ZAWHÂNA 17:18 - Mara Bible RV (BSI)

¹⁸ Nâ ta kei khizaw lâ eina tuapa hawhna chi heta, kei chhao ta âmo cha khizaw lâ ei tuah hra ei.

ZAWHÂNA 17:18 ပူးပေါင်းရင်းမြစ်များ

MATHAI 10:5

He pahrawh hleinozy he Zisu ta tuah ta, ama hnohta hetana heta bie a pie ei: “Zenitaizy lâpi lâta sie leipa u la, Samâri khihpi liata chhao a ngia hra leipa u la,

MATHAI 23:34

Chavâta hrohsopazy, chyhsa sopazy nata ryhpa pachutuhpazy ei cha vaw tuapa ei. Thokha thie aw ei chi ta, thokha nama khaipâ aw. Thokha cha namâ pakhyna ozy liata chhei aw ei chi ta, khi kha tawhta khi hro lâta nama taola laih lymâ aw.

ZAWHÂNA 17:21

Chatanachata ei Paw y, nâ liata kei y na ta, kei liata nâ na ypa hawhna heta, âmo chhao keimo liata ypa ta, ama zydua ta pôhkha châ aw ei ta, nâ ta eina tuah chi tahpa khizaw ta ama zo aw.

ZAWHÂNA 17:23

Kei âmo liata y na ta, nâ keima liata na ypa vâta, âmo chhao â ipa ta pôhkha ama châ. Chatanachata nâ ta kei na tuah chi ta, kyh eina pachâpa hawhna chi heta, âmo chhao kyh na pachâ ei tahpa khizaw ta ama pahno aw.

ZAWHÂNA 17:25

Hy ei Paw siapa y, khizaw ta a cha pahno leipa chhao ta, kei ta la ei cha pahno. He sahlao chhao heta nâ ta eina tuah chi tahpa ama pahno.

ZAWHÂNA 17:3

He he chhâzaw hrona a châ: Nâ, Khazoh hmeiseihpa deita nata na tuapa Zisu Krista pahnopa hih.

ZAWHÂNA 17:8

Bie eina piepazy chi kha ama hnohta pie na ta, a pyh ei ta, nâ tawhta a puapa ei châ tahpa â dopa ta pahno ei ta, nâ ta eina tuah chi tahpa amâ ngiapâ haw.

ZAWHÂNA 20:21

Zisu ta ama hnohta, “Nama chô liata thlalôhna y mawh sy. Paw ta kei eina tuapa hawhta, kei ta nâmo ei cha tuah ei,” tah heih ta.

ZAWHÂNA 3:17

Khizaw thailei pachâsa awpa ta Khazohpa ta a Sawchapawpa khizaw lâ a tuapa châ vei, ano vâta khizaw pachhapa ta a y thei nawpa ta a tuapa tlao a châ.

ZAWHÂNA 4:38

Nama hriapasa leipa hria awpa ta ei cha tuapa ei kha. Mohropazy ta hriapasa ei ta, nâmo ta ama hria chiehpa cha nama pazao,” tah ta.

2 KAWRINI 5:20

Chavâta Krista lyuhchâpazy châ pi ta, Khazohpa ta keimo miah hmâpa ta a châ haw ei. Khazohpa nata a ryhpa ta y awpa ta, Krista vyuhpa ta eima châ haw.

EPHESI 3:7

Khazohpa ngiachhiena hmosaipiepa vâta, cha thâtihpha chakaotuhpa ta taopa châ na ta, cha chakaona rai cha a hmotaotheina hmâpa ta ei hnohta eina pie.