ZAWHÂNA 18:18 - Mara Bible RV (BSI)

¹⁸ A chasi kawpa vâta, chakaotuhpazy nata hyutuhpazy cha meihei ta mei patih ei ta, a duah hmahta mei a aih ei ta. Pity chhao, a dua hmahta ama hnohta a aih hra ta.

ZAWHÂNA 18:18 ပူးပေါင်းရင်းမြစ်များ

ÂTHAONA 49:6

Ama ryureina liata ei thlahpa a hlao leipa aw ta, Ama pakhypi liata ei rônahna a hlao aw vei. Hiehâhpa ta chyhsa thie ei ta, Khotlâ ta viahchao tôhpazy ama chhawh.

1 ABEIZY 19:9

Lôpu miakha kei tlô ta, cha liata a rie ta. Abeipa bie a hnohta vaw tlô ta, Abeipa ta a hnohta, “He liata khâpa ma na tao, Elaizâh?” tah ta.

HLAZY 1:1

Hmoparaopazy ryhraona a chhih beih leipa, Moleipazy lâpi liata a duah beih leipa, Chyhsa a mohnao thaipazy dyuchhai liata a tyuh beih leipa, Cha hawhpa chyhsa cha a nohlao na.

BIESOZY 13:20

Chyhsa sopa a pakyhpa cha ano chhao soh aw ta, Ahrupazy viasa deikua cha pasa a tao aw.

MÂKA 14:54

Pity cha â hlapi ta Zisu cha pazi ta, Theihthai Beichaipa o dôhpachhôh tlyhmia taihta pazi ta. Vaituhpazy hry liata mei a aihpa ta a tyuh hra ta.

MÂKA 14:67

Pity mei â aihpa hmô ta, moh ta, a hnohta, “Nâ chhao he Nâzari chyhsa Zisu hnohta a ypa kha na châ hra,” tah ta.

LUKA 22:44

A pachârôh ngaita ta, phahnai a ngiah via heihpa ta thlahchhâ ta. A mathlai di thisaih hawhta alei liata tla ta.

ZAWHÂNA 18:25

Saimaw Pity cha a dua hmahta mei a aih ta, “Nâ chhao he a pachupazy hry liata a hlaopa châ hra va chi ma?” tah ei ta. Pity ta, “Châ va na,” tahpa ta a papha ta.

ZAWHÂNA 18:3

Chatanachata Zudâh cha theihthai beizy nata Phârisaihzy tawhta pheisaih sahlao nata hyutuhpazy a chhi ta, meiôhzy, meireizy, chaihraizy chabapa ta, cha su lâ cha vawh ei ta.

ZAWHÂNA 21:9

Ngiahkâ ama pua nahta, cha liata meihei ta mei patipa hmô ei ta, a chô liata ngasa raopa nata viahchhâ y ta.

HMOTAOPAZY 4:23

Ama pathlie nahta, Pity nata Zawhâna cha ama viasazy lâ vawh ei ta, theihthai beizy nata machâzy ta ama hnohta ama reipazy cha chho ei ta.

1 KAWRINI 15:33

Dôpa ta y khah u. “Viasa moleipazy ta viasa nôchâ phapa ama parao tyh.”