ZAWHÂNA 19:31 - Mara Bible RV (BSI)

³¹ Pachynoh châ ta, rizy cha Pahânoh ta kraws liata y thlâh awpa a châ leipa vâta, cha Pahânoh cha noh rônahpa châ tlôh ta, Zuzy ta Pilâ hnohta ama pheizy thliepa ta, ama ri cha la ha awpa ta a haw ei ta.

ZAWHÂNA 19:31 ပူးပေါင်းရင်းမြစ်များ

PUASAINA 12:16

Noh khana noh ta pakhypi pathaihpa hmâh aw ei chi ta, a noh sarina noh ta pakhypi pathaihpa a y heih aw. Chyhsa to nie awpa châta nama hriapa dei leipa cha, cha daihti chhôh cha khâpa rai hmah nama hria awpa châ vei.

BIESOZY 12:10

Mosiapa cha a sahroh hrona pachâ peimawh ta, Moleipa zawngiahna deikua cha nôchhiena a châ.

MIKÂ 3:3

Nâmo, ei phopi sa nie ei chi ta, Ama vo pahluh ta ama ruzy thliepachhôpa ta, Beih liata chho awpa sa hawhta, Sa chhona beih liata sa hawh tlai ta Ei phopi a pachhaih khaipazy saih u, Adona cha nama pahno awpa châ vei ma?

MATHAI 27:62

A mylâ ta, cha cha Pachynoh mylâ châ ta, theihthai beizy nata Phârisaihzy Pilâ hmiakô liata a hmaohpakhy ei ta,

MÂKA 15:42

Zâlâ a vaw châ nahta, Pachyh noh a châpa vâta, cha cha Pahânoh a pazipa noh châ ta,

ZAWHÂNA 19:1

Pilâ ta Zisu cha a chhi ta, pachheisa ta.

ZAWHÂNA 19:14

Cha noh cha Zawpakhô kyhchhi Pachynoh châ ta, nohchhô dawh kha rachhôh a châ. Pilâ ta Zuzy hnohta, “Moh teh u, nama Beipa hih!” tah ta.

ZAWHÂNA 19:42

Zuzy Pachynoh châ ta, a kiapâh liata thlâ a ypa vâta, cha liata Zisu cha pabu ei ta.

ZAWSUA 8:29

Ai khih bei cha zâlâ taih thokô liata pangieh ta, noh a tla nahta Zawsua ta biepie ta, a ri cha thokô tawhta la ei ta, khihpi angiana thokhy chhikao liata thy ei ta, a chô liata alô hluhpi pacho thlu ei ta, cha cha tanoh taihta a y thlâh haw.