ZAWHÂNA 17:3 - Mara Bible RV (BSI)

³ He he chhâzaw hrona a châ: Nâ, Khazoh hmeiseihpa deita nata na tuapa Zisu Krista pahnopa hih.

ZAWHÂNA 17:3 ပူးပေါင်းရင်းမြစ်များ

1 THÂTIHZYRONA 28:9

“Nâ, Sawlawmaw, ei sawchapawpa y, na paw Khazohpa he pahno la, pathipalôh tlokhuh ta nata tao khona palôh hneipa ta ano cha chakao mah y. Abeipa cha palôh zydua mohtuhpa châ ta, achhuahna nata pachâna zydua pahnotuhpa a châ. Ano cha na tlua khiahta cha, hmô awh chi ta, nâ heihsai khiah deikua cha, chhâzaw ta a cha thy aw.

2 THÂTIHZYRONA 15:3

Bohpi chhôh Izarei cha Khazoh hmeiseihpa hnei leipa ta y ta, pachutuhpa theihthaipa nata ryhpa zy hnei leipa ta a y.

HLAZY 9:10

Na moh a pahnopazy ta châ ngâchhâ ei ta, Hy Abeipa, nâ cha châ tluatuhpazy a heihsai beih va chi.

BIESOZY 8:35

Nâ hmôpa maih hrona a hmôpa châ ei ta, Abeipa khokheina ama to aw.

ISAI 48:16

Nâ vaw hnia u la, He bie he thei teh u; Hmo vaw y awpa kyh liata, Âthaona tawhta arulâta bie reih beih leipa na ta, A vaw y daihti lia chhao ta ei y.” Tahmâ he Abeipa Zehôvâh ta na tuah ta, A Thlahpa ta eina tuah.

ISAI 53:11

Pasataona khô lâta hrona khaihna hmô aw ta, Palôhtlâh ngaitapa ta a y aw. Nâ chakaotuhpa chyhsa siapa cha, A pahnona hmâpa ta chyhsa hluhpi thai pachâsa aw ta, Ama paraonazy a phaopa aw ei.

ISAI 61:1

Dyhchhiepazy hnohta thâtihpha chho awpa ta, Abeipa ta sathaw eina thupa vâta, Abeipa Zehôvâh Thlahpa cha ei chô liata a y. Palôh keichheihpazy patlâh awpa ta na tuah ta, Seizy hnohta puana bie phuah awpa ta eina tuah. Mochaopazy mopavâna bie phuah awpa ta na tuah ta, Atâhpazy puana bie phuah awpa ta eina tuah.

ZEREMIAH 10:10

Abeipa deikua cha Khazoh hmeiseihpa châ ta, Khazoh hrohpa nata tlyzaw Bei a châ. A hiehâhna ta alei a chalyu ta, Phopizy ta a pathiiana tao thei veih ei.

HÔSIA 6:3

Abeipa pahnona chadai sih la, Ano cha pahno lymâ suh u; Khihdei awpa a siapa hawhta, Ano chhao â vaw luah tlai aw. Vâsua hawhta keimo lâ a vy aw ta, Châhvâ vâsua ta chhaohlei a padâpa hawhta â vy aw.”

MÂKA 9:37

“Ahy rai ei moh ta he hawhpa hawti pakha chhao a lypa cha, keima nâ lypa a châ. Keima nâ lypa cha, keima nâ lypa châ leipa ta, nâ tuahtuhpa a lypa tlao a châ,” tah ta.

LUKA 9:48

ama hnohta, “Ahy rai ei moh vâta he hawti a lypa cha keima nâ lypa châ ta, ahy rai kei nâ lypa cha nâ tuahtuhpa a lypa a châ. Nama zydua hry liata a chyh chaipa cha, ano tlai cha a rônah chaipa a châ,” tah ta.

