ZAWHÂNA 19:11 - Mara Bible RV (BSI)

¹¹ Zisu ta a chhy ta, “Chô lâ tawhta biehneina piepa na châ vei khiahta la, ei chô liata khâpa biehneina hmah hnei va chi. Chavâta nâ lâta nâ vaw hlâtuhpa moleina he a lai via,” tah ta.

ZAWHÂNA 19:11 ပူးပေါင်းရင်းမြစ်များ

1 THÂTIHZYRONA 29:11

Hy Abeipa y, rônahna zy, hmotaotheina zy, palyupalihna zy, pahniena zy, abeina zy na eih châ ta, avâzy nata alei liata a ypa zydua chhao na eih a châ. Hy Abeipa, khinarâh cha na eih châ ta, ato chô lâta a to luh châta cheihchalopa na châ.

HLAZY 39:9

Nâma hmotaopa a châpa vâta, Reih pathlie leipa ta y na ta, Pakah â leipa ta ei chalih.

HLAZY 62:11

Khazohpa ta ei kha reih ha ta, He he ei no ei theina a châ: Hmotaotheina cha Khazohpa eih châ ta,

CHAPHÔHTUNA 3:37

Abeipa ta bie a pie leipa khiahta cha, Ahy ma a bie reipa a patlôsa thei tly?

DÂNIAH 4:17

He pachiana bie he vaituhpazy biepiepa ta taopa châ ta, biepathlupa he mo pathaihpazy bie ta taopa a châ. Chônôchaipa cha chyhsazy khinarâh chô liata ryu a reihpa châ ta, a pie khohpa hnohta khinarâh pie ta, chyhsa nawh chaipazy chhao a pabeisa thei ei tahpa chyhsazy ta ama pahno thei nawpa ta,’ tah ta.

DÂNIAH 4:25

Chyhsa hry tawhtapa papuapa ta y aw chi ta, na pahrâna cha râhsazy hry liata a châ aw. Viahchao hawhta sibiepa pabâsapa châ aw chi ta, avâ diati ta padâpa na châ aw. Chônôchaipa ta chyhsa khinarâhzy chô liata ryureih ta, a pie khohpa hnohta khinarâh a pie tyh, tahpa na pahno hlâlei cha na châta daihti mia sari a khô aw.

DÂNIAH 4:32

Chyhsazy hry tawhtapa papuapa ta y aw chi ta, na pahrâna cha râhsazy hry ta a châ aw. Viahchao hawhta sibiepa pabâsapa châ aw chi ta, na châta daihti mia sari a khô aw, Chônôchaipa ta chyhsazy khinarâh chô liata ryureih ta, a pie khohpa hnohta khinarâh cha a pie tyh, tahpa na pahno hlâlei cha,” tahpa ta.

DÂNIAH 4:35

Lei chyhsa zydua cha, Hraoleipa ta pachâpa châ ei ta; A khozie hawhta vâmozy hry liata tao ta, Lei chyhsazy hry liata chhao a tao tyh; A ku a chalihsa theipa y leipa ei ta, “Khâpa hmo ma na tao haw?” A tah theipa y hra veih ei.

DÂNIAH 5:21

Khazohpa Chônôchaipa ta chyhsazy khinarâh chô liata ryureih ta, a khopa maih khinarâh chô liata a pabeisa tyh tahpa a pahno hlâlei cha, chyhsazy hry tawhtapa papuapa ta y ta, râhsa palôh paphaosapa châ ta, râh alâzy hry liata pahrâ ta, viahchaozy hawhta sibiepa pabâsapa châ ta, a pôhpa avâ diati ta padâpa ta a y.

MATHAI 26:65

Cha khaipa nahta, theihthai beichaipa cha a poh hrie ta, “Khazohpa a reipachhie he zaw. Pahnokheituhpa hropa khazia eimâ ngiah khao aw? Pachâ teh u, tahmâ tlai kha Khazohpa a reipachhiena nama thei khai ha khaw.

