ZAWHÂNA 18:11 - Mara Bible RV (BSI)

¹¹ Zisu ta Pity hnohta, “Zaozi kha a paih liata khô teh, Paw ta nyu eina piepa he ei doh awpa châ vei ma?” tah ta.

ZAWHÂNA 18:11 ပူးပေါင်းရင်းမြစ်များ

2 SAMUELA 16:10

Châhrasala abei ta, “Nâmo, Zeru sawchapawzy saih u, a chahraoh khoh khah u. Abeipa ta, ‘Davi chhiesapa teh,’ a tahpa a châ khiahta cha, chhiesa thlâh ha sa. Ahy ma, ‘Khazia kha hawhta na tao’ a tah thei aw?” tah ta.

HLAZY 75:8

Abeipa ku liata cha, Kresawhti pahâhpa nyu a y; Kresawhti cha a buchaphy pua ngâ ta, Abeipa ta patlai ta, Khizaw liata moleipa zydua ta doh ei ta, A chaopahrâ taihta ama doh khai haw.

EZEKIA 23:31

Nâ chhao na narônô lâpi a chhih chi ta, chavâta a nyu cha na ku liata ei cha pie aw.

MATHAI 20:22

Zisu ta âmo cha a chhy ta, “Nama hiapa pahno veih ei chi. Ei nyu do awpa nama doh thei aw ma?” tah ta. Âmo ta, “Eima doh thei aw,” tah ei ta.

MATHAI 26:39

A chyhta vawh via ta, â khu lâta pao ta, thlahchhâ ta, “Hy ei Paw, tao theipa a châ khiahta la, he nyu he rie na khôsai mawh sy. Châhrasala keima rei châ leipa sala, nâma rei tlao châ mawh sy,” tah ta.

MATHAI 26:42

Chatawhcha a ei nona ta vawh ta, thlahchhâ heih ta, “Hy ei Paw, he nyu he doh leipa ta na khôsai thei awpa a châ vei khiahta cha, na rei sai châ mawh sy,” tah ta.

LUKA 12:30

Khizaw phopi to ta cha hmozy cha ama tlua tyh. Chazy cha namâ ngiah tahpa nama Paw ta a pahno.

LUKA 22:42

“Ei Paw y, â ryh na tah khiahta la, he nyu he keima tawhta pasie mah y. Châhrasala keima rei châ leipa sala, nâma rei sai châ mawh sy,” tah ta.

ZAWHÂNA 15:10

Paw biepiepazy zyh na ta, a kyhpachâna liata ei y thlâhpa hawhna heta, nâmo chhao ei biepiepazy nama zyh khiahta cha, ei kyhpachâna liata nama y thlâh ha aw.

ZAWHÂNA 17:24

Ei Paw y, kyh eina pachâpa vâ chi ta, leilô y hlâta rônahna eina piepa chi kha ama hmô thei nawpa ta, nâ ta eina piepazy chi he, ei yna liata ei hnohta ama y hra awpa ei khoh ngaita.

ZAWHÂNA 18:36

Zisu ta a chhy ta, “Ei khinarâh cha he khizaw khinarâh châ vei. Ei khinarâh cha he khizaw khinarâh châ sala, Zuzy lâta hlâpa ta ei y lei nawpa ta, nâ chakaotuhpazy ta amâ dyuh ha aw. Ei khinarâh cha he liata y vei,” tah ta.

ZAWHÂNA 20:17

Zisu ta a hnohta, “Na patu khah y, Paw lâ kiah mâh va na. Ei unawhzy lâ vawh la, ama hnohta, ‘Ei Paw nata nama Paw, ei Khazohpa nata nama Khazohpa lâ ei kiah aw,’ a tah na tahpa ta kei chho mah y,” tah ta.

2 KAWRINI 10:4

Eima chariah chhaichhizy cha khizaw chariah chhaichhizy châ leipa ei ta, thokhy a i ngaitapazy parao nawpa ta Khazohpa hmotaotheina a châ.

2 KAWRINI 6:7

bie hmeiseihpa reina liata zy, Khazohpa hmotaotheina liata zy, chachâh lâ nata chavei lâta siana chaihrai chabana liata zy;

HEBRAI 12:2

Eimâ ngiapâna apahniehna nata pakituhpa Zisu lâ moh lymâ ei suh u. Ano cha a hmiakô liata alyna sopa cha a to thei nawpa ta, maophyuhna chhao papeisa leipa ta, kraws liata pasa tao ta, Khazohpa beidyuchhai chachâh lâta a kaw tyuh ha ta.