ZAWHÂNA 18:40 - Mara Bible RV (BSI)

⁴⁰ Châhrasala ao paro ngaitapa ta awh heih ei ta, “Kha chyhsa kha papua leipa la, Bârabâ kha papua teh!” tah ei ta. Bârabâ cha hraotuhpa a châ.

ZAWHÂNA 18:40 ပူးပေါင်းရင်းမြစ်များ

MATHAI 26:55

Cha dawh liata Zisu ta zawpi hnohta, “Hraotuhpa patupa hawhta patu awpa ta ma, zaozi nata byuhthô ta einâ vyhnao ei chi? Achhyna o liata noh chareih bie pachupa ta a tyuh tyh na ta, na patu tlôh ei chi va.

MATHAI 27:16

Cha daihti liata, chyhsa molei ngaitapa pakha, Bârabâ ama tahpa a tâh hra ta.

MATHAI 27:26

Chatanachata Bârabâ cha papua ta, Zisu deikua cha a pachheisa khai tawhta, khaipâ awpa ta hlâ ha ta.

MÂKA 15:15

Pilâ ta zawpi palysa khohpa ta, Bârabâ cha papua ta, Zisu cha a chhei khai nahta, khaipâ awpa ta hlâ ha ta.

MÂKA 15:7

He daihti liata patâhna o liata chyhsa pakha, a moh Bârabâ ama tahpa y ta. Ano cha ryureina a dyuhpa ta liany a cheihpa vâta patâhpa a châ.

LUKA 23:25

Papua awpa ta amâ hawpa, sawhkhâ â dyuhpa vâta nata lianycheina vâta patâhna o liata ama khôpa cha papua ta, Zisu deikua cha, ama khozie hawhta tao awpa ta âmo lâ hlâ ta.