ZAWHÂNA 19:15 - Mara Bible RV (BSI)

¹⁵ Âmo ta, “Pahleipadia teh, pahleipadia teh, khaipâ teh!” tahpa ta awh ei ta. Pilâ ta ama hnohta, “Nama Beipa he ei khaipâ aw ma?” tah ta. Theihthai beizy ta a chhy ei ta, “Kaisarâ leipa ta bei hropa hnei ma pi,” tah ei ta.

ZAWHÂNA 19:15 ပူးပေါင်းရင်းမြစ်များ

ÂTHAONA 49:10

Ryureina chôchahrei ta Zudâh puasai leipa aw ta, Ryureituhpa chôchahrei a pheizy likawh tawhta pua aw vei. Reithaina a hnohta vaw tlô aw ta, Phopizy ta a bie ama zyh aw.

MATHAI 22:17

Kheihta na pachâ, miah chho teh, Kaisarâ lâ chhie piepa he ryhpa ta a pasaih ma, pasaih vei?” tah ei ta.

LUKA 23:18

Châhrasala â raoh ngaitapa ta awh ei ta. “Kha chyhsa kha pahleipadia la, Bârabâ kha miah papuapa teh,” tah ei ta.

ZAWHÂNA 18:31

Pilâ ta ama hnohta, “Nâmo ta a chhi u la, nama ryhpa hawhta a thâtih pachia teh u,” tah ta. Zuzy ta a hnohta, “Chyhsa thie theina biehneina hnei ma pi,” tah ei ta.

ZAWHÂNA 19:6

Theihthai beizy nata hyutuhpazy ta Zisu ama hmôpa nahta, “Khaipâ teh, Khaipâ teh!” tahpa ta awh ei ta. Pilâ ta ama hnohta, “Nâmo ta a chhi u la, khaipâ teh u, kei la thailei a châna khâpa hmah hmô va na,” tah ta.

HMOTAOPAZY 13:28

Thina tlâh a châpa thaileichâna ano liata ama hmô leipa chhao ta, thie awpa ta Pilâ liata a haw ei ta.

HMOTAOPAZY 21:36

Zawpi a pazipazy ta, “Pahleipadia teh” tahpa ta awh ei ta.

HMOTAOPAZY 22:22

Bie a rei khaina taihta nathlie ei ta. Chatawhcha ao paro ngaitapa ta, “He hawhpa chyhsa he leilô tawhta pahleipadia teh u! A hroh tlâh châ vei,” tah ei ta.