MATHAI 27:2

Zisu cha chahrypa ta a chhi ei ta, râhvaotuhpa Pilâ lâ hlâ ei ta.

MATHAI 6:13

Reipasaona lâta miah a chhi khah y, Moleipa tawhta miah pachha mah y. Khinarâh zy, hmotaotheina zy, rônahna zy, Chhâzaw nata tlyzaw ta na eih châ tlôh ta. Amen.’

MÂKA 14:44

A patusatuhpa ta, “Ei pahnâpa cha nama patu khohpa cha a châ aw. Patu u la, a phapa ta vaihpa ta a chhi muh vy,” tahpa ta ama hnohta ngiana vaw pie chhielie ha ta.

LUKA 22:53

Achhyna o liata nama hnohta noh chareih y na ta, na hria tlôh ei chi va. Châhrasala tahmâ he nâmo daihti châ ta, zohna biehneina daihti a châ,” tah ta.

ZAWHÂNA 18:13

Cha kô liata theihthai beichaipa Kaiphâ puhpa cha Anâ a châpa vâta, Zisu cha Anâ lâ a chhi tua ei ta.

ZAWHÂNA 18:3

Chatanachata Zudâh cha theihthai beizy nata Phârisaihzy tawhta pheisaih sahlao nata hyutuhpazy a chhi ta, meiôhzy, meireizy, chaihraizy chabapa ta, cha su lâ cha vawh ei ta.

ZAWHÂNA 19:10

Pilâ ta a hnohta, “Na chho aw va chi mâ? Châ pathlie theipa châ na ta, châ khaipâ theipa ei châ tahpa pahno va chi mâ?” tah ta.

ZAWHÂNA 3:27

Zawhâna ta a chhy ta, “Vârâh tawhta piepa a châ vei khiahta la, chyhsapa ta khâpa hmah hnei thei vei.

ZAWHÂNA 7:30

Chatanachata patu a chhuah ei ta, châhrasala a daihti a tlô mâh leipa vâta, ahy hmahta Zisu cha hria thei veih ei.

ZAWHÂNA 9:41

Zisu ta ama hnohta, “Mochaopa nama châ khiahta la, thaileichâna hnei aw veih ei chi. Châhrasala tahmâ cha, ‘Eima hmô thei,’ nama tahpa vâta, nama thaileichâna a y thlâh haw,” tah ta.

HMOTAOPAZY 2:23

Kha Zisu kha Khazohpa pachhuahpanohpa nata pahno chhieliepa hawhta, nâmo ta patusa ei chi ta, moleipazy ku ta khaipâ ei chi ta, nama thie hapa a châ.

HMOTAOPAZY 3:13

Abarahâ Khazohpa, Aisika Khazohpa nata Zakaw Khazohpa, miah pathlatuhpazy Khazohpa ta a chakaotuhpa Zisu a parônahsapa a châ hih. Ano cha patusa ei chi ta, Pilâ ta pathlie â chhuahpa chhao ta, Pilâ hmiakô liata namâ paphasai hapa kha a châ.

HMOTAOPAZY 4:28

Na ku nata nâ chhuahna ta hmo a vaw tlô awpa na rao chhieliepazy tao awpa ta amâ hmaohpakhypa a châ.

RAWMA 11:36

Ano tawhta, Ano vâta, Ano châta, Hmo to a ypa a châ. A hnohta chhâzaw ta rônahna y mawh sy! Amen.

RAWMA 13:1

Chyhsa to ta ama chô liata ryureituhpazy bie ama zyh awpa a châ. Khazohpa rao leipa ryureituhpa y veih ei. Ryureituhpazy cha Khazohpa raopa ama châ.

ZÂMIE 1:17

Hmosaipiepa phapa nata hmosaipiepa pakipa zydua cha chô lâ tawhta a zupa châ ta, khaihpazy Paw tawhta a zupa a châ. Ano liata ananona nata nohpahlipa y vei.

ZÂMIE 4:17

Chavâta ahy rai hmo pha tao awpa pahno thlâh ha ta, a tao tlôh leipa cha, ano châta moleina a châ.