAWHÂNA 6:16

Zâlâ a vaw châ nahta, a pachupazy tipo lâ zu ei ta.

ZAWHÂNA 6:60

A pachupa hluhpizy ta cha bie cha ama thei nahta, “He he bie ru ngaitapa a châ, ahy ma a nathlie thei aw?” tah ei ta.

ZAWHÂNA 6:66

Cha rakha tawhta cha, a zituhpa hluhpi ta kuasai ei ta, a hnohta sie khao leipa ei ta.

ZAWHÂNA 6:67

Zisu ta pahrawh hleinozy hnohta, “Nâmo chhao na siesai awpa nama khoh hra ma?” tah ta.

ZAWHÂNA 6:70

Zisu ta ama hnohta, “Nâmo pahrawh hleinozy chi he, keima ta ei châ tlyhpa châ veih ei chi ma? Châhrasala nama hry liata pakha cha ahripa a châ,” tah ta.

ZAWHÂNA 6:71

Saimaw Iskari sawchapawpa Zudâh, pahrawh hleinozy hry liata a hlao hrapa ta, ano a patusa nawpa kyh a reipa a châ.

ZAWHÂNA 6:8

A pachupazy hry liata pakha, Saimaw Pity unawhpa Adaru ta a hnohta,

ZAWHÂNA 7:3

A unawhzy ta “He tawhta pua la, na pachupazy ta na hmotaopazy ama hmô thei nawpa ta, Zudia râh lâ sie mah y.

HMOTAOPAZY 11:26

A hmô nahta, Antiôkâ lâta a vaw chhi ta. Kô kha chhôh tlai Awnanopa apakhyna liata a hlao ei ta, chyhsa hluhpi ama pachu lymâ. Antiôkâ liana heta pachupazy cha Krizyhpazy tahpa ta aw tuapa ama châ.

HMOTAOPAZY 11:29

Chatanachata pachupazy cha, ama tao theipa rakha chyu ta, Zudia râh liata unawh a ypazy lâ baona paphao a chhuah ei ta.

1 KAWRINI 10:31

Chavâta nama nie tlyma, nama doh tlyma, nama taopa maih Khazohpa rônahna châta tao muh vy.

1 KAWRINI 7:39

Lapinô cha a vahpa hro chhôh zydua cha chahrypa a châ. A vahpa a thi ha khiahta deikua cha, a khopa maih a hnei thei. Anodeikua cha Abeipa liata a ypa chyhsa a châ awpa a châ.

KAOLAOSÂ 3:17

Nama taopa maih, biereipa rai châ sala, hmotaopa rai châ sala, Abeipa Zisu moh ta ato tao u la, ano zawhzi ta Paw Khazohpa hnohta alyna bie reih tyh muh vy.

HEBRAI 13:4

Nôvah ahneina he chyhsa zydua hry liata palyupalihpa ta y mawh sy. Nôvah rakhô chhao papuapaleipa châ khah sy. Apatlana moleina a taopazy nata apheipazy cha Khazohpa ta a pachia aw.

BIEPHUAH 3:20

Nathlie teh, ochhi thaby liata a duah na ta ei chakhyh. Ahy rai ei ao thei ta, ochhi a pahy khiahta cha, ano liata a ngia aw na ta, a hnohta pati nie aw na ta, ano chhao ei hnohta a nie hra aw.