ZAWHÂNA 2:18 - Mara Bible RV (BSI)

¹⁸ Zuzy ta a hnohta, “He hmozy na taopa heta khâpa ngiana ma miah na pamosa?” tah ei ta.

ZAWHÂNA 2:18 ပူးပေါင်းရင်းမြစ်များ

1 ABEIZY 13:3

Cha noh lilaw liata Khazohpa chyhsa ta ngiana pie heih ta, Zerôbaw hnohta, “He he ngiana Abeipa ta a reipa cha a châ. Abeipa ta, ‘Pachâ teh, maisâh he patlawchheihpa châ aw ta, a chô liata buchâhzy cha leihtha khaipa a châ aw,’ a tah,” tah ta.

PUASAINA 7:9

“Phiraoh ta, ‘Hmonoâhpa tao teh u,’ a cha tah khiah ei ta cha, Mawsi ta Arawna hnohta, ‘Na chôchahrei kha la la, Phiraoh hmiakô liata kei thy teh, parih lâta â vaw lie aw,’ na tah aw,” tah ta.

MATHAI 21:23

Zisu cha Achhyna o liata a ngia ta, a pachu hai no ta, theihthai beizy nata khitlâh machâzy ano lâ a vy ei ta, a hnohta, “Khâpa biehneina ta ma he hmozy he na tao? Ahy ma he biehneina he châ pie?” tah ei ta.

MÂKA 8:11

Phârisaihzy vaw pua ei ta, Zisu bie cha ei ei ta. Ano pasia nawpa ta, avâ tawhta ngiana ano liata tlua ei ta.

LUKA 11:29

Zawpizy a vypakhy via lymâ ei ta, Zisu ta, “He chhâ he chhâ moleipa a châ. Ngiana tlua ei ta, châhrasala Zawna ngiana dei leipa cha, ama hnohta ngiana rai piepa châ aw vei.

ZAWHÂNA 1:19

Zuzy ta Zerusale tawhta theihthaipazy nata Livai sahlaozy tuah ei ta, Zawhâna hnohta, “Ahy na châ?” tahpa ta ama pahiahrisa nota, Zawhâna ta hetana heta reih ta.

ZAWHÂNA 1:25

Âmo ta a hnohta, “Mesia tlyma, Elaizâh tlyma, hrohsopa tlyma na châ tlôh leipa khiahta cha, khazia chyhsazy bâti na pachâsa ei?” tah ei ta.

ZAWHÂNA 6:30

Âmo ta a hnohta, “Hmô sih la eima cha zo thei nawpa ta, khâpa ngiana ma na tao aw? Khâpa hmo ma na tao aw?

HMOTAOPAZY 4:7

Pity nata Zawhâna cha a liah liata paduasa ei ta, “Khâpa hmotaotheina ta ma, ahy moh ta ma, hezy he nama tao?” tahpa ta hiahri ei ta.

HMOTAOPAZY 5:28

“He moh heta pachu lei awpa bie cha pie ha pi ta, pachâ teh u, nama bie pachupa ta Zerusale nama pabie khai ha hih. He chyhsa thisaih maoh he eima chô liata patlôsa namâ chhuahpa a châ hih,” tah ta.