ZAWHÂNA 2:11 - Mara Bible RV (BSI)

¹¹ Zisu ta hmonoâhpa a tao tua chaipa cha, Kâlili râh Kena khih liata tao ta, a rônahzie palâsa ta, chatanachata a pachupazy ta ano cha a ngiapâ ha ei ta.

ZAWHÂNA 2:11 ပူးပေါင်းရင်းမြစ်များ

1 ABEIZY 17:24

Chanô ta Elaizâh hnohta, “Tahmâ la Khazohpa chyhsa châ chi ta, na pakah liata Abeipa bie cha biehmeiseihpa a châ tahpa ei pahno haw,” tah ta.

HLAZY 72:19

A moh rônahpa cha chhâzaw ta reithaipa ta y sala, Leilô zydua he a rônahna ta bie mawh sy! Amen! Amen!

HLAZY 96:3

Râhzy liata a rônahzie phuah u la, Phopi zydua hnohta a hmotao noâhpazy phuah teh u!

PUASAINA 14:31

Abeipa ta Izi mo chô liata hmotaotheina rônah ngaitapa a hmâpa cha Izarei sawzy ta hmô ei ta, chavâta Izarei phopi ta Abeipa cha chi ngaita ei ta, chatanachata Abeipa nata a chakaotuhpa Mawsi cha a ngiapâ ha ei ta.

PUASAINA 4:9

Ngiana mianopazy he zo leipa ei sala, na bie ama nathlie vei khiahta cha, Nile chavah ti za la aw chi ta, alei hipa liata bao aw chi ta, chavah tawhta ti na za lapa cha alei hipa liata thisaih lâta â vaw lie aw,” tah ta.

BIECHHOTUHPA 9:7

Khazohpa ta na hmo taopazy a pyh ha ta, chavâta sie la, a lypa ta na viahchhâ nie la, palôh tlâhpa ta na kresawhti doh mah y.

ISAI 40:5

Chatawhcha Abeipa rônahna a vaw luah aw ta, Chyhsa zydua ta â raohpa ta ama hmô aw, Abeipa pakah ta a reih haw.”

MALAKHAI 2:2

Nathlie leipa u la, nama pathipalôh liata a vao hra leipa sala, ei moh nama palyupalih leipa khiahta cha, nama chô liata chhiesana patlôsa aw na ta, nama byhnâzy cha chhiesana lâta ei palie aw. Hmeiseihta cha nama pathipalôh liata namâ vao leipa vâta, tahmâ tlai chhao heta chhiesana lâta ei palie haw,” Pheisaihzy Abeipa ta a tah.

ZAWHÂNA 1:14

Bie cha chyhsapa lâta a vaw lie ta, eima hry liata a pahrâ. A rônahna, a Paw Sawchapaw matlupa rônahna tlai cha hmô pi ta, ngiachhiena nata hmeiseihna ta a biepa a châ.

ZAWHÂNA 1:17

Ryhpa cha Mawsi hmâpa ta piepa châ ta, ngiachhiena nata hmeiseihna deikua cha, Krista zawhzi ta a vaw ypa a châ.

ZAWHÂNA 1:43

A mylâ ta Zisu cha Kâlili râh lâ sie a chhuah ta. Phili hmô ta, a hnohta, “Na zi teh,” tah ta.

ZAWHÂNA 1:50

Zisu ta a hnohta, “‘Theiku kô ry liata ei cha hmô’ ei cha tahpa vâta nâ ngiapâpa na châ ma? Chazy hlâta hmo rônah viapa na hmô aw,” tah ta.

ZAWHÂNA 10:41

Chyhsa hluhpi ano lâ a vy ei ta, a hnohta, “Zawhâna khata hmonoâhpa tao leipa ta, châhrasala Zawhâna ta he chyhsa thâtih a reipa zydua deikua cha â do khai,” tah ei ta.

ZAWHÂNA 11:15

Nâmo châta, namâ ngiapâ thei nawpa ta, cha liata ei y leipa cha ei ly kaw. Ano lâ vawh ei suh u,” tah ta.

ZAWHÂNA 11:47

Theihthai beizy nata Phârisaihzy ta ryureituhpazy awpakhy ei ta, “Kheihta eima tao aw? He chyhsa heta hmonoâhpa hluhpi tao tlôh ta.

ZAWHÂNA 12:18

Hmonoâhpa a taopa thâtih ama theipa vâta, zawpizy ta ano cha ama kei dypa a châ.

ZAWHÂNA 12:37

Ama hmiakô liata hmonoâhpa hluhpi a taopa chhao ta, Zu chyhsazy ta ano cha a ngiapâ pyly veih ei.

ZAWHÂNA 12:41

A rônahzie hmô ta, a thâtih a chhopa vâta, cha biezy cha Isai ta a reipa a châ.

ZAWHÂNA 14:13

Paw cha Sawchapawpa liata parônahsapa ta a y thei nawpa ta, ei moh ta nama hiapa maih ei tao lymâ aw.

