ZAWHÂNA 19:20 - Mara Bible RV (BSI)

²⁰ Zisu khaipâna su cha khihpi kiapâh châ ta, châropa cha Hebrai reih, Rawma reih nata Krikâh reihzy ta ropa a châpa vâta, Zu chyhsa hluhpi ta reih thei ei ta.

ZAWHÂNA 19:20 ပူးပေါင်းရင်းမြစ်များ

LUKA 23:38

A luh chô liata Krikâh reih, Rawma reih nata Hebrai reihzy ta, “He he Zuzy Beipa a châ,” tahpa ta tawh ei ta.

ZAWHÂNA 19:13

Cha biezy cha Pilâ ta a thei nahta, Zisu cha a chhi ta. Pilâ cha Lô Daosâh, Hebrai reih ta Kâbathâ ama tahpa, ryureina dyuchhai liata a tyuh ta.

ZAWHÂNA 19:42

Zuzy Pachynoh châ ta, a kiapâh liata thlâ a ypa vâta, cha liata Zisu cha pabu ei ta.

ZAWHÂNA 5:2

Zerusale liata Mietaku Ochhi kiapâh liata tipo y ta, cha cha Hebrai reih ta Bethesdâ tah ei ta, okah miapangawh a hneipa a châ.

HMOTAOPAZY 21:37

Pheisaih su ama tlô chy ta, Pawla ta pheisaih hyutuhpa hnohta, “Na hnohta bie kawh kha ei reih thei aw ma?” tah ta. Ano ta, “Krikâh reih na thai ma?

HMOTAOPAZY 21:40

A paryhsa nahta, Pawla cha kahmi liata a duah ta, zawpi a chalih awpa ta a ku ta thliethlâ ta, amâ chalihpa nahta, Hebrai reih ta ama hnohta bie reih ta.

HMOTAOPAZY 22:2

Hebrai reih ta ama hnohta bie a reipa ama thei nahta, a chalih via pachai ei ta.

HMOTAOPAZY 26:14

Eima zydua ta alei liata pao pi ta, Hebrai reih ta, ‘Sawla, Sawla, khazia eina taola chi? Chôchahrei pazaopa chapiepa cha na châta a pasa kaw mâh tâh,’ eina tahpa ao thei na ta.

HEBRAI 13:12

Cha hawhna chata Zisu chhao ta ano thisaih tlai ta chyhsazy a pathaisa thei nawpa ta, khihpi thokhy khôtho liata pasa a vaw tao.

BIEPHUAH 16:16

Chatanachata ahripa thlahpazy ta khizaw bei zydua cha Hebrai reih ta Harmakedaw ama tahpa su liata awpakhy ei ta.

BIEPHUAH 9:11

Leichiepa khaohtlô vâlyuhchâpa cha ama bei ta hnei ei ta, a moh cha Hebrai reih ta Abadô châ ta, Krikâh reih ta Apôliô a châ.