ZAWHÂNA 19:6 - Mara Bible RV (BSI)

⁶ Theihthai beizy nata hyutuhpazy ta Zisu ama hmôpa nahta, “Khaipâ teh, Khaipâ teh!” tahpa ta awh ei ta. Pilâ ta ama hnohta, “Nâmo ta a chhi u la, khaipâ teh u, kei la thailei a châna khâpa hmah hmô va na,” tah ta.

ZAWHÂNA 19:6 ပူးပေါင်းရင်းမြစ်များ

MATHAI 26:58

Pity cha â hla kawpa ta Zisu cha pazi ta, theihthai beichaipa tlyhmia tlôna taih pazi ta. Achhâna pahno awpa ta a chhôh lâ a kei ngia ta, vaituhpazy hry liata a tyuh ta.

MATHAI 27:22

Pilâ ta ama hnohta, “Cha khiahta la, Krista ama tahpa Zisu he zaw, kheihta ei tao aw?” tah ta. Ama zydua ta, “Khaipâ teh,” tah ei ta.

MATHAI 27:24

Pilâ ta khâpa hmahta tao thei leipa ta, tlao â tymâ via rilipa a hmô nahta, ti la ta, zawpi hmiakô liata a ku a si ta, “He chyhsa siapa thisaih liana heta ei pathaih na, nâmo tao ta tao teh u,” tah ta.

LUKA 23:4

Pilâ ta theihthai beizy nata zawpizy hnohta, “He chyhsa chô liana heta thailei pachâsa nawpa khâpa hmah hmô va na,” tah ta.

ZAWHÂNA 18:3

Chatanachata Zudâh cha theihthai beizy nata Phârisaihzy tawhta pheisaih sahlao nata hyutuhpazy a chhi ta, meiôhzy, meireizy, chaihraizy chabapa ta, cha su lâ cha vawh ei ta.

ZAWHÂNA 18:31

Pilâ ta ama hnohta, “Nâmo ta a chhi u la, nama ryhpa hawhta a thâtih pachia teh u,” tah ta. Zuzy ta a hnohta, “Chyhsa thie theina biehneina hnei ma pi,” tah ei ta.

ZAWHÂNA 18:38

Pilâ ta a hnohta, “Bie hmeiseihpa cha khâpa maw?” tah ta. Cha bie cha Pilâ ta a rei khai nahta, Zuzy lâta pua heih ta, ama hnohta, “Khâpa hmah a moleina hmô va na.

ZAWHÂNA 19:15

Âmo ta, “Pahleipadia teh, pahleipadia teh, khaipâ teh!” tahpa ta awh ei ta. Pilâ ta ama hnohta, “Nama Beipa he ei khaipâ aw ma?” tah ta. Theihthai beizy ta a chhy ei ta, “Kaisarâ leipa ta bei hropa hnei ma pi,” tah ei ta.

ZAWHÂNA 19:4

Pilâ cha pua heih ta, ama hnohta “Moh teh u, khâpa hmah a thaileichâna hmô va na tahpa nama pahno nawpa ta, nâmo lâ ei vaw chhi hih,” tah ta.

HMOTAOPAZY 2:23

Kha Zisu kha Khazohpa pachhuahpanohpa nata pahno chhieliepa hawhta, nâmo ta patusa ei chi ta, moleipazy ku ta khaipâ ei chi ta, nama thie hapa a châ.

HMOTAOPAZY 7:52

Châ pathlatuhpazy ta ama taola leipa hrohsopa a y ma? Chyhsa Siapa a vy nawpa kyh a phuah chhieliepazy thiepa ta, cha Chyhsa Siapa a patusatuhpa nata a thietuhpazy cha nâmo he châ ei chi ta,