ZAWHÂNA 2:10 - Mara Bible RV (BSI)

¹⁰ a hnohta, “Chyhsa to ta kresawhti phapa rai tua tyh ei ta, a hluh via ta ama doh khai tawhta a pha lei viapa ama rai tyh. Nâ deikua cha tahmâ taihta kresawhti phapa nâ khai thlâh hapa he,” tah ta.

ZAWHÂNA 2:10 ပူးပေါင်းရင်းမြစ်များ

ÂTHAONA 43:34

Ama nie vyuhzy cha Zawsi tlâhkhai tawhta rai ei ta, Benzami vyuh cha mohropazy vyuh hlâta a lie pangawh ta a hluh via. Chatanachata niepa ta doh ei ta, Zawsi hnohta a ly ngaitapa ta y ei ta.

HLAZY 104:15

Chyhsa palôh palysa nawpa ta kresawhti papua chi ta, A hmia patliena châta sathaw papuapa ta, Chyhsa palôh thapatlô nawpa ta viahchhâ na papua.

HLAZY HLA 5:1

Ei sadô, ei sietanô, ei myuh lâ cha a ngia na ta, Ei deiryh nata ropahâhpa lapakhypa ta, Ei kheihti nata ei kheihthlawh nie na ta, Ei sâhpiti nata ei kresawhti cha ei doh. Hy viasazy, niepa ta, doh u la, Kyhpachâna paripa ta y muh vy!

MATHAI 24:49

a chakaolâhpazy tu sala, sahma paripazy hnohta niedopa ta a y khiahta cha,

LUKA 12:45

Chakaotuhpa ta a palôh liata, ‘Ei zibeipa charâ ta a vy bao aw vei,’ tahpa ta, chakaotuhpa hropazy cha a chanô chapaw ta tu sala, niedopa ta a pari khiahta deikua cha,

LUKA 16:25

Châhrasala Abarahâ ta, ‘Ei saw y, nâ cha na hro chhôh ta hmo phapa to chi ta, Lâzarâh deikua cha hmo chhiepa a topa kha pahno châh chi. Châhrasala tahmâ ano cha he liata thlahpalôhpa ta y ta, nâ cha pasa na tao kha zaw.

HMOTAOPAZY 2:15

He sahlao he nama pangiasapa hawhta pari veih ei, my dawh chaki deita a châ chy hih.

1 KAWRINI 11:21

Nama nie nahta, chyhsa to nâmo pati chyu nama nie tyh. Chavâta pakha a nodi ta, pakha a pari.

EPHESI 5:18

Kresawhti paripa ta y khah u, parina liata a sohsi leina y tlôh ta, Thlahpa ta biepa ta tlao y teh u.

1 THYSALAWNIKA 5:7

A môpazy cha zâ ta a mô tyh ei ta, sahma paripazy chhao zâ ta ama pari tyh.

BIEPHUAH 17:2

Ano cha lei beizy ta amâ pheikheipa châ ta, a sihryhna kresawhti ta lei chyhsazy a parisapa a châ,” tah ta.

BIEPHUAH 17:6

Cha chanô cha mopathaihpazy thisaih nata Zisu mâtyzy thisaih a paripa ta hmô na ta. Ei hmô nahta, ei noâh ngaita ta.