ZAWHÂNA 16:27

Ei kyh na pachâ ei chi ta, Paw tawhta a zupa ei châpa namâ ngiapâpa vâta, Paw ta kyh a cha pachâ ei.

ZAWHÂNA 16:30

Ato pahno chi ta, chyhsa ta ama cha hiahri awpa byuh vei, tahpa tahmâ eima pahno haw. Cha vâna chata Khazohpa tawhta a zupa na châ tahpa eimâ ngiapâpa a châ,” tah ei ta.

ZAWHÂNA 2:1

A noh thôhna noh ta Kâlili râh Kena khih liata ahneina y ta, cha liata Zisu nô chhao a hlao hra ta.

ZAWHÂNA 2:23

Zawpakhô kyhchhi nota Zerusale liata y ta, hmonoâhpa a taopazy ama hmô nahta, chyhsa hluhpi ta a ngiapâ ei ta.

ZAWHÂNA 3:2

Cha chyhsa cha zâ ta Zisu lâ a vy ta, a hnohta, “Râbai, Khazohpa tawhta pachutuhpa â vypa na châ tahpa eima pahno. Khazohpa a chô liata a y leipa khiahta la, he hmonoâhpa na taopa hawhpazy he ahy hmahta tao thei aw veih ei,” tah ta.

ZAWHÂNA 4:3

Chatanachata Zudia râh puasai ta, Kâlili râh lâ kua ha ta.

ZAWHÂNA 4:46

Kâlili râh liata Kena khih, ti kresawhti lâta a pachâsana khih lâ a vaw lie ta. Kâpynia khih liata molaipa sawchapawpa cha pasa ta.

ZAWHÂNA 4:54

Cha cha Zisu ta Zudia râh tawhta Kâlili râh lâ â vy nota hmo noâhpa a taopa a ei nona a châ.

ZAWHÂNA 5:23

Chatanachata chyhsa zydua ta Paw ama zapa hawhta, Sawchapawpa chhao ama za hra aw. Ahy rai Sawchapawpa a za leipa cha, ano tuahtuhpa Paw a za leipa a châ.

ZAWHÂNA 6:14

Zawpizy ta hmonoâhpa a taopa ama hmô nahta, “He chyhsa he khizaw lâ a vy awpa Hrohsopa a châ tlai hih!” tah ei ta.

ZAWHÂNA 6:2

Tlâhleipazy chô liata hmonoâhpa a taopazy ama hmôpa vâta, zawpi hluhpi ta ano cha zi ei ta.

ZAWHÂNA 6:26

Zisu ta âmo cha a chhy ta, “Hmeiseihta ta, hmeiseihta ta ei cha chho ei, hmonoâhpazy nama hmôpa vâta nâ tluapa châ leipa ei chi ta, viahchhâ nie ei chi ta, nama py biepa vâta nâ tluapa tlao nama châ.

ZAWHÂNA 6:30

Âmo ta a hnohta, “Hmô sih la eima cha zo thei nawpa ta, khâpa ngiana ma na tao aw? Khâpa hmo ma na tao aw?

ZAWHÂNA 7:31

Chatanachôta zawpi hluhpi ta Zisu cha a ngiapâ ei ta, “Mesia cha a vaw tlôpa rai châ sala, he chyhsa taopa hlâta hmonoâhpa hluh via a tao aw ma?” tah ei ta.

ZAWHÂNA 9:16

Phârisaih thokha ta, “Cha chyhsa cha Pahânoh a chay leipa vâta, Khazohpa tawhtapa châ vei,” tah ei ta. Châhrasala thokha ta, “Moleipa ta kheihta ma cha hawhpa hmonoâhpa cha a tao thei aw?” tah ei ta. Ama hry liata achhaihna vaw y ta.

2 KAWRINI 3:18

Chatanachata keimo hmia khu leipa ta a ypa zydua pi heta Abeipa rônahna cha palâsa pi ta, rônahna tawhta rônah via rilipa ta, Abeipa rônahna lyuna lâta pananopa ta eima y lymâ. Cha cha Abeipa tawhta eima hmôpa châ ta, Abeipa cha Thlahpa a châ.

2 KAWRINI 4:17

Bohpi leipa chhôh riethei chyhta eima taopa nata pakho thei rimâ lei awpa chhâzaw rônahna eima to awpa châta miah a pachhuahpanohpa a châ.

2 KAWRINI 4:6

“Zohna tawhta khaihna vaw khaih mawh sy,” a tahtuhpa Khazohpa ta, Khazohpa rônahna pahnona khaihna cha miah pie awpa ta, Zisu Krista hmia liata eima palôh a pakhaihsa haw.

RYHPACHANEINA 5:24

‘Abeipa eima Khazohpa ta a rônahzie nata a zachhihzie miah pahmôsa ta, mei hry tawhta a ao eima thei. Khazohpa ta chyhsapa bie a chho ta, a hroh thlâh hapa tanoh eima hmô haw.

1 ZAWHÂNA 5:13

Chhâzaw hrona nama hnei tahpa nama pahno thei nawpa ta, nâmo, Khazohpa Sawchapawpa moh a ngiapâtuhpazy hnohta, he biezy he ei roh.