ZAWHÂNA 10:36

Paw ta panano ta, khizaw lâ a za tuapa ta, ‘Khazohpa Sawchapawpa ei châ,’ ei tahpa vâta, ‘Khazohpa na reipachhie,’ eina tah ei chi ma?

ZAWHÂNA 11:42

Ei bie khâ na nathlie tyh tahpa ei pahno. Châhrasala he liata zawpi a duahpazy heta, na tuapa ei châpa ama pahno thei nawpa ta, he bie he ei reipa a châ,” tah ta.

ZAWHÂNA 14:26

Thlapalôhtuhpa, Paw ta ei moh ta a vaw tua awpa Thlahpa Pathaihpa chata, ato cha pachu aw ei ta, nama hnohta ei reipa zydua kha a cha patheisa heih aw ei.

ZAWHÂNA 17:18

Nâ ta kei khizaw lâ eina tuapa hawhna chi heta, kei chhao ta âmo cha khizaw lâ ei tuah hra ei.

ZAWHÂNA 17:21

Chatanachata ei Paw y, nâ liata kei y na ta, kei liata nâ na ypa hawhna heta, âmo chhao keimo liata ypa ta, ama zydua ta pôhkha châ aw ei ta, nâ ta eina tuah chi tahpa khizaw ta ama zo aw.

ZAWHÂNA 17:23

Kei âmo liata y na ta, nâ keima liata na ypa vâta, âmo chhao â ipa ta pôhkha ama châ. Chatanachata nâ ta kei na tuah chi ta, kyh eina pachâpa hawhna chi heta, âmo chhao kyh na pachâ ei tahpa khizaw ta ama pahno aw.

ZAWHÂNA 17:25

Hy ei Paw siapa y, khizaw ta a cha pahno leipa chhao ta, kei ta la ei cha pahno. He sahlao chhao heta nâ ta eina tuah chi tahpa ama pahno.

ZAWHÂNA 17:8

Bie eina piepazy chi kha ama hnohta pie na ta, a pyh ei ta, nâ tawhta a puapa ei châ tahpa â dopa ta pahno ei ta, nâ ta eina tuah chi tahpa amâ ngiapâ haw.

ZAWHÂNA 3:17

Khizaw thailei pachâsa awpa ta Khazohpa ta a Sawchapawpa khizaw lâ a tuapa châ vei, ano vâta khizaw pachhapa ta a y thei nawpa ta a tuapa tlao a châ.

ZAWHÂNA 3:34

Khazohpa tuapa ta Khazohpa bie reih tyh ta, ano cha bitaipa y leipa ta Thlahpa a pietuhpa a châ.

ZAWHÂNA 5:44

Nâmo nata nâmo a reithai raihrie ei chi ta, Khazohpa hmeiseihpa a y chhôhpa tawhta â vypa reithaina hmâchhâh nama tlua vei khiahta cha, kheihta namâ ngiapâ thei aw?

ZAWHÂNA 6:57

A hroh thlâhpa Paw ta na tuah ta, Paw zawhzi ta a hrohpa ei châpa hawhta, ahy rai nâ niepa cha, keima zawhzi ta ano chhao a hroh aw.

ZAWHÂNA 7:29

Kei deikua ta la ano cha ei pahno. Ano tawhta a vaw puapa châ na ta, ano ta a tuapa ei châ,” tah ta.

ZAWHÂNA 8:19

Âmo ta a hnohta, “Na Paw cha khataih liata a y?” tah ei ta. Zisu ta, “Kei na pahno leipa ei chi ta, ei Paw chhao pahno veih ei chi. Nâ pahnopa châ u la, ei Paw chhao nama pahno aw,” tah ta.

1 KAWRINI 15:34

Siana lâta a hra u la, molei khao khuh vy. Thokha cha Khazohpa pahnona rai hnei veih ei chi. Nama maophyuh nawpa ta he bie he ei reih.

