ZAWHÂNA 19:19 - Mara Bible RV (BSI)

¹⁹ Pilâ ta châ roh ta, kraws pawhmao liata tawh ta, châ tawpa cha, “Nâzari Zisu, Zuzy Beipa,” tahpa ta ropa a châ.

ZAWHÂNA 19:19 ပူးပေါင်းရင်းမြစ်များ

MATHAI 2:23

Khihpi miakha, Nâzari ama tahpa lâ sie ta, cha liata kei pahrâ ta. Cha hmo cha, “Ano cha Nâzari chyhsa ama tah aw,” tahpa ta hrohsopazy pakah ta ama reipa kha a vaw tlô thei nawpa ta a châ.

MATHAI 27:37

A luh chô liata ano leihna, “He he Zisu, Zuzy Beipa a châ,” tahpa ta ropa bai ei ta.

MÂKA 15:26

Ano leihna bie a luh chô liata ama tawpa cha, “Zuzy Beipa,” tahpa a châ.

LUKA 18:37

Chyhsazy ta, “Nâzari Zisu a vaw sie hai,” tah ei ta.

LUKA 23:38

A luh chô liata Krikâh reih, Rawma reih nata Hebrai reihzy ta, “He he Zuzy Beipa a châ,” tahpa ta tawh ei ta.

ZAWHÂNA 1:49

Nâthaniah ta a chhy ta, “Râbai, Khazohpa Sawchapawpa na châ! Izarei Beipa na châ!” tah ta.

ZAWHÂNA 18:33

Pilâ cha a o lâ a ngia heih ta, Zisu cha aw ta, a hnohta, “Zuzy Beipa na châ ma?” tah ta.

ZAWHÂNA 19:12

Cha khai tawhta, Pilâ ta Zisu cha pathlie a chhuah ta. Châhrasala Zuzy ta, “He chyhsa he na pathlie khiahta la, Kaisarâ viasa châ va chi. Âmosasyh ta bei ta â taopa maih Kaisarâ amâ dyuh tyh,” tah ei ta.

ZAWHÂNA 19:14

Cha noh cha Zawpakhô kyhchhi Pachynoh châ ta, nohchhô dawh kha rachhôh a châ. Pilâ ta Zuzy hnohta, “Moh teh u, nama Beipa hih!” tah ta.

ZAWHÂNA 19:21

Zu theihthai beizy ta Pilâ hnohta, “‘Zuzy Beipa,’ tahpa ta roh leipa la, ‘He chyhsa heta Zuzy Beipa ei châ â tah,’ tahpa ta roh teh,” tah ei ta.

ZAWHÂNA 19:3

A kiapâh lâ a vy ei ta, “Zuzy Beipa, eimâ châ naoh na!” tah ei ta, chabaih ei ta.

HMOTAOPAZY 26:9

“Kei chhao he Nâzari Zisu moh chakhiapa ta hmo hluhpi tao awpa pha a tahpa ei vaw châ hra.

HMOTAOPAZY 3:6

Pity ta, “Tâkâ nata ngôh hnei va na, châhrasala ei hnei chhôhpa ei cha pie aw. Nâzari Zisu Krista moh ta thyu la, na phei ta sie teh,” tah ta.