ZAWHÂNA 17:24 - Mara Bible RV (BSI)

²⁴ Ei Paw y, kyh eina pachâpa vâ chi ta, leilô y hlâta rônahna eina piepa chi kha ama hmô thei nawpa ta, nâ ta eina piepazy chi he, ei yna liata ei hnohta ama y hra awpa ei khoh ngaita.

ZAWHÂNA 17:24 ပူးပေါင်းရင်းမြစ်များ

ÂTHAONA 45:13

Izi râh liata ei rônahna zydua nata hmo nama hmôpa kyh zydua he ei paw kaw chho aw ei chi ta, ei paw cha a chatliepa ta he râh lâ he zâ chhi muh vy,” tah ta.

MATHAI 25:21

A zibeipa ta a hnohta, ‘Chakaotuhpa phapa nata ngâchhihpa, na tao pha na. Hmo chyhta chô liata ngâchhih chi ta, a hluhpi chô liata ei cha paysa aw. Na zibeipa alyna liata a ngia teh,’ tah ta.

MATHAI 25:23

A zibeipa ta a hnohta, ‘Chakaotuhpa phapa nata ngâchhihpa, na tao pha na. Hmo chyhta chô liata ngâchhih chi ta, a hluhpi chô liata ei cha paysa aw. Na zibeipa alyna liata a ngia teh,’ tah ta.

MATHAI 25:34

Abeipa ta a chachâh lâta a ypazy hnohta, ‘Ei Paw ta byhnâ a piepazy saih u, a vy u la, khizaw tao tua no tawhta khinarâh a chhuahdypa cha to teh u.

MATHAI 26:29

Ei cha chho ei, ei Paw khinarâh liata nâmo chhaota a thiehpa ta ei dona noh a tlô hlâlei cha, kre zôh thei he doh heih khao aw va na,” tah ta.

LUKA 12:37

Ama zibeipa â vy tita, ano hâpa ta a vaw hra thlâh hapa chakaotuhpazy cha ama nohlao na! Hmeiseihta ta ei cha chho ei, ama zibeipa cha chakaona chysia a tobipa ta, chakaotuhpazy cha tlâhkhai liata pati padôhsa aw ta, a vy aw ta, âmo cha a chakao aw ei.

LUKA 23:43

Zisu ta a hnohta, “Hmeiseihta ta ei cha chho, tanoh he ei hnohta Pârâdi liata na y aw,” tah ta.

ZAWHÂNA 1:14

Bie cha chyhsapa lâta a vaw lie ta, eima hry liata a pahrâ. A rônahna, a Paw Sawchapaw matlupa rônahna tlai cha hmô pi ta, ngiachhiena nata hmeiseihna ta a biepa a châ.

ZAWHÂNA 12:26

Ahy rai eina chakao khiahta la, na zi mawh sy. Nâ chakaotuhpa cha ei yna liata a y hra aw. Ahy rai eina chakao khiahta la, ano cha Paw ta a palyupalih aw.

ZAWHÂNA 14:3

Nama châta su a chhuahdy awpa ta a sie awpa ei châpa vâta, vaw kua heih aw na ta, ei hnohta ei châ chhi aw ei. Chatanachata nâmo chhao ei yna liata nama y aw.

ZAWHÂNA 15:9

Paw ta kyh eina pachâpa hawhta, kei chhao ta kyh ei cha pachâ ei. Ei kyhpachâna liata y thlâh ha teh u.

ZAWHÂNA 17:2

A hnohta na piepa zydua chhâzaw hrona pie awpa ta, ano cha chyhsa zydua chô liata biehneina na piepa a châ.

ZAWHÂNA 17:22

Nâ nata kei pôhkha eima châpa hawhna heta, âmo chhao pôhkha ama châ thei hra nawpa ta, rônahna eina piepa chi kha âmo ei pie ei.

ZAWHÂNA 17:5

Hy ei Paw, khizaw y hlâta nâma liata rônahna ei hneipa khata tahmâ he na mohmô liata na parônahsa mah y.

ZAWHÂNA 6:37

Paw ta eina piepa maih kei lâ amâ vy khai aw. Ahy rai kei lâ a vypa maih cha dytha cheita aw va na.

ZAWHÂNA 6:39

He he nâ tuahtuhpa khopa cha a châ, ano ta eina piepa zydua ahy hmah pahlei leipa aw na ta, noh chhâna noh liata ei pathyu aw ei.

ZAWHÂNA 8:58

Zisu ta âmo cha a chhy ta, “Hmeiseihta ta, hmeiseihta ta ei cha chho ei, Abarahâ y hlâta ei y haw,” tah ta.

1 KAWRINI 13:12

Tahmâ cha thlalâ liata vivâh deita hmô pi ta, cha tita deikua cha hmiachhypa ta eima hmô ha aw. Tahmâ cha â ki leipa ta pahno na ta, cha tita deikua cha, Khazohpa ta eina pahno pakipa hawhna heta, â kipa ta ei pahno ha aw.

2 KAWRINI 3:18

Chatanachata keimo hmia khu leipa ta a ypa zydua pi heta Abeipa rônahna cha palâsa pi ta, rônahna tawhta rônah via rilipa ta, Abeipa rônahna lyuna lâta pananopa ta eima y lymâ. Cha cha Abeipa tawhta eima hmôpa châ ta, Abeipa cha Thlahpa a châ.

2 KAWRINI 4:6

“Zohna tawhta khaihna vaw khaih mawh sy,” a tahtuhpa Khazohpa ta, Khazohpa rônahna pahnona khaihna cha miah pie awpa ta, Zisu Krista hmia liata eima palôh a pakhaihsa haw.

2 KAWRINI 5:8

Thlalôhpa ta eima y. Pôhpa o liata y leipa ta, eima y nawpa o liata Abeipa hnohta y awpa eima khoh via.

PHILIPI 1:23

A likah liata pachâna pahno leipa ta ei y. Kei la sie ta, Krista hnohta y bâ awpa ei khoh. Cha cha kei châta a pha via syulyu.

1 THYSALAWNIKA 4:17

Cha hnôhlâ ta keimo ahrohpa ta a ypazy pi he, avâ ruapa meihdozy hry liana khita Abeipa dy awpa ta ama hnohta lapa châ aw pi ta, chhâzaw ta Abeipa hnohta eima y ha aw.

1 PITY 1:21

Khazohpa ta Krista cha athihpa hry tawhta pathyupa ta rônahna patosa ta, Krista zawhzi ta Khazohpa ngiapâtuhpazy nama vaw châ haw. Chatanachata namâ ngiapâna nata hnabeiseihna cha Khazohpa liata a y thlâh ha aw.

1 ZAWHÂNA 3:2

Kho ngaitapa saih u, Khazohpa sawzy eima châ haw. Kheihta ma eima y aw tahpa deikua a lâ mâh vei. Châhrasala ano â vaw luah tita, ano hawhta eima y aw tahpa eima pahno. Ano cha a châna ualua ta eima hmô aw.

BIEPHUAH 21:22

Achhyna o deikua khihpi chhôh liata hmô va na, Abeipa Khazohpa Atotaotheipa nata Mietakutaw cha khihpi Achhyna o a châpa vâta.

BIEPHUAH 3:21

Pahniena to na ta, ei Paw hnohta a beidyuchhai liata ei tyupa hawhna heta, pahnietuhpa cha ei beidyuchhai liata ei hnohta ei patyusa aw.