ZAWHÂNA 18:33 - Mara Bible RV (BSI)

³³ Pilâ cha a o lâ a ngia heih ta, Zisu cha aw ta, a hnohta, “Zuzy Beipa na châ ma?” tah ta.

ZAWHÂNA 18:33 ပူးပေါင်းရင်းမြစ်များ

ZEREMIAH 23:5

“Moh teh u, Davi châta Chiah siapa ei padua nawpa daihti a vaw tlô hai. Ano cha ryureituhpa abei châ aw ta, so ngaitapa ta hmo tao aw ta, adona nata siana ta râh liata ryu a reih aw,” Abeipa ta a tah.

ZEPHANIA 3:15

Abeipa ta nâma hriena pachhâsa ha ta, Na chariahpazy a pasipathai ha ei. Abeipa, Izarei Beipa cha na hnohta y ta, Hmo pha leipa chi beih khao aw va chi.

ZEKARIA 9:9

Hy Zaio sawchanô, thapha ngaitapa ta y la, Hy Zerusale sawchanô, thata awh teh! Moh tua, na bei cha nâ lâta â vy hai; Mosiapa nata pachhatuhpa a châ; Areisipa ta alâ vaw kiah ta, Alâtaw, alâ panô taw tlai vaw kiah ta â vy.

MATHAI 27:11

Zisu cha râhvaotuhpa hmiakô liata a duah ta, râhvaotuhpa ta, “Zuzy Beipa na châ ma?” tahpa ta hiahri ta. Zisu ta a hnohta, “Na reipa hawhta ei châ,” tah ta.

MATHAI 27:27

Râhvaotuhpa pheisaihzy ta Zisu cha Pritôria lâ a chhi ei ta, pheisaih zydua a hmiakô liata awpakhy ei ta.

MÂKA 15:2

Pilâ ta a hnohta, “Zuzy Beipa na châ ma?” tah ta. Zisu ta a chhy ta, “Na reipa hawhta ei châ,” tah ta.

LUKA 23:2

“He chyhsa heta eima phopi pasiesa chheipa ta, Kaisarâ lâ chhie pie awpa miah pakhâ ta, anosasyh ta Mesia â tahpa nata abeipa â tahpa eima thei,” tahpa ta leih ei ta.

ZAWHÂNA 1:49

Nâthaniah ta a chhy ta, “Râbai, Khazohpa Sawchapawpa na châ! Izarei Beipa na châ!” tah ta.

ZAWHÂNA 12:13

Thiahrâ kuahzy a cheipa ta ano dy awpa ta pua ei ta, “Haozanâ! Abeipa moh ta Izarei Bei a vypa cha reithaipa ta y mawh sy!” tahpa ta awh ei ta.

ZAWHÂNA 12:15

“Hy Zaio sawchanô, chi khah y, Moh teh, alâ taw kiapa ta, Na Beipa cha â vy,” tahpa ta ropa hawhna khata.

ZAWHÂNA 18:34

Zisu ta a chhy ta, “Cha kyh cha nâma lôhthai ta na reipa ma, mohropa ta ei thâtih ama cha chhopa tawhta a reihpa ma na châ?” tah ta.

ZAWHÂNA 18:37

Pilâ ta a hnohta, “Cha khiah, abei ma na châ?” tah ta. Zisu ta a chhy ta, “Nâ ta abei na châ eina tah chi cha zaw. Biehmeiseihpa pahnosa awpa ta a pihpa châ na ta, biehmeiseihpa pahnosa awpa ta khizaw lâ â zupa ei châ. Ahy rai bie hmeiseihpa liata a ypa maihta ei bie ama zyh tyh,” tah ta.

ZAWHÂNA 18:38

Pilâ ta a hnohta, “Bie hmeiseihpa cha khâpa maw?” tah ta. Cha bie cha Pilâ ta a rei khai nahta, Zuzy lâta pua heih ta, ama hnohta, “Khâpa hmah a moleina hmô va na.

ZAWHÂNA 19:12

Cha khai tawhta, Pilâ ta Zisu cha pathlie a chhuah ta. Châhrasala Zuzy ta, “He chyhsa he na pathlie khiahta la, Kaisarâ viasa châ va chi. Âmosasyh ta bei ta â taopa maih Kaisarâ amâ dyuh tyh,” tah ei ta.

ZAWHÂNA 19:3

A kiapâh lâ a vy ei ta, “Zuzy Beipa, eimâ châ naoh na!” tah ei ta, chabaih ei ta.

ZAWHÂNA 19:4

Pilâ cha pua heih ta, ama hnohta “Moh teh u, khâpa hmah a thaileichâna hmô va na tahpa nama pahno nawpa ta, nâmo lâ ei vaw chhi hih,” tah ta.

ZAWHÂNA 19:9

A o lâ a ngia heih ta, Zisu hnohta, “Khataih lâta chyhsa ma na châ?” tah ta. Châhrasala Zisu ta a chhy khoh leipa ta.

1 TIMAWTHY 6:13

Hmo to hrona a pietuhpa Khazohpa nata Pawtia Pilâ hmiakô liata biedopa a duakheituhpa Krista Zisu mohmô liata bie ei cha pie.