1 KAWRINI 8:4

Chavâta nothlahpa lâta hmohlâpa niepa kyh liata, khizaw liata nothlahpa cha khâpa hmah a châ leizie nata Khazohpa pakha dei leipa ta cha, Khazoh hropa rai a y leizie eima pahno.

2 KAWRINI 4:6

“Zohna tawhta khaihna vaw khaih mawh sy,” a tahtuhpa Khazohpa ta, Khazohpa rônahna pahnona khaihna cha miah pie awpa ta, Zisu Krista hmia liata eima palôh a pakhaihsa haw.

PHILIPI 3:10

Chatanachata Krista nata a thyuheihna hmotaotheina cha pahno aw na ta, a rietheitaona liata a hlao hrapa ta, a thina liata ano hawhta thi hrapa ta,

PHILIPI 3:8

Cha dei châ vei, ei Beipa Zisu Krista pahnopa cha hmo hropa zydua hlâta sôh via ta, chavâta hmo to kyna ta ei rao khai. Krista cha ei thôhkhei thei nawpa ta, ano vâta hmo to ky na ta, hmo hropa zydua cha hnaihny hawh dei ta ei rao.

1 THYSALAWNIKA 1:9

Eima cha vaw tly nota miah namâ lyzie nata Khazohpa hrohpa nata dopa chakao awpa ta nothlahpazy tawhta Khazohpa lâ namâ heih hapa kyh miah chho ei ta,

2 THYSALAWNIKA 1:8

Khazohpa a pahno leipazy nata eima Beipa Zisu Krista thâtihpha a zyh leipazy chô liata deikua phuh a la aw.

HEBRAI 3:1

Chavâta unawh pathaihpa, vârâh awna a to hrapazy saih u, eimâ ngiapâna palâhâhna lyuhchâpa nata Theihthai Beichaipa Zisu thâtih pachâ tyh muh vy.

2 PITY 1:2

Khazohpa nata eima Beipa Zisu pahnona liata ngiachhiena nata thlalôhna nama chô liata pôh rili mawh sy.

2 PITY 1:3

Ano eima pahnona zawhzi ta, ano rônahna nata phana vâta miah awtuhpa Khazohpa hmotaotheina chata hrona nata Khazohpa pachâna hmo zydua miah a patosa.

2 PITY 1:8

Cha chânazy cha hnei u la, a pôh lymâ khiahta cha, eima Beipa Zisu Krista pahnona kyh liata hmotaotheina hnei leipa nata pathei leipa ta y aw veih ei chi.

1 ZAWHÂNA 1:2

Hrona cha a vaw luah ta, hmô pi ta, eima pahnokhei. Cha chhâzaw hrona, Paw hnohta a ypa cha eima hnohta a vaw luah ta, cha thâtih cha nama hnohta eima phuah.

1 ZAWHÂNA 1:3

Nâmo chhao ta miah namâ kao thei hra nawpa ta, eima hmôpa nata eima theipa cha nama hnohta eima phuah. Eimâ kaona cha Paw nata a Sawchapawpa Zisu Krista liata a châ.

1 ZAWHÂNA 2:23

Sawchapawpa a pyh leipa cha Paw hnei vei. Sawchapawpa a pyhpa cha Paw chhao a hnei.

1 ZAWHÂNA 4:6

Keimo cha Khazohpa tawhtapa châ pi ta, Khazohpa a pahnopa maihta eima bie nathlie ei ta, Khazohpa tawhtapa a châ leipazy deikua cha, eima bie nathlie veih ei. Cha liana chata Thlahpa dopa nata thlahpa doleipa eima pahno.

1 ZAWHÂNA 5:20

A hmeiseihpa cha ahy ma a châ tahpa eima pahno thei nawpa ta, Khazohpa Sawchapawpa cha a vy ta, novâhna miah a pie tahpa eima pahno. Keimo cha a hmeiseihpa, a Sawchapawpa Zisu Krista liata a ypazy eima châ. Ano cha Khazohpa hmeiseihpa châ ta, chhâzaw hrona a châ.