ZAWHÂNA 19:39 - Mara Bible RV (BSI)

³⁹ Zâ ta Zisu lâ a vypa Nikadima chhao khata, myrâ nata alôs pahlaopa ropahâhpa saikhua kha a cheipa ta vawh hra ta.

ZAWHÂNA 19:39 ပူးပေါင်းရင်းမြစ်များ

ÂTHAONA 50:2

Zawsi ta a chakaotuhpa dawhtyzy hnohta a paw ri cha thu thei leipa ta tao awpa ta biepie ta. Dawhtyzy ta Izarei ri cha thu thei leipa ta tao ei ta.

2 THÂTIHZYRONA 16:14

Dâvi khihpi liata ano châta thlâ â taopa liata pabu ei ta. Ropahâhpa taotuhpazy ta ia-ô chi to tawhta ama taopa ropahâhpa to ta a biepa rakhô liata pazia ei ta, ano palyupalihna châta mei thata patih ei ta.

HLAZY 45:8

Na chysiazy cha ropahâhpa ta biepa ta, Deiryh, lilipaw nata lôiasoh rohzy ta bie ta, Sianaoh abei ozy tawhta Pyungiapa chhaichhi ri chhaopazy ta a cha palysa tyh.

BIESOZY 7:17

Deiryh ropahâhpa ta ei rakhô roh pahâhsa na ta, Lilipaw nata lôiasoh ropahâhpazy ei hry haw.

HLAZY HLA 1:13

Ei lôhdupaw cha kei châta, Ei sâhpizy likawh liata a hniehpa deiryh byh a châ.

HLAZY HLA 4:14

Spinâ nata iahsamai zy y ta, Basuh ropahâhpa nata lôiasoh zy a y. Ropahâhpa tho to y ta, Deiryh nata lilipaw chhao a y; Ropahâhpa chi to yna sadô a châ.

HLAZY HLA 4:6

Noh vaw nai ta, Nohawh tlâh a khô hlâlei cha, Deiryh tlâhpi lâ a chhei aw na ta, Ropahâhpa tlâhthlôh lâ ei chhei aw.

MATHAI 12:20

Lohthi tliepa-ipa thlie lao leipa aw ta, Meiôh thi daihmâpa pachhai lao aw vei; Ryureina dopa pahniena a patosa hlâlei cha,

MATHAI 19:30

Châhrasala hmiatuapa hluhpizy cha hnôhchaipa châ aw ei ta, hnôhchaipazy cha hmiatuapa ama châ aw.

MATHAI 2:11

O chhôh lâ a ngia ei ta, hawsaih cha a nô Mâri hnohta hmô ei ta, a bôhpa ta a naoh ei ta. Ama ryubyhzy pahy ei ta, hmosaipa ngôh, deiryh nata myrâ zy pie ei ta.

MÂKA 16:1

Pahânoh a chhâ nahta, Mâri Mâdali, Zâmie nô Mâri nata Salawmi zy cha, Zisu sathawthu awpa ta ropahâhpa chalei ei ta.

ZAWHÂNA 12:3

Mâri ta spinâ thaw ropahâh ngaitapa ôh kha vaw cheih ta, Zisu phei liata thu ta, a sâ ta a pheizy cha hru ta. O cha sathaw ropahâhpa ta bie khai ha ta.

ZAWHÂNA 12:7

Zisu ta, “Pakhâ khah u, he ropahâhpa he pabupa ta ei y nawpa noh châta â vaw pasopa a châ.