ZAWHÂNA 18:1 - Mara Bible RV (BSI)

¹ Cha biezy cha a rei khai nahta, a pachupazy chhaota pua ei ta, Kidaraw chavah chaka ei ta. Cha liata sadô y ta, Zisu cha a pachupazy chhaota sadô liana cha a ngia ei ta.

ZAWHÂNA 18:1 ပူးပေါင်းရင်းမြစ်များ

ÂTHAONA 2:15

Zehôvâh Khazohpa ta chyhsapa cha a chhi ta, Idâh sadô liata rai hria awpa nata sadô vaih awpa ta soh ta.

ÂTHAONA 3:23

Chavâta chyhsapa cha a vaw puana chhaohlei palie awpa ta, Zehôvâh Khazohpa ta Idâh sadô tawhta a papua haw.

2 SAMUELA 15:23

Râh zydua ta aoh tlili ta cha ei ta. Zawpi zydua cha sie ei ta, abei cha Kidaraw chavah chaka ta, zawpi zydua cha râhchawhpa lâ pangaipa ta sie ei ta.

1 ABEIZY 15:13

A nô Mâkâ chhao, khazoh nothlahpa pasichhih ngaitapa Aseri tôh a taopa vâta, beinô a châna pabâh ta, a nô khazoh nothlahpa cha chhawh pachhô ta Kidaraw vahtiepa liata mei ta a rao haw.

1 ABEIZY 2:37

Na pua noh, Kidaraw chavah na chaka noh cha, na thi noh a châ aw tahpa pahno mah y. Na thisaih cha nâma luh chô liata a y aw,” tah ta.

2 ABEIZY 23:12

Ahâza o chhâh chô lâta vâphuh liata Zudâh beizy ta maisâh ama taopazy nata Manase ta Abeipa o dôhpachhôh tlyhmia miano liata maisâh a taopazy cha abei ta pacho khaipa ta, pakeichheih ta, azaona dohleizy cha Kidaraw chavah liata thy ta.

2 ABEIZY 23:4

Chatawhcha Abei ta theihthai beichaipa Hikia nata ano a pazipa theihthaipazy nata chhikao vaituhpazy cha Abeipa Achhyna o chhôh liata Bâlâ nata Aseri nata avâ liata a ypa zydua châta taopa hmobaoh zydua cha puakhei khai awpa­ta biepie ta. Chazy cha Zerusale khôtho lâ Kidaraw lyurâhpazy liata abei ta mei ta rao ta, a paohpazy Bethel lâ siekhei ta.

2 ABEIZY 23:6

Abeipa o liata Aseri tôh cha Zerusale khôtho lâ Kidaraw chavah lâ puakhei ta, Kidaraw chavah liata rao ta, a paohpadi lâta â liena taihta tlypazao ta, a paohpa cha vâtlâh thlâ liata hie ta.

2 THÂTIHZYRONA 15:16

A nô Mâkâ tlai chhao, khazoh nothlahpa pasichhihpa Aseri tôh a taopa vâta, beinô a châna tawhta pabâh ta, a nô khazoh nothlahpa cha chhawh pachhô ta, pazao khai ta, Kidaraw vahtiepa liata mei ta a rao haw.

2 THÂTIHZYRONA 29:16

Theihthaipazy cha Abeipa o chhôh chaipa lâ a ngia ei ta, pathai ei ta, Abeipa Achhyna o liata hmo puapa ama hmôpa zydua cha Abeipa o dôhpachhôh tlyhmia lâ puakhei ei ta. Livai pathlazy ta chazy cha la ei ta, Kidaraw chavah lâ siekhei ei ta.

2 THÂTIHZYRONA 30:14

Thyu ei ta, Zerusale liata maisâhzy nata ropahâhpa raona maisâh zydua la ei ta, Kidaraw chavah lâ thy ei ta.

NEHEMIAH 2:15

Zâ ta chavah kaw sao na ta, thokhy cha mohpasia na ta, vaw kua na ta, Saikao Chhikao lâ tawhta a di na ta.

ZEREMIAH 31:40

Athipa ri nata buchâh thyna saikao zydua nata nochhi lâta Arâ Chhikao chaki liata a ypa Kidaraw vahtiepa taihta lyu zydua cha, Abeipa châta pathaihpa a châ aw. Khihpi cha khati ta hmahta phiapa nata paraopa châ khao aw vei.”

THEIHTHAINA 2:6

Patlaw aw chi ta, sathaw na bao aw. Cha cha niepa hlâna a châ.

MATHAI 26:30

Hla ama sa khai nahta, Ôli tlâh lâ sie ha ei ta.

MATHAI 26:36

Cha khai tawhta Zisu cha a pachupazy chhaota Kesemani ama tahpa su lâ sie ta, ama hnohta, “Hao liata thlah ei kei chhâ chhôh ta, he liata a vaw tyuh chy muh vy,” tah ta.

MÂKA 14:26

Hla ama sa khai nahta, Ôli Tlâh lâ sie ei ta.

MÂKA 14:32

Kesemani ama tahpa lâ sie ei ta. A pachupazy hnohta, “Thlah ei kei chhâ chhôhta, he liata a vaw tyuh chy muh vy,” tah ta.

MÂKA 14:42

Thyu teh u, sie ei suh u. Moh teh u, nâ patusatuhpa â vaw hnia ha huh,” tah ta.

ZAWHÂNA 14:31

châhrasala Paw kyh ei pachâpa khizaw ta a pahno thei nawpa ta, Paw ta bie eina piepa hawhta ei taopa a châ. Thyu teh u, he su tawhta pua ei suh u.

ZAWHÂNA 18:26

Theihthai beichaipa chakaotuhpa pakha, Pity ta a nakao a pathai hapa chhôhkhapa ta, “A hnohta sadô liata ei cha hmôpa kha châ va chi ma?” tah ta.

HMOTAOPAZY 21:11

Keimo lâ a vy ta, Pawla chaisaihna la ta, a ku nata a pheizy anosasyh ta a chahry ta, “Thlahpa Pathaihpa ta, ‘He chaisaihna a hneituhpa he Zerusale liata Zuzy ta he hawhta chahry aw ei ta, Zenitaizy ku liata ama hlâ aw,’ a tah,” tah ta.