ZAWHÂNA 19:35 - Mara Bible RV (BSI)

³⁵ Cha hmo cha, mo ta a hmôtuhpa cheingei ta a reipa a châ. A hmo pahnopa cha a do ta, biedopa a reihpa a châ tahpa chhao ano liata â pahno. Cha bie cha nâmo chhao ta namâ ngiapâ thei nawpa ta reipa a châ.

ZAWHÂNA 19:35 ပူးပေါင်းရင်းမြစ်များ

ZAWHÂNA 11:15

Nâmo châta, namâ ngiapâ thei nawpa ta, cha liata ei y leipa cha ei ly kaw. Ano lâ vawh ei suh u,” tah ta.

ZAWHÂNA 11:42

Ei bie khâ na nathlie tyh tahpa ei pahno. Châhrasala he liata zawpi a duahpazy heta, na tuapa ei châpa ama pahno thei nawpa ta, he bie he ei reipa a châ,” tah ta.

ZAWHÂNA 14:29

Cha hmo a vaw tlô tita nama zo nawpa ta, a vaw tlô hlâta tahmâ ei cha chho ei.

ZAWHÂNA 15:27

Nâmo chhao, âthaona tawhta ei hnohta a ypa nama châpa vâta, nâ pahnokheituhpa nama châ aw.

ZAWHÂNA 19:26

Zisu ta a nô nata pachupa kyh a pachâpa a kiapâh liata amâ duapa a hmô nahta, a nô hnohta, “Ei nô, moh teh, na sawchapawpa khawh!” tah ta.

ZAWHÂNA 20:31

Zisu cha Mesia, Khazohpa Sawchapawpa châ ta, ngiapâna vâta ano moh ta hrona nama hnei thei nawpa ta, he châbu he ropa a châ.

ZAWHÂNA 21:24

Cha pachupa cha, he biezy a pahnotuhpa nata a rohtuhpa he a châ. A bie pahnopa cha biedopa a châ tahpa eima pahno.

HMOTAOPAZY 10:39

Keimo he Zu khitawzy liata nata Zerusale khihpi liata Zisu hmotaopa zydua a pahnotuhpa eima châ. Ano cha tho liata pangiehpa ta thie ei ta.

RAWMA 15:4

Hlâno ta bie ropa zydua kha eimâ chu hra awpa ta ropa a châ. Chatanachata Biehrai bie hawhta tiamana nata thatlôna hneipa ta hnabeiseihna eima hnei thei aw.

1 PITY 5:1

Nama hry liata Awnanopa chhituhpazy kha, kei, nama chhituh heihpa, Krista pasa taonazy a pahnotuhpa nata rônahna a vaw luah awpa a to hra awpa heta ei cha pasyu ei.

1 ZAWHÂNA 5:13

Chhâzaw hrona nama hnei tahpa nama pahno thei nawpa ta, nâmo, Khazohpa Sawchapawpa moh a ngiapâtuhpazy hnohta, he biezy he ei roh.

3 ZAWHÂNA 1:12

Demetia cha chyhsa to palyupalihna hlao ta, biehmeiseihpa chhao ta a palyupalih. Keimo chhao ta palyupalih pi ta, keimo palyupalihna cha â do tahpa na pahno.